MATIUS 7:11 - WUKE SUSI WATTI'U AL᷊AL᷊USASSA

¹¹ Salaiwe i yamiu lal᷊eo, i yamiu masingkatta lai mangagillu apa apan mapia su manga al᷊aṛṛanangngu. Nangillembo Iamangngu su surga! I Tou lembone lai sarun mangagillu apa apan mapia su taumata apan maddorongnga si Tou.

MATIUS 7:11 Iomraidhean Croise

PANDARIADDI 6:5

Mawu na'ellega tumaniten dal᷊eo manga taumata su runia; anambon ṛingiranni mangitou sidutu lal᷊eo.

PANDARIADDI 8:21

Hal᷊urun sasamba apan mawangngi udde naal᷊uassa naungngu Mawu, wuṛṛu i Tou nabbisara sulal᷊ummu naungnga, “I ya'u tate lai mamontoga runia indi ana waugu inolaannu taumata; i Ya'u masingkatta manungku ro'en i tou ta'e dario'a, ṛingirannu taumata udde lal᷊eo. I ya'u tate saran paassa mamate alawo'u riadianna wiakka naal᷊ihidda ere buatte Ta'u niola'a indi.

2 SAMUEL 7:19

Ewe'e lai inolaannu Mawu nangillembo lai wua isudde, Oh Mawu Apan Atanggaṛṛanne; I'o buatte na'ola'a pa'aire su papapulungku sutempo apan sarun dumanta. Wuṛṛu olangnge udde niapasilo-Nu si ya'u, salaiwe i ya'u tumba'u sangkatou taumata, oh Mawu Apan Atanggaṛṛanne!

AYUB 15:16

Nangillembote lai taumata apan dal᷊eo wuṛṛu napenen pasasal᷊a, apan ma'inumma al᷊al᷊eo naal᷊ihidda ua'e.

DARALO 84:11

Mappianne allo massallo su Wal᷊en-Nu sul᷊ungnge'e saṛṛiwu su tonnane su tampa waine. I ya'u mamile maola'a mandariaga ngara su Wal᷊en Duata'u sul᷊ungnge'e matana'a su wal᷊en taumata lal᷊eo.

DARALO 85:12

Tatuṛṛuttu taumata sarun tumuwo wuassu runia, wuṛṛu atatul᷊iddu Ruata mattembo wuassu langitta.

DARALO 86:15

Arawe I'o, oh Mawu, Ruata marangngu wuṛṛu maakkanna, masabbare, napenen darangngu wuṛṛu tatuṛutta.

DARALO 86:5

I'o mapia, oh Mawu, wuṛṛu sidutu mangngampunga, taumata apan u'al᷊iomanna Si'o sidutu raddangnguan-Nu ringannu darangngu apan nilumambalanna.

YESAYA 49:15

Mawu sinumimbakka, wisara-Ne, “Wotongngewe sangkatou inangnga maabul᷊in anangnge, wuṛṛu tawe mandangngu anangnge sidutu? Salaiwe i tou maabul᷊ine i Ya'u tawe maabul᷊inu!

YESAYA 63:7

I Ya'u indete mabbatti'u darangngu Mawu wuṛṛu maddalo si Tou ana waugu al᷊awo'u inolaan-Ne. Ringannu nilumambalanna i Tou nangal᷊amatta uman-U, ana waugu i Tou marangngu wuṛṛu darangngu-Ne tawe panguddusanne.

YEREMIA 17:9

Naungngu taumata tawe iaṛṛangngo, mappandeanna wuassu al᷊awo'a wuṛṛu tumaniten bahewalla raddangnge.

YEREMIA 33:14

Mawu nabbisara, “Sarun a'omanna tempone i Ya'u manipussu paaire apan buatte Ta'u niola'a ringannu Israel wuṛṛu Yehuda.

HOSEA 14:2

Pabbelengke ringannu Mawu Ruatanu, ei walahannu Israel! Rosanu buatte naaola'a si yamiu mattambal᷊ioso wuṛṛu nanawo.

MIKHA 7:18

Tawe Duata waine ere I'o, oh Mawu, apan nangampungnga rosan umatta apan nipile-Nu apan lambene. Tawe saran mal᷊annu-l᷊annu I'o masa'u; arawe mawal᷊ia, I'o mal᷊uassa mapal᷊iatta'u darangngu-Nu apan tawe pattaal᷊anne udde.

MALEAKHI 1:6

Mawu Apan Lembontaṛṛino nabbisara su manga imam, “Sangkatou ana'a mangngaddatta iamangnge, wuṛṛu sangkatou mangangimbe mangngaddatta mawune. I Ya'u indi Iamangngu; anio i yamiu tawe mangaddatta si Ya'u? I Ya'u indi Tuangngu; anio i yamiu tawe mata'u-U? I yamiu mallobbossa si Ya'u, arawe i yamiu ma'iwal᷊o, ‘Ringannu olangnge ereapa i yami mallobbossa Si'o?’

MATIUS 23:9

Wuṛṛu arie lai yamiu mamaggo saran sangkatou su runia indi ‘Iamangnga’, ana waugu Iamangngu tumba'u sambau, eteudde Iamangnga apan su surga.

MATIUS 7:10

Ara'e mangagillu atoanna, amungkangngu i tou maddorongnga inassa?

YOHANES 3:16

Ana waugu Ruata aroddi arangngune su taumatan runia indi, na'oman sara i Tou nanantillu Anang-Nge tinggassa, tadea'u suapan taumata apan mangngimanna si Tou tawe mate, ewe'e maasomba wiakka tutune wuṛṛu saran mal᷊annu-l᷊annu.

ROMA 3:19

Orassa indi i ite masingkata manungku sarangkanambone apan uawoṛṛetta sulal᷊ummu titan agama Yahudi, udde hunane su manga taumata apan paparentannu tita udde. Ringannu aroddi tawe saran sangkatou wotongnge maasimbakka wuṛṛu ahewallu runia indi wotongnge iapaasal᷊an Duata.

ROMA 3:9

Ei, apa i ite taumatan Yahudi mappianne wuassu taumatan walahanna waine? Mangke tawe! Ere suete ta'u niwisara manungku mawae taumatan Yahudi ara'e walahanna waine, sarangkanambone udde tatahuanannu rosa.

ROMA 8:32

Anang-Nge sassane tawe niakkan-Ne, ewe'e tinantilli Tou hunane si ite sarangkanambone, ṛatade i Tou tawe mangonggolu al᷊awo'u hausanna waine si ite?

GALATIA 3:22

Arawe sulal᷊ummu Wuke Susi uawoṛṛetta manungku anambon walahannu taumata mangke uatana'a su al᷊ungngu taṛṛinon dosa. Ana waugu udde, aonggola apan pina'ire pinangiananne wuassu mangngimanna Mawu Yesus Kristus nionggolla si mangitou apan mangngimanna.

YAKOBUS 1:17

Suapan aonggola apan mapia wuṛṛu lal᷊antake apan nasuungnga darantane wuassu surga, nisossoku Ruata, Mandariaddi al᷊awo'u asasemakka su langitta. I Tou Ruata apan tawe mawal᷊u, wuṛṛu tawe lai mapaarantan ararandumma.

1 YOHANES 3:1

Pa'ellege, Ruata aroddi arangngune si ite, na'oman sara i ite nia'u al᷊aṛṛanang-Nge. Wuṛṛu atonna ete i ite udde al᷊aṛṛana'u Ruata. Ana waugu udde runia apan lal᷊eo indi tawe maaillal᷊a si ite, ana waugu runia tawe maaillal᷊a Ruata.

1 YOHANES 4:10

Ete indi aakkanna: Wal᷊ine i ite apan suete niumakkannu Ruata, arawe Ruata apan niumakkanni ite wuṛṛu nandolokku Anang-Nge tadea'u wuassi Tou i ite maasomba aampungu rosan kite.