MATIUS 7:21 - WUKE SUSI WATTI'U AL᷊AL᷊USASSA

²¹ “Tawe anambon taumata apan mammaggo si Ya'u, ‘Mawu, Mawu,’ sarun maola'a lal᷊oṛṛon araratuannu Ruata, arawe tumba'u manga taumata apan tuttuṛṛutta apulun Iamangku su surga.

MATIUS 7:21 Iomraidhean Croise

MATIUS 12:50

Taumata apan ma'ola'a apulun Iamangku su surga, i tou tuṛṛang-Ku esakka, tuṛṛang-Ku wawine wuṛṛu inang-Ku.”

MATIUS 16:17

“Auntunganna si'o Simon ana'i Yona!” unnu Mawu Yesus, “Ana waugu wal᷊inewe taumata apan namasingkattu olangnge udde si'o, arawe Iamangku su surga.

MATIUS 18:10

“Paatehamma! Arie pangaddio'a sangkatou wuassu wallattu taumata maraddio'a indi. Ana waugu naunge, manga mala'ekatti mangitou sidutu su saruannu Iamangku su surga. [

MATIUS 18:19

Wuṛṛu asingkatawe lai: Amungkangngu su wallatti yamiu su runia indi pia duang katou ua'ire al᷊awo'u inolaanna, wuṛṛu iaal᷊iomanna, aal᷊iomanna udde sarun sengkamannu Iamangku su surga.

MATIUS 18:3

See Mawu Yesus nabbisara, “Pangimante! Tumba'u amungkangngu yamiu mawal᷊u wuṛṛu maola'a ere al᷊aṛṛana'a, i yamiu sarun maola'a lal᷊oṛṛon araratuannu Ruata.

MATIUS 18:35

Mawu Yesus nanginsue watingnge ringannu wisara indi, “Aroddi lai Iamangku su surga sarun ma'ola'a si yamiu sangkatou-sangkatou ere udde, amungkangngu i yamiu tawe mangampunga tuṛṛangngu ringannu naungnga waresi.”

MATIUS 19:24

Wuṛṛu indi lai Ta'u iwal᷊o si yamiu; malluasanne sambau onta sumutta su loṛṛangngu raraṛṛumma, wuassu sangkatou ala sumutta su Runia Wakkun Ruata.”

MATIUS 25:10

Ne manga maṛṛuala apan boddo udde inaite namalli lana. Tantal᷊anna inaiaroddi, nirumantate ma'a'awingnga esakka. Sire lima maṛṛuala apan nasaddiate udde sinumuttate su sampunna ringannu ma'a'awingnga esakka su tampan andeangnga, wuṛṛu ngara niṛṛuudde!

MATIUS 25:21

‘Mapia,’ unnu mawu udde, ‘ete i'o mangangimbe apan mapia wuṛṛu matuṛṛutta. Ana waugu i'o apangimananna ringannu apan addio'a, i ya'u sarun manantillu anamboanne si'o. Suttate wuṛṛu lalluasse ringangku!’

MATIUS 26:39

Wua'udde Mawu Yesus inaite marau addio'a, see i Tou inumal᷊intuda su leta'a wuṛṛu inumal᷊iomanna. “Iamangnga,” wisara-Ne, “amungkangngu wotongnge, paaraua'a wuassia'u asasusa apan maṛṛia'a si Ya'u indi. Arawe arie tumuṛṛuttu apulu-U, arawe tumuṛṛuttu apulun Iamangnga sassane.”

MATIUS 26:42

Apia lai Mawu Yesus inaite inumal᷊iomanna, wisara-Ne, “Iamangnga, amungkangngu asasusa indi sarun maṛṛia'a si Ya'u wuṛṛu tate ial᷊inda'a, apulu-Nu ariadite Iamangnga.”

MARKUS 3:35

Taumata apan tuttuṛṛutta apulun Ruata, ete i tou tuṛṛang-Ku esakka, tuṛṛang-Ku wawine, wuṛṛu inang-Ku.”

MARKUS 9:47

Amungkangngu matanu ma'arosa si'o, loetta mata udde. Mappianne i'o sumutta su Runia Wakkun Ruata tawe mata samba'a, wuassu i'o ringannu matanu ruam ba'a iramme su naraka.

LUKAS 11:28

Arawe Mawu Yesus sinumimbakka, “Nangillembon lal᷊umanna'a lai su taumata apan maddaringikka wisaran Ruata wuṛṛu mappaamattu al᷊aṛṛang-Nge!”

LUKAS 13:25

Napawe tatahuannu wal᷊e napu'o wuṛṛu naṛṛu'udu ngarane, i yamiu uarisikka su liudde wuṛṛu nanattakke mannengkella lapiddu mabbisara, ‘Tua, i yami pamu'aiwe ngara!’ Tuanga udde sarun sumimbakka, ‘I ya'u wagga i yamiu wuassuapa!’

LUKAS 18:25

Malluasanna sambau onta sumuṛṛi su loṛṛangngu raraṛṛumma, wuassu sangkatou ala sumutta su Runia Wakku Ruata.”

LUKAS 6:46

“Anio i yamiu mammago si Ya'u, ‘Mawu, Mawu,’ arawe tawe tumuṛṛutta apa iwabbisara-U si yamiu?

YOHANES 14:7

Unnu wisara i yamiu maaillal᷊a si Ya'u, i yamiu lai maaillal᷊a Iamang-Ku. Orassa indi yamiu naaillal᷊ate si Tou, wuṛṛu suete naasilo si Tou.”

YOHANES 15:23

Taumata apan maddanting-Ku, maddantinnu Iamang-Ku.

YOHANES 3:5

Mawu Yesus sinumimbakka, “Atonna-tonna wisara'U indi: amungkangngu taumata tawe iasungkangnga wuassu ua'e wuṛṛu Ghaṛṛahon Ruata, taumata udde tawe mawal᷊i su reengannu walahannu Ruata.

YOHANES 5:17

Arawe Mawu Yesus nabbisara si mangitou, “Iamang-Ku sidutu mammanara sara orassa indi, wuṛṛu i Ya'u lai mammanara.”

YOHANES 6:40

Atonna, eteudde apulun Iamang-Ku: Tadea'u anambon taumata maasilo Ana'a wuṛṛu mangngimanna si Tou maasomba wiakka tutune wuṛṛu saran mal᷊annu-l᷊annu, wuṛṛu iapaawiakka apia su Allong Kiamatta.”

YOHANES 7:17

Taumata apan matuṛṛutta apulun Ruata, sarun maasingkatta tanne al᷊aṛṛa-U indi darantane wuassu Ruata ara'e wuassia-U sassane.

WATTI'U MANGA RASUL 14:22

Su manga soa udde i mangitou mannohassa naungngu mallal᷊aṛṛenggennu Mawu Yesus wuṛṛu mannantiro mallal᷊aṛṛenggenna udde tadea'u sidutu mangngimanna Mawu Yesus. “I ite ṛinone matataṛṛangnga rorone, wakkute udde i ite wotongnge mamendamma al᷊al᷊uassa su Runian Wakku Ruata,” aroddi manga rasul udde mangngaṛṛa'a manga mallal᷊aṛṛenggennu Mawu Yesus su soa udde.

ROMA 12:2

Imbaṛṛangnga mattanno apulun dunia indi. Wala'e Ruata mandiaddi ririnu maola'a wakku, tadea'u i yamiu pia awawal᷊u. Ringannu aroddi yamiu wotongnge maasingkata apulun Duata – eteudde apa apan mapia wuṛṛu apan maal᷊uassa naung-Nge wuṛṛu apan nasuungnga.

ROMA 2:13

Ana waugu taumata mabelengnga apia ringannu Ruata, wal᷊ine ana waugu taumata udde buatte naasingkata titan agama Yahudi, ewe'e ana waugu i tou tuttuṛṛutta apa apan uawoṛṛetta sulal᷊ummu tita udde.

EFESUS 6:6

Arie ma'ola'a aroddi tumba'u su tempo i yamiu aellehanna, tumba'u ana see maasomba daralo wuassu taumata. Arawe ṛinone i yamiu ma'ola'a udde ere sangkatou allangngi Kristus apan tantal᷊anna tuttuṛṛuta apulun Duata ringannu ahewallu naungnga.

KOLOSE 4:12

Tabea wuassi Epafras. I tou lai wuassu walahannu. I tou allangngi Kristus Yesus, apan sidutu u'al᷊iomanni yamiu ringannu maṛṛimadda. I tou sussal᷊ande Ruata tadea'u pangangimannu mabal᷊i matohassa wuṛṛu i yamiu atonna-tonna natimmaddete, tadea'u i yamiu lai nasuungnga tuttuṛṛuta apulun Duata.

1 TESALONIKA 4:3

Ete indi ipaapulun Duata tadea'u i yamiu tumba'u mabbiakka ringanni Tou, susi, mangngindaun al᷊awo'u pallal᷊agu apan lal᷊eo.

1 TESALONIKA 5:18

Sulal᷊ummu alawo'u inolaanna ṛinone i yamiu maadiangkamanna, ana waugu eteudde ipaapulun Duata wuassi yamiu taumata apan mabbiakka uaaukka ringanni Kristus Yesus.

TITUS 1:16

I mangitou mabbisara manungku i mangitou maaillal᷊a Ruata, wutte'e inolaanni mangitou massinaaddu Ruata. I mangitou maarantinna, wuṛṛu i mangitou tawe tumuṛṛutta, ete i mangitou udde taumata apan tawe maaola'a manarane apan mapia.

IBRANI 13:21

Antimanna Ruata punnu paddarame udde manuungngi yamiu ringannu al᷊awo'u apapia apan pappandumanni yamiu ipa'ola'a apulu-Ne. Antimanna ringannu tatangngannu Mawu Yesus i Kristus, Ruata mammanara sulal᷊ummu naungngi ite, apa apan ipaapulu-Ne. Ṛinone Kristus raloanna saran mal᷊annu-l᷊annu! Amin.

IBRANI 4:6

Nariaddi i mangitou apan paarorone atonna naaringikka watti'a su ola'u Watti'u Al᷊al᷊uassa udde, tawe maasengkamma pangangillol᷊o udde ana waugu i mangitou tawe mangngimanna. Amungkangu aroddi natualage manungku pia manga taumata waine apan botonge maasengkamma pangangillol᷊o udde.

YAKOBUS 1:22

Ṛinone i yamiu tumuṛṛutta apa apan niwisaran Duata, arie tumba'u maddaringikka, na'oman sara i yamiu mangawusu watanganni yamiu sassane.

1 PETRUS 2:15

Ana waugu Ruata maapulu tadea'u ringannu manga inolaannu apan mapia i yamiu maṛṛapinga moṛṛongu taumata apan wagga maggahatto.

1 PETRUS 4:2

Ana waugu udde, ṛinone i yamiu sidutu mabbiakka su runia indi tuttuṛṛuta apulun Duata, wuṛṛu wal᷊ine tuttuṛṛuta apulun taumata.

SONDAPPA 22:14

Lal᷊umanna'a su taumata apan nabbansala jubahne na'oman sara nawaresi, ana waugu i mangitou wotongnge umanna wuassu alum pabbawiakka wuṛṛu sumutta sulal᷊ummu soa udde sumabbi ngarane.

SONDAPPA 3:5

Si mangitou apan naauntunga sarun luṛṛeannu jubah mawira. Aranni mangitou tawe Ta'u pappasanna wuassu Wuken Taumata Wiakka. Wuṛṛu su saruannu Iamang-Ku wuṛṛu manga mala'ekan-Ne i Ya'u sarun manga'u manungku i mangitou udde pussa'a-U.