MATIUS 7:23 - WUKE SUSI WATTI'U AL᷊AL᷊USASSA

²³ Arawe i Ya'u sarun sumimbakka, ‘I Ya'u taambe saran paassa naaillal᷊a si yamiu! Roote paarau wua isindi, yamiu apan ma'ola'a al᷊al᷊eo!’ ”

MATIUS 7:23 Iomraidhean Croise

DARALO 119:115

Ei taumata lal᷊eo, paaraute wua dingangku! I ya'u tuttuṛṛutta parentan Duata'u.

DARALO 5:5

I'o Ruata apan maddirin al᷊al᷊eo; taumata lal᷊eo imbaṛangnga mattindaho ringan-Nu.

DARALO 6:8

Mata'u mal᷊abukka ana waugu massusa, wuṛṛu massusa ana waugu see'u.

MATIUS 25:12

Arawe maa'awingnga esakka udde sinumimbakka, ‘I Ya'u waggang kamiu!’ ”

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

LUKAS 13:25

Napawe tatahuannu wal᷊e napu'o wuṛṛu naṛṛu'udu ngarane, i yamiu uarisikka su liudde wuṛṛu nanattakke mannengkella lapiddu mabbisara, ‘Tua, i yami pamu'aiwe ngara!’ Tuanga udde sarun sumimbakka, ‘I ya'u wagga i yamiu wuassuapa!’

LUKAS 13:27

Arawe Tuanga udde sarun mabbisara apia, ‘I ya'u wagga i yamiu wuassuapa. Passal᷊iu wua isindi, yamiu apan na'ola'a al᷊al᷊eo!’

YOHANES 10:14

Tumba'u i Ya'u mallal᷊u'adda apan mapia. Ere lai Iamangnga maaillal᷊a si Ya'u, wuṛṛu i Ya'u lai ma'aillal᷊a Iamangnga, aroddi lai Ya'u maaillal᷊a manga domba'u wuṛṛu i mangitou lai maaillal᷊a si Ya'u. I Ya'u mannantillu niawa-U ana waugu i mangitou.

2 TIMOTIUS 2:19

Arawe pinangiananne matohassa apan niola'u Ruata, tawe ia'io'a. Su wowone uawoṛṛetta arendi, “Mawu masingkattu manga taumata pussa'a-Ne”, wuṛṛu “Taumata apan mabbisara manungku i tou pussa'an Mawu, taumata udde ṛinone tate ma'ola'a inolaanne apan nassal᷊a”.

SONDAPPA 22:15

Arawe manga taumata apan ma'ola'a pallal᷊agu lal᷊eo, taṛṛa wal᷊i'i mata, manga taumata sussandaga, taṛṛa pate, masasubba paal᷊uanna, wuṛṛu manga taumata taṛṛa wahia, mapia ringannu wisara ara'e lai ringannu pallal᷊agu, anambon taumata udde tampane su liuddu soa udde.