MATIUS 6:9 - WUKE SUSI WATTI'U AL᷊AL᷊USASSA

⁹ Nariaddi aal᷊iomante ereindi, ‘Iamangngi yami su surga; Ete I'o Ruata tumba'u Sambau. Antimanna I'o subbanna wuṛṛu wantuhanna.

MATIUS 6:9 Iomraidhean Croise

2 SAMUEL 7:26

Su al᷊awo'u tampa taumata sidutu mammantuga aran-Nu wuṛṛu mabbisara, ‘Mawu Apan Lembontaṛṛino eteudde Ruatan Israel.’ Ne saran mal᷊annu-l᷊annu sangkatou wuassu papapulungku sarun mamarenta maola'a ratu su walahanna indi.

1 MARARATU 8:43

antimanna wuassu atatanaan-Nu su surga I'o maddaringikka aal᷊iomanne wuṛṛu mangonggollu darorongnge. Ringannu aroddi al᷊awo'u walahanna su ahewallu runia maaillal᷊a Si'o wuṛṛu matuṛṛutta Si'o ere uman-Nu Israel. I mangitou sarun maasingkatta manungku wal᷊en apan ta'u niola'a indi uddewe tampa patataṛṛamawuanna Si'o.

1 TAWARIKH 17:24

Su al᷊awo'u tampa taumata sidutu mammantuga aran-Nu wuṛṛu mabbisara, “Mawu Apan Lembontaṛṛino eteudde Ruatan Israel.” Saran mal᷊annu-l᷊annu sangkatou suwallattu papapulungku sarun mamarenta maola'a ratu.

2 TAWARIKH 20:6

wuṛṛu inumal᷊iomanna ringannu tingikka ma'ikkatta, “Oh Mawu, Ruatan al᷊amonan kami! I'o Ruata su surga wuṛṛu uaparenta anambon walahanna su runia. I'o mataṛṛino wuṛṛu matohassa; tawe saran sangkatou apan wotongnge lumawangnga Si'o.

NEHEMIA 9:5

Patataṛṛamawu su allo udde nitattakku manga taumatan Lewi manansunna indi; Yesua, Kadmiel, Bani, Hasabneya, Serebya, Hodia, Sebanya, wuṛṛu Petahya. I mangitou nabbisara, “Darisikke wuṛṛu paddalote Mawu Ruatan kite! Onggol᷊eten daralo si Tou saran mal᷊annu-l᷊annu! Dalo su aran-Ne apan napenen awawantuga, aranna apan wahewalla, nagillembo wuassu al᷊awo'u daralo!”

DARALO 111:9

I Tou namallossu al᷊aṛṛanang-Nge, wuṛṛu nakkiinnu paaire apan tawe pangudusanne si mangitou. Ete i Tou Mawu apan na'ukkassa wuṛṛu matohassa!

DARALO 115:3

Ruatan kite su surga, i Tou mammanara apa apan ipaapulu-Ne.

DARALO 72:18

Daralo su Mawu, Ruatan Israel! Tumba'u i Tou apan ma'ola'a inolaanna maatiangnga.

YESAYA 37:20

Oh, Mawu Ruatan kami, pallosaawe i yamiu wuassu manga taumatan Asyur udde, tadea'u al᷊awo'u walahanna su runia maasingkatta manungku tumba'u I'o Mawu.”

YESAYA 57:15

Ana waugu ete arendi wisaran Duata Apan Atanggaṛṛanne wuṛṛu na'ukkassa, apan uataṛṛino saran mal᷊annu-l᷊annu, “I Ya'u uatana'a su tampa apan matanggakka wuṛṛu susi, ewe'e lai suwallattu manga taumata apan masaṛṛionto'a wuṛṛu apan sussassillu manga rosane, ipanal᷊i'u atatohassa wuṛṛu antimmi mangitou.

YESAYA 6:3

I mangitou mangngintul᷊i sambau ringannu waine: “Susi, susi, susi. Susi Mawu Apan Lembontaṛṛino. Runia napenen daranta-Ne apan mawantuga.”

YESAYA 63:16

Wal᷊inewe I'o Iamangngi yami? Abraham wuṛṛu i Yakub waggan kami. Arawe I'o Mawu, uddewe Iamangngi yami, Mananal᷊amatta si yami ro'en al᷊amonane.

YESAYA 64:8

Arawe I'o, oh Mawu, uddewe Iamangngi yami, i yami leta'a madde'etta, wuṛṛu I'o na'ola'a saṛṛene; i yami sarangkanambone uddewe lanna'u lima-Nu.

YESAYA 66:1

Mawu nabbisara, “Langitta uddewe adderan araratuang-Ku, wuṛṛu runia pangangaddoannu ledda-U. Nariaddi wal᷊en saṛṛene ereapa sarun Ta'u iapararisikka maola'a atatanaang-Ku, wuṛṛu tampa ereapa sarun pamanuang-Ku?

YEHEZKIEL 36:23

I Ya'u sarun mapal᷊iatta'u awawantugu arang-Ku apan bahewalla udde, aranna apan buatte nilal᷊eong kamiu suwallattu manga walahanna, ne i yamiu masingkatte manungku i Ya'u Mawu. I Ya'u Mawu Apan Atanggaṛṛanne buatte nabbisara. I Ya'u sarun mappaatti yamiu tadea'u iapa'ellega su manga walahanna manungku i Ya'u indi na'ukkassa, Mawu Apan Lembonna'ukkassa.

YEHEZKIEL 38:23

Ringannu olangnge udde sarun Ta'u iapal᷊iatta'a si mangitou al᷊awo'u walahanna manungku i Ya'u indi mawantuga wuṛṛu na'ukkassa. Ne i mangitou masingkatte manungku ete i Ya'u Mawu.”

IMAMATTA 10:3

Ana see i Musa nabbisara si Harun, “Eteudde apan niapasingkattu Mawu su tempo i Tou nabbisara, ‘Sarangkanambone apan mangngimbe si Ya'u ṛinone mangaddata asasusi-U. I Ya'u sarun mapal᷊iatta'u awawantu-U su ahewallu walahanna-Ku.’ ” Arawe i Harun mal᷊anna-l᷊annaba.

HABAKUK 2:14

Arawe naal᷊ihidda tahal᷊oangnga napenen ua'e, aroddi runia lai sarun peneannu asingkatta su ola'u Mawu wuṛṛu taṛṛino-Ne.

ZAKARIA 14:9

Ne Mawu sarun mamarenta maola'a ratu su ahewallu runia; suapan taumata sarun massubba si Tou ere Ruata wuṛṛu maaillal᷊a si Tou ringannu aranna apan uasul᷊ungnga.

MALEAKHI 1:11

I Ya'u aaddatannu manga walahanna su ahewallu runia. Suapan tampa itattambunna amania iapangaddatta arang-Ku wuṛṛu nionggolla manga sasamba apan suṛṛinone, ana waugu anambon balahanna mangngaddatta si Ya'u!

MATIUS 10:29

Sanggelokka darua a'awalliannu sambau roitta apan addio'anne. Salaiwe aroddi tawe saran sambau manawo su leta'a amungkangngu tawe ipaapulun Iamangngu.

MATIUS 23:9

Wuṛṛu arie lai yamiu mamaggo saran sangkatou su runia indi ‘Iamangnga’, ana waugu Iamangngu tumba'u sambau, eteudde Iamangnga apan su surga.

MATIUS 26:29

Pangimante: i Ya'u tate ma'inumma anggore indi apia ma'oman sara tempone i Ya'u ma'inumma anggore wakku su sampunna ringanni yamiu su Araratuannu Iamangku.”

MATIUS 26:42

Apia lai Mawu Yesus inaite inumal᷊iomanna, wisara-Ne, “Iamangnga, amungkangngu asasusa indi sarun maṛṛia'a si Ya'u wuṛṛu tate ial᷊inda'a, apulu-Nu ariadite Iamangnga.”

MATIUS 5:16

Aroddi lai asasemakku ṛinone lai lumansiangnga su saruannu taumata, tadea'u i mangitou maasilo al᷊awo'u pallal᷊agunu apan mapia, wua'udde padalote Ruata su surga.”

MATIUS 5:48

Iamangngu su surga mandangngu al᷊awo'u taumata ringannu nasuungnge. I yamiu sarun pa'ola'a lai aroddi.”

MATIUS 6:14

Amungkangngu i yamiu mangampunga taumata apan nassal᷊a si yamiu, Iamangngu su surga lai sarun mangampunga pasasal᷊ang kamiu.

MATIUS 6:6

Arawe amungkangngu i yamiu umal᷊iomanna, suttate su wabbo'a wuṛṛu ṛuura'a ngara, see al᷊iomante su Ruata Iamangnga apan tawe iasilo udde. Ne Iamangngu apan ma'asilo pallal᷊agunu apan uawuni udde, sarun mangonggolu lal᷊antakke si yamiu.

MATIUS 7:11

Salaiwe i yamiu lal᷊eo, i yamiu masingkatta lai mangagillu apa apan mapia su manga al᷊aṛṛanangngu. Nangillembo Iamangngu su surga! I Tou lembone lai sarun mangagillu apa apan mapia su taumata apan maddorongnga si Tou.

LUKAS 15:18

I ya'u mapul᷊ete wuṛṛu inaite ringannu iamangku wuṛṛu mabbisara si tou: Iamangnga, i ya'u suete na'ola'a rosa su saruannu Ruata wuṛṛu su saruanni Iamangnga.

LUKAS 15:21

‘Iamangnga,’ unnu ana'a udde, ‘i ya'u suete na'ola'a rosa su saruannu Ruata wuṛṛu su saruannu Iamangnga. Tate su ṛinone lai ya'u isago ana'u Iamangnga.’

LUKAS 2:14

“Daralo su Ruata su langitta apan atanggaṛṛanne! Wuṛṛu su wowon dunia, paddarame su taumata apan ma'al᷊uassa naungngu Mawu!”

YOHANES 20:17

“Arie pamita si Ya'u” wisara Mawu Yesus si tou, “ana waugu i Ya'u taambe nasengkengnga ringannu Iamangnga. Arawe roote ringannu manga tuṛṛang-Ku, wuṛṛu pasingkata'e si mangitou manungku orassa indi Ya'u ireete ringannu Iamang-Ku wuṛṛu Iamangngu, Ruata-U wuṛṛu Ruatanu.”

ROMA 1:7

Ana waugu udde i ya'u namoṛṛettu suratta indi si yamiu. Antimanna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu al᷊al᷊uassa si yamiu.

ROMA 8:15

Ana waugu Ghaṛṛaho apan buatte nionggolu Ruata si yamiu, tawe ma'ola'a si yamiu allangnga, ma'oman sara i yamiu mabbiakka sulal᷊ummu atata'utta. Arawe Ghaṛṛahon Duata udde nandiaddi si yamiu maola'a al᷊aṛṛana'u Ruata. Wuṛṛu ringannu taṛṛinon Ghaṛṛahon Duata udde, i ite mammago Ruata “Iamangnga, o Iamangku!”

GALATIA 1:1

Manga tuṛṛangnga manga jamaatta su wageangngu Galatia, i ya'u, Paulus, wuṛṛu anambon tuṛṛangnga taumatan Saṛṛani apan suadio'a ringangku, mangngantima doronganna Ruata Iamangngi ite wuṛṛu Mawu Yesus Kristus mangonggolu al᷊amatta wuṛṛu paddarame si yamiu. I ya'u naola'a rasul wal᷊ine ana waugu wuassu taumata, ara'e ana waugu nitenegu taumata, ewe'e ana waugu Yesus Kristus Ruata Iamangngi ite apan suete napaawiakki Tou apia wuassu papate.

GALATIA 4:6

Ana waugu ete i yamiu udde al᷊aṛṛana'u Ruata, Ruata nandolokku Ghaṛṛahon Anang-Nge sinumutta sulal᷊ummu naungngu wuṛṛu naungku, eteudde Ghaṛṛaho apan mabbisara, “Iamangnga, oh Iamangku.”

1 TIMOTIUS 6:16

Ete i Tou apan tawe aṛṛinoannu papate; i Tou mabbiakka sulal᷊ummu asasemakka apan tawe wotongnge aundanianni sai-sai. Tawe saran sangkatou taumata apan suete naasilo, ara'e wotongnge ma'ellega si Tou. Ete si Tou addata wuṛṛu taṛṛino ma'oman sara mal᷊annu-l᷊annu! Amin.

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.

SONDAPPA 4:11

“O Mawu, O Ruatang kami! Tumba'u I'o sassane apan wotongnge manengkama daralo, addata wuṛṛu taṛṛino. Ana waugu ete I'o apan na'ola'a sarangkanambone, wuṛṛu wuassu apulu-Nu lai sarangkanambone udde suete nariaddi wuṛṛu wiakka.”

SONDAPPA 5:12

Wuṛṛu i mangitou mangngantari ringannu tingikka apan ma'ikkatta, “Ana'u Domba apan suete nipototta udde, ṛinone manengkama taṛṛino, pa'a'ala, apande wuṛṛu atattohassa; I Tou ṛinone addatanna, wantuhanna wuṛṛu raddaloanna!”