MATIUS 5:45 - WUKE SUSI WATTI'U AL᷊AL᷊USASSA

⁴⁵ tadea'u i yamiu maola'a al᷊aṛṛana'u Iamangngi yamiu su surga. Ana waugu Ruata mapasabangngu matannallo su taumata apan mapia, wuṛṛu su taumata apan dal᷊eo lai. I tou napa'uranna su taumata apan ma'ola'a apapia wuṛṛu su taumata apan ma'ola'a al᷊al᷊eo lai.

MATIUS 5:45 Iomraidhean Croise

AYUB 25:3

Wotongngewe iareengnga mala'ekatta apan mangngimbe si Tou? Apa pia tampa apan tawe aṛṛinoannu asasemak-Ke?

DARALO 145:9

I Tou masaṛṛionto'a su al᷊awo'u taumata, wuṛṛu marangngu anambon inariaddian-Ne.

YEREMIA 5:24

Taambe saran paassa i yamiu mannaungnga tadea'u mangaddatta si Ya'u, sumbal᷊i ete i Ya'u apan nandolokku uranna, mawae ete su panattaṛṛanne aroddi lai su panginsueannu tempon uranna. Ete i Ya'u lai apan nangonggolla si yamiu tempon pangitinganna suapan mattonna.

MATIUS 5:9

Lal᷊umanna'a su taumata apan mangapiddu paddarame su wallattu taumata; Ruata sarun manga'u si mangitou maola'a manga al᷊aṛṛanang-Nge!

LUKAS 6:35

Ṛinone wal᷊ine aroddi! Ewe'e i yamiu ṛinone umakkannu seetti yamiu wuṛṛu pia pallal᷊agu mapia si mangitou. I yamiu ṛinone mapawallassa wuṛṛu arie mangantimma mawelengnga apia. Amungkangngu aroddi, lal᷊antakku wahewa wuṛṛu i yamiu sarun maola'a al᷊aṛṛana'u Ruata Apan Atanggaṛṛanne. Ana waugu Ruata naungnge mapia su saruannu taumata apan waga ma'aidengkamanna, wuṛṛu su saruannu taumata lal᷊eo lai.

YOHANES 13:35

Amungkangngu i yamiu uarararangngu, anambon taumata sarun maasingkatta manungku i yamiu mallal᷊aṛṛenggeng-Ku.”

WATTI'U MANGA RASUL 14:17

Arawe i Tou tawe maabul᷊i mangonggolu tatiala-Ne, eteudde ringannu ma'ola'a apapia. i Tou mangngonggolu uranna wuassu langitta wuṛṛu hessin leta'a su tempone. I Tou mangngonggolu anna si yamiu wuṛṛu malluassa naungngu.”

EFESUS 5:1

Ete i yamiu udde al᷊aṛṛana'u Ruata apan arangnguan-Ne, ana waugu udde i yamiu ṛinone mattanno tul᷊ada Duata.

FILIPI 2:15

Ringannu aroddi yamiu mapaal᷊iatta'a manungku eteudde i yamiu al᷊aṛṛana'u Ruata apan tawe angngone, mabbiakka ringannu matul᷊ida wuṛṛu naṛṛino su pattangnganu taumata lal᷊eo wuṛṛu marosa. Wuṛṛu su tempo i yamiu namasingkata si mangitou watti'a apan mangngonggolu wiakka, ṛinone i yamiu maola'a ere semakka apan lullansiangnga mannemakka runia. Amungkangu i yamiu mabbiakka ereudde, ne i ya'u pia pangiananne maapendamma al᷊al᷊uassa su ola'i yamiu su tempo Mawu Yesus rumanta apia. Udde maola'a tatialane manungku manara'u pia gunane wuṛṛu pia gessine.

1 YOHANES 3:9

Taumata apan naola'e Ana'u Ruata, tawe sidutu ma'ola'a rosa, ana waugu pallal᷊agun Duata sassane tatahuananni tou. Wuṛṛu ana waugu Ruata udde Iamangnge, ne i tou tawe siddutu ma'ola'a rosa.