MATIUS 6:12 - WUKE SUSI WATTI'U AL᷊AL᷊USASSA

¹² Ampungewe i yami wuassu passasal᷊ang kami, ere lai yami suete nangampungnga taumata apan nassal᷊a si yami.

MATIUS 6:12 Iomraidhean Croise

1 MARARATU 8:34

antimanna I'o maddaringikka si mangitou wuassu surga. Antimanna I'o mangampunga rosan uman-Nu indi, wuṛṛu mangapiddi mangitou mabbelengnga watukku wanua apan buatte nionggollu Mawu su al᷊amona mangitou.

1 MARARATU 8:39

antimanna I'o wuassu atatanaan-Nu su surga maddaringikka see mangampungnga wuṛṛu mantul᷊ungngi mangitou. Tumba'u I'o apan masingkattu lal᷊ummu manga inolaanne,

1 MARARATU 8:50

Ampungewe anambon dosa wuṛṛu al᷊al᷊eo mangitou su saruan-Nu, wuṛṛu ola'e manga seetti mangitou ma'ola'a si mangitou ringannu mapia.

DARALO 130:4

Arawe I'o sidutu maapulu mangampunga, tadea'u taumata mabbal᷊i ma'imanna.

DARALO 32:1

Daralon Daud. Aantari tatantiro. Lal᷊umanna'a su taumata apan rosane niampunganna, wuṛṛu pasasal᷊ane nipappassa.

SASABANGNGA 34:7

I Ya'u sidutu mandangngu papapulunna su ṛiwune wuṛṛu mangngampungnga passal᷊a wuṛṛu rosa; arawe taumata nassal᷊a mangke tawe Ta'u ipallossa wuassu ṛuumanne, wuṛṛu Ta'u iṛṛuumanna lai manga anangnge wuṛṛu manga pulunne ma'oman sara papapulunne atallun ṛawanne wuṛṛu aiappanne ana waugu paddarosan hagurangnge”.

YESAYA 1:18

Mawu nabbisara, “Wette i ite manginsue hatto indi. Salaiwe i yamiu maṛṛamu ungu ana waugu manga rosanu, i yamiu sarun Ta'u raddasanna mabbal᷊i mawira waresi naal᷊ihidda sangarenna ara'e wungkassa. Salaiwe manga rosanu manambo wuṛṛu mawakkatta, i yamiu sarun Ta'u ampunganna atonna-tonna.

DANIEL 9:19

Mawu, daringiṛṛewe i yami, ampungewe i yami, lu'arewe i yami wuṛṛu pammanarate ringannu mal᷊ihakka! Ariewe mal᷊annu-l᷊annu, tadea'u anambon taumata masingkatta manungku ete I'o Ruata, Ana waugu Yerusalem wuṛṛu uman-Nu udde pussaa-Nu apan apianne.”

MATIUS 26:28

Ana waugu indi ṛaṛṛa-U apan mannohassa pa'airen Ruata ṛaṛṛa apan niapaturo ana waugu taumata nambo wuṛṛu ipangampungnga rosa mangitou.

MATIUS 9:2

Isudde taumata nangapiddu sangkatou lome ringanni Tou apan ual᷊allowangnga su wilatta. Su tempo Mawu Yesus naasilo manungku wahewa atonna pangangimanni mangitou udde, i Tou nabbisara su taumata lome udde, “Paasabare ana'u! Manga rosanu suete niampunganna.”

MARKUS 11:25

Wuṛṛu amungkangngu i yamiu umal᷊iomanna; arawe naungngi yamiu tawe mal᷊uassa su sangkatou taumata, ampungnge asuene taumata udde, tadea'u Iamangngu su surga lai mangampungnga manga rosanu. [

LUKAS 11:4

Ampungnge manga rosang kami, ana waugu i yami lai mangngampungnga taumata sangkatou-sangkatou apan nassal᷊a si yami. Wuṛṛu arie mamalang kami awul᷊iannu pangangimanna su tempo i yami uasaruanna wawal᷊intongnga.’ ”

LUKAS 13:4

Ereapa lai ringannu sire mapul᷊o ual᷊u taumata apan nate su Siloam, su tempo menara udde nema'a si mangitou? I yamiu massunna udde ere sambau tanda manungku i mangitou arosanne wuassu manga taumata waine apan uatana'a su Yerusalem?

LUKAS 6:37

“Imbaṛṛangnga maṛṛuungngu taumata waine, tadea'u i yamiu lai sassane tawe iṛṛuungngu Ruata. Imbaṛṛangnga maṛṛuumannu taumata waine, tadea'u i yamiu sassane tawe iṛṛuumannu Ruata. Ampungete taumata waine, tadea'u Ruata lai mangampungnga si yamiu.

WATTI'U MANGA RASUL 13:38

Ana waugu udde manga tuṛṛangnga, i yamiu ṛinone maasingkata manungku sulal᷊ummu Mawu Yesus indi, watti'a su ola'u pangangampungnga rosa niapaasingkatta si yamiu; i yamiu ṛinone masingkatta manungku suapan taumata apan mangngimanna si Tou, iapaal᷊iu wuassu al᷊awo'u rosa apan tawe iapappassa sulal᷊ummu manga parenta Ruata apan niapaasingkatti Musa.

EFESUS 1:7

Ana waugu wuassu papaten Kristus, i ite nipallosu Ruata, atappasanne manungku i Tou buatte nangampunga si ite wuassu manga rosan kite.

EFESUS 4:32

Arawe ṛinone naungngi yamiu waresi wuṛṛu uaa'akkana sangkatou ringannu waine, wuṛṛu uaaonggolu ampunga ere lai Ruata nangampunga si yamiu sulal᷊ummi Kristus.

KOLOSE 3:13

I yamiu ṛinone masabare sangkatou ringannu waine, wuṛṛu maapulu mangampunga sangkatou ringannu waine. Mawu ringannu naungnga mal᷊uassa mangampunga si yamiu, nariaddi yamiu lai ṛinone mangampunga sangkatou ringannu waine.