MATIUS 9:8 - WUKE SUSI WATTI'U AL᷊AL᷊USASSA

⁸ Su tempo manga taumata naasilo olangnge udde, i mangitou nata'utta wuṛṛu naddalote Ruata, ana waugu Ruata suete napal᷊iatta'u taṛṛino-Ne apan aroddi ahewalle su taumata.

MATIUS 9:8 Iomraidhean Croise

MATIUS 12:23

Anambon taumata naherangnga wuṛṛu nabbisara, “Asinungka i Tou indi Ana'i Daud apan suete pina'ire udde?”

MATIUS 15:31

Taumata nambo isudde, naherangnga atonna, su tempo i mangitou naasilo taumata mou naawisara, taumata peṛṛo napia, taumata lome niumamatta, wuṛṛu taumata wuta naasilo. See i mangitou nadalote Ruatan walahannu Israel.

MATIUS 28:18

Mawu Yesus nangundani mangitou wuṛṛu nabbisara, “Anambon taṛṛino su surga wuṛṛu su runia suete tinantilla si Ya'u.

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

MATIUS 9:7

Taumata lome udde dirumarisikke wuṛṛu napul᷊ete su wal᷊ene.

MARKUS 2:12

I tou nabangunna wuṛṛu mal᷊iha-l᷊ihakka nanganu wilanne see sinumabangnga aellehanni mangitou sarangkanambone. Manga taumata udde naherangnga see nadalote Ruata. Unni mangitou, “Taambe saran paassa i ite naasilo arariadianna ereindi!”

MARKUS 7:37

Wuṛṛu anambon taumata apan naaringikka udde naherangnga atonna. I mangitou nabbisara, “Sarangkanambone niolang-Nge ringannu mapia! Wuṛṛu lai i Tou na'ola'a taumata wengella naaringikka wuṛṛu taumata mou naawisara!”

LUKAS 13:13

See Mawu Yesus namita wawine udde, ne su orassa udde lai i tou naararisikka matul᷊ida see nadalote Ruata.

LUKAS 17:15

Napawe sangkatou su wallatti mangitou naapendamma manungku i tou napiate, i tou nabelengnga see ringannu tingikka ma'ikkatta i tou nadalo Ruata.

LUKAS 17:18

Anio tumba'u taumata raho indi nabelengnga ma'adiangkamanna su Ruata?”

LUKAS 18:43

Orassa udde lai i tou naasilote, see i tou tinumantalongke Mawu Yesus ringannu ma'adiangkamanna su Ruata. Napawe taumata nambo udde naasilote olangnge udde, i mangitou nambo nadalote Ruata.

LUKAS 2:20

Manga mallal᷊u'adda domba nabelengke watukku wadda'u nannal᷊o lapiddu maddalo wuṛṛu mammantuga Ruata, ana waugu sarangkanambone apan suete inaringiṛṛanna wuṛṛu inasiloanni mangitou naṛṛino ere suete niapaasingkattu mala'ekatta si mangitou.

LUKAS 23:47

Napawe tembonannu tantara naasilo apa apan suete nariaddi, i tou nadalote Ruata. See i tou nabbisara, “Atonna-tonna, i Tou indi tawe sal᷊ane!”

LUKAS 7:16

Anambon taumata nata'utta wuṛṛu nanattakke maddalo Ruata. I mangitou mabbisara, “Sangkatou nabi apan wahewa suete nirumanta su wallatti ite! Ruata nirumantate manal᷊amatta pabbawalage!”

YOHANES 15:8

Amungkangngu i yamiu mabua manambo, Iamang-Ku wantuhanna; wuṛṛu ringannu aroddi yamiu atonna-tonna maola'a mallal᷊aṛṛenggeng-Ku.

WATTI'U MANGA RASUL 11:18

Napawe naaringikke udde, i mangitou tate nanompola apia. See i mangitou nadalote Ruata. I mangitou mabbisara, “Amungkangngu aroddi, manga taumata apan bal᷊ine Yahudi lai inonggol᷊annu Ruata tempone mawal᷊u wuassu manga rosane wuṛṛu maapussa'a wiakka apan tutune!”

WATTI'U MANGA RASUL 21:20

Napawe suete nadaringikka watti'i Paulus udde, i mangitou sarangkanambone nadalote Ruata. Wua'udde i mangitou nabbisara si Paulus, “Tuṛṛangnga Paulus! Tuṛṛangnga ṛinone maasingkatta manungku su ṛiwunete taumatan Yahudi mangngimanna Mawu Yesus. Ete i mangitou sarangkanambone udde taumata apan sidutu tuttuṛṛutta mappaamattu Titan Musa.

WATTI'U MANGA RASUL 4:21

Manga lal᷊oṛṛon ammul᷊anna udde tawe naasomba sambau pinangiananne ipakkuumanni Petrus wuṛṛu i Yohanes. Nariaddi i mangitou napaanaungngi tarua apia, see itarua nipallosse, ana waugu anambon taumata mangke maddalo Ruata ana waugu arariaddianna udde.

2 KORINTUS 9:13

Wuṛṛu wuassu apapian kamiu udde, manambo taumatan Saṛṛani su Yudea sarun maddalo Ruata ana waugu i mangitou naasilo tatuṛṛuti yamiu su Watti'u Al᷊al᷊uassa su ola'i Kristus apan tatantalonganni yamiu udde. I mangitou lai maddalo Ruata, ana waugu i yamiu naungnge mapia mattahia si mangitou wuṛṛu su anambon taumata waine sarannapa apan pia si yamiu.

GALATIA 1:24

Ne i mangitou nadalote Ruata ana waugu i ya'u.

1 PETRUS 2:12

Pallal᷊agunu su wallatu taumata apan tawe maaillal᷊a Mawu ṛinone lembon mapia, na'oman sara napawe i mangitou mangngadio'a si yamiu ere taumata lal᷊eo, i mangitou lai sarun manga'u inolaannu apan mapia na'oman sara i mangitou sarun maddalo Ruata su allo daranta-Ne.