MATIUS 5:44 - WUKE SUSI WATTI'U AL᷊AL᷊USASSA

⁴⁴ Arawe orassa indi Ya'u mabbisara si yamiu: pandangngute manga seennu, wuṛṛu al᷊iomana'a manga taumata apan mammate si yamiu,

MATIUS 5:44 Iomraidhean Croise

2 MARARATU 6:22

“Arie,” sasimbakki Elisa. “Ewe'e lai tantara apan niasametti Tuanga sulal᷊ummu pangalo udde tawe pateanni Tuanga, nangillembo lai indi. Onggol᷊eten anna wuṛṛu painuma'e i mangitou, ana see wala'e i mangitou mapul᷊e ringannu ratun mangitou.”

DARALO 7:4

Oh Mawu Ruata'u, i ya'u na'ola'a pallal᷊inga, na'ola'a al᷊al᷊eo susaruannu sandingananna ara'e namaddon seetta ringannu tawe pinangiananne, unnu wisara i ya'u na'ola'a aroddi,

AMSAL 19:11

Taumata pande wotongnge maaṛṛaddannu asasa'une. I tou raddaloanna ana waugu tawe mandeengngu pasasal᷊an taumata si tou.

LUKAS 23:34

See Mawu Yesus inumal᷊iomanna, “O Iamang-Ku, ampungewe i mangitou! I mangitou wagga apa apan a'olaanni mangitou.” Laubbu Mawu Yesus nitahia isudde su wallatti mangitou wuṛṛu niundi.

YOHANES 13:34

Parenta wakku apan Ta'u ionggolla si yamiu: Padarangngute sangkatou ringannu waine. Ere lai Ya'u mandangngu si yamiu, aroddi lai yamiu ṛinone uararangngu.

WATTI'U MANGA RASUL 16:28

Arawe i Paulus inumui ma'ikka-ikkatta, “Arie pamate ririnu! I yami sarangkanambone ta'e isindi!”

WATTI'U MANGA RASUL 7:60

See i tou inumal᷊intuda wuṛṛu inumui ringannu tingikka ma'ikkatta, “Mawu, ariewe rosa indi maola'a winabbawa mangitou!” Napawe wua nabbisara aroddi i tou nate.

ROMA 12:14

Paddorongke su Ruata tadea'u i Tou mangal᷊amatta manga taumata apan maṛṛagissa si yamiu. Ore, paddorongke Ruata mangal᷊amatta si mangitou, arie pangane.

1 TESALONIKA 5:15

Paariagai tadea'u arie pia taumata apan mabal᷊issu al᷊al᷊eo ringannu al᷊al᷊eo. Paddea'e sidutu ringannu ma'ola'a apapia, sangkatou ringannu waine wuṛṛu su anambon taumata.

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

1 SAMUEL 24:17

Napawe i Daud buatte nanabbangngu manga wisara udde, i Saul nabbisarate, “Ete i'o udde, i Daud, ana'u?” Ana see i tou nilumuaite.