MATIUS 6:2 - WUKE SUSI WATTI'U AL᷊AL᷊USASSA

² Nariaddi, amungkangngu i yamiu mangagillu aonggolla su taumata asiangnga, arie mangke itattunggalla darangngu udde, ere a'olaannu taumata lilangkamal᷊e'a. I mangitou maapulu ma'ola'a udde sulal᷊ummu wal᷊em pattataṛṛamawuanna, su lal᷊anna, tadea'u raloannu taumata. Naungete, i mangitou suete nanengkamma lal᷊antakke.

MATIUS 6:2 Iomraidhean Croise

DARALO 112:9

I Tou mattahia paa'alane, wuṛṛu nangonggolu darotonge su taumata asiangnga; i tou sidutu ma'ola'a apapia, ana waugu i tou uaparenta wuṛṛu aaddatanna.

DARALO 37:21

Taumata lal᷊eo mabballasa arawe tawe mamelengnga, arawe taumata mapia mangonggolu ringannu naungnga mal᷊uassa.

AMSAL 19:17

Mantul᷊ungngu taumata asiangnga naal᷊ihidda ere nangonggollu awallassa su Mawu; ne ete Mawu lai apan sarun mabbal᷊issa.

AMSAL 20:6

Manambo taumata apan mangnga'u watanganne hawe, arawe apan atonna-tonna satia, masahadda paddeaanne.

MANNANASE 11:2

Addoa'e roinnu su al᷊awo'u hatin paddaganganna; paddea'e manara ringangu manambo-nambo. Ana waugu taumata ṛinone uaantagga tantal᷊anna asasilaka taambe naṛṛia'a.

YESAYA 10:6

I Ya'u nandolokku Asyur niapapangalo pabbawala-U apan massinaadda wuṛṛu ma'ola'a si Ya'u nasa'u. I Ya'u nanddolokku Asyur iapaaṛṛo wuṛṛu iapata'o se'e iapaṛṛinda pabbawala-Ku ere awu su lal᷊anna.”

YESAYA 58:7

Tahiate annu su manga taumata apan mal᷊unussa, tarimmata'e manga taumata lallele su wal᷊enu. Onggol᷊eten laubba su taumata tantol᷊e, wuṛṛu arie mapawelengngu tuṛṛangngu apan ṛinone itul᷊ungnga.

YESAYA 9:17

Al᷊al᷊eon walahanna udde mannoṛṛobba naal᷊ihidda putungnga nangepoddu anggaṛṛumunanna ṛoaanna. Ṛenggamme naal᷊ihidda mahurangnge nasoṛṛobba ringannu timbulla sussal᷊oi.

HOSEA 8:1

Mawu nabbisara, “Patuntingia'e tatialan pangalo! Seetta namangalo wanua-Ku naal᷊ihidda asiaṛṛe nangametta inanne! Uma-U nilumawangnga paaire-U ringanni mangitou, wuṛṛu nilumawangnga manga tatantiro-U.

MATIUS 15:7

I yamiu taumata lilangkamal᷊e'a! Tawe sal᷊ane apa apan suete niwal᷊on Yesaya su ola'i yamiu eteudde,

MATIUS 16:3

Wuṛṛu su ruaallo, i yamiu mabbisara, ‘Allo indi manguranna, ana waugu langitta maṛṛamutta wuṛṛu marandumma.’ Ei, yamiu wotongnge maṛṛangngon hatim banua ringannu ma'ellega ola'u langitta, arawe manga tandan tempo tawe iaṛṛangngong kamiu!”]

MATIUS 22:18

Mawu Yesus masingkattu pandumanni mangitou apan dal᷊eo udde, aroddi i Tou nabbisara, “Ei, manga taumata lilangkamal᷊e'a! Anio i yamiu maapulu madea'a sal᷊a'u?

MATIUS 23:5

Sarangkanambone apan niola'i mangitou tumba'u iapa'ellega su taumata. I mangitou malluṛṛen tal᷊in aal᷊iomanna apan mal᷊ala-l᷊alakka wuṛṛu mal᷊o'engnga uatungkele su jubah mangitou!

MATIUS 23:6

I mangitou maapulun tampa apianne su manga andeangnga, wuṛṛu addera apianne su manga wal᷊em pattataṛṛamawuanna.

MATIUS 24:51

Ne mangangimbe udde sarun puul᷊annu mawune wuṛṛu iramme su tampa manga taumata lilangkamal᷊e'a. I mangitou sarun lumuai wuṛṛu matataṛṛangnga poiaroddi.”

MATIUS 5:18

Naunge! Tantal᷊anna langitta wuṛṛu runia ta'e indi, sambau woṛṛetta ara'e titi'a apan addio'anne lai sulal᷊ummu al᷊aṛṛa'a udde, tawe pappasanna amungkangngu sarangkanambone udde taambe natipussa!

MATIUS 6:16

“Amungkangngu i yamiu mappuasa, imbaṛṛangnga massusa ere taumata apan apulune mammahia. I mangitou mammal᷊u hatine tadea'u anambon taumata maasingkatta manungku i mangitou mappuasa. Paanaunge, eteudde lal᷊antakke apan suete nisengkammi mangitou.

MATIUS 6:3

Arawe i yamiu, amungkangngu mangagillu aonggolla, anggil᷊a'e ringannu mal᷊anna-l᷊annaba, tadea'u tawedu maasingkatta.

MATIUS 6:5

“Amungkangngu i yamiu umal᷊iomanna, imbaṛṛangnga ere manga taumata ma'ola'a awusu. I mangitou u'al᷊iomanna lapiddu uarisikka su wal᷊em pattataṛṛamawuanna wuṛṛu su pengan dal᷊anna, tadea'u iasilon taumata. Paanaunge, eteudde lal᷊antakke apan suete nisengkammi mangitou.

MATIUS 7:5

Ei lilangkamal᷊e'a! Sabbanga'e rorone sal᷊aba'u wuassu matanu sassane, wakkute udde i'o maasilo ringannu masemakka, wuṛṛu wotongngete mapaasabangngu alu sampaddi wuassu matan tuṛṛangngu.

MARKUS 12:39

Apulu mangitou su manga tampa mawantuga sulal᷊ummu wal᷊em pattataṛṛamawuanna wuṛṛu su manga andeangnga.

MARKUS 7:6

Mawu Yesus sinumimbakka, “I yamiu taumata lilangkamal᷊e'a! Naṛṛino atonna apa apan suete niapasingkatti Yesaya su ola'i yamiu eteudde, ‘Arendi unnu Ruata, Manga taumata udde tumba'u massubba si Ya'u ringannu manga wisara, arawe naungngi mangitou marau wuassia-U.

LUKAS 11:41

Apan sulal᷊ummu mangko wuṛṛu lamangngu udde, eteudde ṛinone ionggolli yamiu su taumata asiangnga. Ringannu olangnge aroddi, sarangkanambone sarun maola'a waresi hunane si yamiu.

LUKAS 11:43

Nasilakate i yamiu manga taumatan Farisi! I yamiu mal᷊utu manga tampa awantuhanne sulal᷊ummu wal᷊em pattataṛṛamawuanna, apulune a'addatanna su manga pasakka.

LUKAS 12:33

Wal᷊ua'e darotongngu wuṛṛu anggil᷊a'e roinne su taumata asiangnga. Ola'e sulal᷊ummu ririnu tampan doitta apan tawe maṛṛenessa, eteudde darotongnga apan uaraddo su surga. Darotongnga udde tawe mawul᷊i ana waugu taṛṛa ta'o tawe maapanna'o wuṛṛu wiangnga tawe maahohakka.

LUKAS 12:56

I yamiu taumata apan maapulu mangawusu! I yamiu wotongnge maṛṛangngon tempone ringannu ma'ellega ola'u langitta wuṛṛu runia. Anio tatiala indi tawe iaṛṛangngong kamiu?”

LUKAS 13:15

Mawu sinumimbakka, “Lilangkamal᷊e'a i yamiu indi! Su allon Sabatta anambon taumata mammallossu sapi ara'e keledai wuassu tandangnge wuṛṛu ia'apidda su liudde ana iapa'inumma.

LUKAS 20:46

“Paatehamma su manga hurun agama. I mangitou apulune u'amatta ualuṛṛen jubah mal᷊o'e, wuṛṛu mal᷊utu a'addatanna su manga pasakka. I mangitou mal᷊utu su manga tampa mawantuga sulal᷊ummu wal᷊em pattataṛṛamawuanna wuṛṛu su manga andeangnga.

LUKAS 6:24

Arawe nasilakate i yamiu taumata ala su orassa indi; ana waugu i yamiu naapendampe al᷊al᷊uassa!

LUKAS 6:42

Ereapa i yamiu wotongnge mabbisara tuṛṛangngu, ‘Wette tuṛṛangnga, i ya'u mapasabangngu alu adio'a su matanu,’ arawe sulal᷊ummu matanu sassane pia sal᷊aba'u apan tawe asiloannu? Ei lilangkamal᷊e'a! Pasabanga'e rorone sal᷊aba'u su matanu sassane, wakkute udde i yamiu wotongnge maasilo ringannu masemakka wuṛṛu wotongnge mapasabangngu alu adio'a wuassu matan tuṛṛangngu.”

YOHANES 13:29

Piaddu massunna Mawu Yesus mandolokki Yudas mamalli sarannapa apan ipaatta su andeangnga udde, ara'e mangonggolu roitta adio'a su taumata asiangnga ana waugu i Yudas eteudde sangkatou mananahipunna roitti mangitou.

YOHANES 5:41

I Ya'u tawe maddea'a daralo wuassu taumata.

YOHANES 5:44

Ereapa i yamiu wotongnge apangimananna, amungkangngu i yamiu maddea'a daralo wuassu sansul᷊ungngu taumata, wuṛṛu tawe mappandumma maddea'a daralo wuassu Ruata apan Tinggassa?

YOHANES 7:18

Taumata apan mangngonggolu al᷊aṛṛangnge sassane maddea'a awawantugu ririne sassane. Arawe taumata apan maddea'a awawantugi Tou apan nandolokki Tou, taumata udde matul᷊ida, i tou tawe awusune.

WATTI'U MANGA RASUL 10:2

I tou sangkatou apan matta'uttu Ruata wuṛṛu anambon lal᷊oṛṛon bal᷊ene mattaṛṛamawu Ruata. I tou masokka mantul᷊ungngu taumatan Yahudi apan asiangnga wuṛṛu i tou sidutu u'al᷊iomanna su Ruata.

WATTI'U MANGA RASUL 10:31

I tou nabbisara, ‘Kornelius! Ruata suete nadaringikka aal᷊iomannu wuṛṛu uanaungnga sasaṛṛionto'u naungngu.

WATTI'U MANGA RASUL 10:4

I Kornelius nanutuda mala'ekatta udde ringannu atata'utta see nabbisara, “Pia apa Mawu?” Mala'ekatta udde sinumimbakka, “Aal᷊iomannu wuṛṛu asasaṛṛionto'u naungngu sinengkampen Ruata wuṛṛu Ruata mannaungnga si'o.

WATTI'U MANGA RASUL 11:29

Ne anambo mallal᷊aṛṛenggennu Mawu Yesus na'ire mapaapiddu sumbala su manga tuṛṛangnge apan uatana'a su Yudea, sangkatou-sangkatou nangonggolla tumuṛṛuttu asombangnge.

WATTI'U MANGA RASUL 24:17

Napawe pirate tonna tawe uatana'a su Yerusalem, i ya'u nabelengke apia su Yerusalem nangapiddu sasumbala roitta su pabbawala'u wuṛṛu nangapiddu aonggolla sasamba su Ruata.

WATTI'U MANGA RASUL 9:36

Su Yope pia sangkatou wawine aranne i Tabita. I tou sangkatou apan mangngimanna Mawu Yesus. (Aranne sulal᷊ummu wisaran Yunani eteudde i Dorkas atappasanne rusa.) Inolaanni tou sidutu mapia wuṛṛu mantul᷊ungngu taumata asiangnga.

ROMA 12:8

Taumata apan pia asingkatta mangngonggolu sasasa su taumata waine, ṛinone atonna-tonna mangonggolu sasasa su taumata waine, taumata apan pia al᷊amatta mantul᷊ungngu taumata waine ringannu darotongnge, ṛinone ma'ola'a udde ringannu naungnga mawawo wuṛṛu mal᷊uassa. Taumata apan pia asingkatta mammiaṛṛa'a, ṛinone atonna-tonna mammiaṛṛa'a. Taumata apan pia al᷊amatta mamasilon darangngune su taumata waine, ṛinone ma'ola'a ringannu naungnga mal᷊uassa.

1 KORINTUS 13:3

Salaiwe anambon darotongku, ta'u ionggola su taumata asiangnga, wuṛṛu i ya'u manantillu wadangku tutunganna, arawe i ya'u tawe mandangngu taumata waine, ne sarangkanambone udde tawe gunane saran kadio'a.

GALATIA 2:10

Tumba'u sambau darorongngi mangitou eteudde tadea'u i yami umakkannu taumata asiangnga. Wuṛṛu i ya'u sidutu mal᷊uassa mammanara udde.

EFESUS 4:28

Taumata apan inanaramanne manna'o ṛinone i tou mangillol᷊o manna'o. Mappianne i tou mammanara tadea'u maasomba anna ringannu su ṛinone wuṛṛu wotongnge mantul᷊ungngu taumata apan pia awunne.

1 TESALONIKA 2:6

I yami lai tawe mappandumma daralo wuassu taumata – mawae wuassi yamiu ara'e wuassu taumata waine. Ṛinone maola'a sangkatou rasulli Kristus i yami wotongnge maddorongnga sarannapa si yamiu.

1 TIMOTIUS 6:18

Paddorongke si mangitou mapaal᷊iatta'u apapia, ringannu ma'ola'a al᷊awo'u inolaanna apan mapia, masaṛṛionto'a, wuṛṛu laghune mapia.

FILEMON 1:7

Tuṛṛangnga Filemon, darangngunu su anambon al᷊aṛṛana'u Ruata maal᷊uassa si ya'u wuṛṛu mangonggolu sasasa si ya'u! Anambon al᷊aṛṛana'u Ruata nilumuassa ana waugu i'o.

IBRANI 13:16

Arie ma'abul᷊i ma'ola'a apapia wuṛṛu uatatul᷊ungnga, ana waugu eteindi manga sasamba apan ma'al᷊uassa naungngu Ruata.

1 PETRUS 4:11

Taumata apan namasingkatu watti'a, ṛinone mamasingkatu watti'a wuassu Ruata; taumata apan mangngimbe taumata waine, ṛinone mangimbe ringannu atatohassa wuassu Ruata, tadea'u al᷊awo'u manaran, Duata wotonge wantuhanna sulalummi Yesus Kristus. Ete i Tou apan uataṛṛino wuṛṛu ṛinone wantuhanna ma'oman sara mal᷊annu-l᷊annu. Amin.

1 SAMUEL 15:30

I Saul sinumimbakka, “I ya'u narosate. Arawe tul᷊unga'a Papa, pabbelengke suadio'a ringangku tadea'u ya'u wotongnge mattaṛṛamawu su Mawu Ruata Iamangnga. Ringannu aroddi i Papa mangngaddatta si ya'u su saruannu manga piaṛṛa'u pabbawala'u wuṛṛu su saruannu anambon taumatan Israel.”