MATIUS 8:17 - WUKE SUSI WATTI'U AL᷊AL᷊USASSA

¹⁷ Mawu Yesus na'ola'a sarangkanambone udde, wuṛṛu ringannu aroddi natipusse apa apan niwisara Nabi Yesaya, eteudde, “I Tou mamasanna asasusang kite wuṛṛu mapaapian radda'i ite.”

MATIUS 8:17 Iomraidhean Croise

PANDARIADDI 22:6

I Abraham nangandangngu alu olaanna sasamba uddesu wambangngi Ishak, wuṛṛu lai i tou uaapiddu lari'a wuṛṛu waṛṛan putungnga ipandiitta alu. Napawe itarua u'amatta su sambau,

YESAYA 53:4

Suṛṛinone ete radda'i ite apan papasannananne, asasusan kite apan aapendamanne, sumbal᷊i i ite massunna asasusa udde ṛuumannu Ruata si tou.

MATIUS 1:22

Sarangkanambone udde mariaddi aroddi, tadea'u matipusse apa apan suete niwisara Mawu sulal᷊ummu nabi-Ne, eteudde,

MATIUS 2:15

I mangitou natana'a poiaroddi, na'oman sara i Herodes nate. Aroddi nariaddite apa apan suete niwisara Mawu sulal᷊ummu nabi-Ne ereindi, “I ya'u mamaggo Ana'-U wuassu Mesir.”

MATIUS 2:23

Isudde i tou natana'a su soa aranne Nazaret. Ringannu aroddi nariaddite apa apan niwatti'u manga nabi su ola'u Ana'a udde: “I tou sarun isaggo taumata Nazaret.”

MARKUS 1:32

Su wawallone, napawe matannallo nattupe, manga taumata nangapidde ringannu Mawu Yesus anambon taumata marada'a wuṛṛu taumata apan niasuttannu ghaṛṛaho lal᷊eo.

LUKAS 4:40

Napawe matannallo mattuppe, manambo taumata nangapiddu manga tuṛṛangngi mangitou apan uatataṛṛangnga al᷊awo'u hatin rada'a ringannu Mawu Yesus. Mawu Yesus namita si mangitou sangkatou-sangkatou wuṛṛu napaapia mangitou.

2 KORINTUS 12:10

Nariaddi ya'u lulluassa ringannu al᷊allome'u. I ya'u lai lulluassa amungkangngu ana waugu Kristus i ya'u nial᷊uandahanna, i ya'u naasomba asasusa, a'enggenanna, wuṛṛu i ya'u naapendama sahadda. Ana waugu amungkangngu i ya'u lome, su tempo udde i ya'u naola'a matohassa.

1 PETRUS 2:24

Kristus sassane namasanna manga rosan kite su watangan-Ne roso su alu arussa, tadea'u i ite mapallosa wuassu taṛṛinon dosa, wuṛṛu mabbiakka tuttuṛṛuta apulun Duata. Ete manga lessan Kristus apan nangapia si yamiu.