MATIUS 7:1 - WUKE SUSI WATTI'U AL᷊AL᷊USASSA

¹ “Imbaṛṛangnga maṛṛuungngu taumata waine, tadea'u i yamiu sassane lai tawe iṛṛuungngu Ruata.

MATIUS 7:1 Iomraidhean Croise

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

MATIUS 7:2

Ana waugu su ereapa i yamiu maṛṛuungngu taumata waine, aroddi lai Ruata sarun maṛṛuungngi yamiu. Wuṛṛu uuṛṛanna apan ipanguukki yamiu su taumata waine sarun ipanguukku Ruata lai si yamiu.

MATIUS 7:5

Ei lilangkamal᷊e'a! Sabbanga'e rorone sal᷊aba'u wuassu matanu sassane, wakkute udde i'o maasilo ringannu masemakka, wuṛṛu wotongngete mapaasabangngu alu sampaddi wuassu matan tuṛṛangngu.

LUKAS 6:37

“Imbaṛṛangnga maṛṛuungngu taumata waine, tadea'u i yamiu lai sassane tawe iṛṛuungngu Ruata. Imbaṛṛangnga maṛṛuumannu taumata waine, tadea'u i yamiu sassane tawe iṛṛuumannu Ruata. Ampungete taumata waine, tadea'u Ruata lai mangampungnga si yamiu.

LUKAS 6:41

Anio i yamiu ma'asilo alu adio'a sulal᷊ummu matan tuṛṛangngu, arawe sal᷊aba'u su matanu sassane tawe asiloannu?

YOHANES 8:7

Napawe i mangitou sidutu mammata'a, i Tou tinumatagekka wuṛṛu nabbisara si mangitou, “Taumata apan tawe dosane su wallatti yamiu, wotongnge i tou manuntungngu watu paarorone su wawine udde.”

YAKOBUS 3:1

Manga tuṛṛangnga! Arie tumaniten manambo wuassu wallatti i yamiu maapulu maola'a huru. I yamiu masingkata manungku i ite apan naola'a huru sarun parikisanna ringannu nangillembo wuassu taumata waine.