MATIUS 5:6 - WUKE SUSI WATTI'U AL᷊AL᷊USASSA

⁶ Lal᷊umanna'a su taumata apan sidutu ma'ola'a apulun Ruata; Ruata sarun manuungngu apulu mangitou!

MATIUS 5:6 Iomraidhean Croise

DARALO 107:9

Ana waugu i Tou napa'inummu taumata apan marou, wuṛṛu nangonggola su taumata apan mal᷊unussu al᷊awo'a apan mapia.

DARALO 145:19

I Tou malluassa naungngu manga taumata ma'imanna; i Tou maddaringikka sasal᷊anden mangitou wuṛṛu nanal᷊amatta si mangitou.

DARALO 17:15

Arawe i ya'u sarun ma'ellega Si'o, ana waugu i ya'u tawe sal᷊ane. Sutempo i ya'u napu'o, daranta-Nu naal᷊uassa naungku.

DARALO 63:5

Su al᷊o'engngu pabbiaṛṛangku i ya'u maadiangkamanna Si'o; lima'u niwatte Si'o lapiddu u'al᷊iomanna.

DARALO 65:4

Manga rosa'u tumaniten mawakkata si ya'u, arawe I'o mangke nangampungnga.

DARALO 84:2

Tumaniten maal᷊uassa tampa atatanaan-Nu, oh Ruata Apan Lembontaṛṛino!

AMSAL 10:24

Taumata masaṛṛionto'a maasomba apa apan ipaapulune; taumata lal᷊eo maasomba apa apan lembon iaata'unne.

AMSAL 21:21

Isai mattinsahadda tadea'u atatul᷊idda wuṛṛu darangngu iapaamatta, sarun maasomba lal᷊umanna'a, aaddatta wuṛṛu uukka mal᷊o'engnga.

ANTARI MAWANTUGA 5:1

I ya'u nirumanta su wawail᷊angku, tuari, pare'u, ta'u niammulla mur wuṛṛu rampa-rampa'u; ta'u nianna sal᷊akku langon pul᷊a wuṛṛu pul᷊a'u, ta'u niinumma susu wuṛṛu ua'e'u anggore Aante wuṛṛu pa'inumpe, manga hawe, pa'inumpe ma'oman sara iwu'annu paapulu.

YESAYA 25:6

Su Wuiddu Sion, Mawu Apan Lembontaṛṛino sarun manaddia sal᷊iwangnga su anambon walahanna su runia. I Tou nangimben kanna apan atemanganne wuṛṛu anggore apan buatte nipile.

YESAYA 41:17

Napawe pabbawala-U apan susa udde maddea'a ua'e, wuṛṛu tonggol᷊anni mangitou namara ana waugu marou, ne i Ya'u, Mawu, sarun sumimbakka aal᷊iomanni mangitou; Ruatan Israel sarun tawe manantangngu uman-Ne.

YESAYA 44:3

Ana waugu i Ya'u sarun mandal᷊innu ua'e su leta'a apan mamara, wuṛṛu mapa'elekku manga sal᷊ukka su leta'a apan naṛṛangngitta. I Ya'u sarun mangonggollu taṛṛino-U su papapulunnu, wuṛṛu mangal᷊amatta pallaṛṛitenu.

YESAYA 65:13

Mangke atonna, taumata apan massubba si Ya'u sarun umanna, wuṛṛu i yamiu amal᷊unusanna. I mangitou sarun ma'inumma, arawe i yamiu amarouanna. I mangitou sarun lumuassa, arawe i yamiu pansilianna.

YESAYA 66:11

I yamiu sarun maatemma pa'aalane, naal᷊ihidda sangkatou ana'a sussusu inangnge.

YEREMIA 31:25

I mangitou apan nallome sarun iapaatohassa, wuṛṛu mallappu ana waugu niamal᷊unusanna sarun Ta'u iapaal᷊aidda.

LUKAS 1:53

Taumata mal᷊unussa niapaal᷊aidu al᷊awo'u apapia, taumata ala nillimbuaṛṛanna tawe ul᷊ene.

LUKAS 6:21

Lal᷊umanna'a i yamiu apan mal᷊unussa orassa indi; i yamiu sarun iapaal᷊aidda! Lal᷊umanna'a i yamiu apan lulluai orassa indi; i yamiu sarun lumagge!

LUKAS 6:25

Nasilakate i yamiu apan mal᷊aida orassa indi; ana waugu i yamiu sarun amal᷊unusanna! Nasilakate i yamiu apan lullage orassa indi; ana waugu i yamiu sarun masusa wuṛṛu lumuai!

YOHANES 4:14

“arawe taumata apan ma'inumma ua'e apan Ta'u ionggolla, i tou tawe marou saran mal᷊annu-l᷊annu. Ana waugu ua'e apan sarun Ta'u ionggolla udde maola'a al᷊imatang kua'e sulal᷊ummu wadangnge apan sumabangnga su liudde wuṛṛu mangonggolla si tou wiakka tutune wuṛṛu sara mal᷊annu-l᷊annu.”

YOHANES 6:27

Arie pammanara ipaddea'a anna apan wotongnge masue wuṛṛu mawukku'a. Pammanarate tadea'u maasomba anna apan tawe mawukku'a wuṛṛu apan mangngonggolu wiakka tutune wuṛṛu saran mal᷊annu-l᷊annu. Anna udde sarun ionggolu Ana'u Taumata si yamiu, ana waugu i Tou suete nitenegu Ruata Iamangnga.”

YOHANES 7:37

Su allo panginsueannu ramea udde, eteudde allo apan apianne, Mawu Yesus dirumarisikka sulal᷊ummu Wal᷊e Mawu see nabbisara, “Taumata apan marou ṛinone rumanta ringang-Ku ma'inumma.

SONDAPPA 7:16

I mangitou tate maapendama mal᷊unussa ara'e marou; matannallo ara'e paddisa mapal᷊atta tate maal᷊oso si mangitou,