MATIUS 9:2 - WUKE SUSI WATTI'U AL᷊AL᷊USASSA

² Isudde taumata nangapiddu sangkatou lome ringanni Tou apan ual᷊allowangnga su wilatta. Su tempo Mawu Yesus naasilo manungku wahewa atonna pangangimanni mangitou udde, i Tou nabbisara su taumata lome udde, “Paasabare ana'u! Manga rosanu suete niampunganna.”

MATIUS 9:2 Iomraidhean Croise

MANNANASE 9:7

Wette, ante wuṛṛu lalluasse, pa'inumpe anggore ringannu lullala'a. Ruata tawe mamulo, ewe'e i tou lai mandolokka.

YESAYA 44:22

Pasasal᷊anu Ta'u limbuaṛṛanna ere winabbawa, rosanu Ta'u iapasal᷊iu ere abbunga. Pabbelengke ringang-Ku, ana waugu i Ya'u buatte namallonnu!”

MATIUS 14:27

Arawe Mawu Yesus lapiddu sinumimbakka, “Paatammuda! I Ya'u indi, arie pa'ata'utta!”

MATIUS 4:24

Watti'a su ola'u Mawu Yesus udde naddingikke su al᷊awo'u wanua su Siria, na'oman sara taumatanambo rudanta ringanni Tou. I mangitou uaapiddu manga taumata apan uatataṛṛangnga al᷊awo'u hatin radda'a wuṛṛu asasusa. Manga taumata apan niasuttannu ghaṛṛaho lal᷊eo, apan raddangnge pua, wuṛṛu lome, sarangkanambone udde niapaapia Mawu Yesus.

MATIUS 6:12

Ampungewe i yami wuassu passasal᷊ang kami, ere lai yami suete nangampungnga taumata apan nassal᷊a si yami.

MATIUS 8:10

Su tempo Mawu Yesus naaringikka apa apan niwal᷊on tembonannu tantara udde, i Tou mangke naherangnga. Wua'udde i Tou nabbisara su manga taumata uatantalongnga si Tou, “Wal᷊ine hampa taumata indi. Su wallattu taumatan Israel i Ya'u taambe naasomba taumata pangangimanne aroddi ahewalle!

MATIUS 8:16

Su tempo wawallote, taumata nangapidde mararadda'a apan niasuttannu ghaṛṛaho lal᷊eo. Wuṛṛu ringannu tumba'u wisara sampaddi, Mawu Yesus nallimbuakka manga ghaṛṛaho lal᷊eo udde wuṛṛu napaapia lai anambon taumata apan maradda'a.

MATIUS 9:22

Orassa udde Mawu Yesus nanaile wuṛṛu naasilo wawine udde see nabbisara si tou, “Paatammuda, ana'u! Ana waugu i'o mangngimanna si Ya'u, i'o mapiate!” Orassa udde lai wawine udde napia.

MATIUS 9:5

Suapa malluasanna: mabbisara, ‘Rosanu suete niampunganna’, ara'e mabbisara, ‘Darisikke wuṛṛu amatte’?

MATIUS 9:6

Arawe orassa indi Ya'u mappaal᷊iatta'a si yamiu, manungku su wowon dunia indi Ana'u Taumata uataṛṛino mangampunga rosa.” See Mawu Yesus nabbisarate su taumata lome udde, “Darisikke, lappute wilannu wuṛṛu apul᷊ete!”

MARKUS 1:32

Su wawallone, napawe matannallo nattupe, manga taumata nangapidde ringannu Mawu Yesus anambon taumata marada'a wuṛṛu taumata apan niasuttannu ghaṛṛaho lal᷊eo.

MARKUS 10:49

Ne Mawu Yesus nattaalle see nabbisara, “Wagoite i tou.” Nariaddi i mangitou namagote taumata wuta udde. I mangitou nabbisara si tou, “Paal᷊annabe! I'o wabagoannu Mawu Yesus, pabbuatte!”

MARKUS 5:34

See Mawu Yesus nabbisara wawine udde, “Ana'u, ana waugu i'o mangngimanna si Ya'u, i'o napiate! Roote ringannu asasal᷊amatta. I'o napiate atonna!”

MARKUS 6:50

na'oman sara i mangitou mangngintul᷊in atata'utta. Ana waugu i mangitou naasilo si Tou wuṛṛu i mangitou lapiddu niṛṛumoro atonna. Arawe Mawu Yesus lapiddu namo'a si mangitou, “Paatammuda! I Ya'u Mawu Yesus. Arie pa'ata'utta!”

YOHANES 16:33

Sarangkanambone indi iwabal᷊o-U si yamiu, tadea'u i yamiu maasomba al᷊al᷊uassa ana waugu su sampunna ringang-Ku. Su runia i yamiu sarun matataṛṛangnga. Arawe siddutu'a naungngu! I Ya'u suete napaarugin runia!”

YOHANES 2:25

Taumata salaiwe tate manal᷊a'a si Tou su ola'u isai-sai, ana waugu i Tou sassane masingkatta apa apan uataṛṛo su naungngu taumata.

YOHANES 21:5

Mawu Yesus nabbisara si mangitou, “Al᷊aṛṛana'u, i yamiu naahaute inassa?” “Tawe” sasimbakki mangitou.

WATTI'U MANGA RASUL 14:9

Taumata udde ua'ianna poiaroddi uararingikka si Paulus mabbisara. I Paulus naasilo manungku taumata udde mangngimanna wuṛṛu ana waugu udde i tou wotongnge iapaapia. Ne i Paulus nanutuda si tou,

WATTI'U MANGA RASUL 19:12

Amungkangngu leso, ara'e wawa'issa lawassa apan suete nipaatti Paulus iapidda su manga taumata marada'a, rada'i mangitou mawul᷊i wuṛṛu ghaṛṛahon setanna lai sumabangnga wuassi mangitou.

WATTI'U MANGA RASUL 23:11

Ṛabbi nanansunna, Mawu Yesus nirumarisikka su sandiṛṛanni Paulus wuṛṛu nabbisara, “Paatohassa naungngu! I'o suete nattiala su ola'u riri-U su Yerusalem. I'o ṛinone lai mabatti'u udde su Roma.”

ROMA 5:11

Wuṛṛu nangillembo wua isudde, i ite lai lullala'a ana waugu apapian Duata sulal᷊ummu Mawun kite Yesus Kristus. Ana waugu sulal᷊ummu Mawu Yesus, i ite orassa indi naapendampe paa'aukki ite apan mapia udde ringannu Ruata.

YAKOBUS 2:18

Asinungka piaddu mabbisara, “Pia taumata uatundeeta su pangangimanne wuṛṛu pia lai uatundeeta su pallal᷊agune.” I ya'u sarun sumimbaka, “Ta'ea'o sia'u ereapa taumata pia pangangimanna ringannu tawe pallal᷊agu wuṛṛu i ya'u sarun mapaa'al᷊iatta'u pallal᷊agu manungku i ya'u pia pangangimanna.”