MATIUS 5:39 - WUKE SUSI WATTI'U AL᷊AL᷊USASSA

³⁹ Arawe orassa indi Ya'u mabbisara si yamiu: arie pabbal᷊issa sangkatou taumata apan ma'ola'a al᷊al᷊eo si yamiu. Apianne amungkangngu taumata mamero wambalanu aikkatanna, wala'a lai i tou mamero wambalanu aiṛṛi.

MATIUS 5:39 Iomraidhean Croise

1 MARARATU 22:24

Ne i Nabi Zedekia inaite nangundanin Mikha ana see namero hatine wuṛṛu nabbisara, “Apa wotongnge Ghaṛṛaho Mawu manantangku wuṛṛu mabbisara si'o?”

AYUB 16:10

Manga taumata mangngal᷊uandaga si ya'u ringannu moṛṛongnga uanganga mal᷊oangnga; i ya'u niṛṛimpulunanna wuṛṛu wambala'u nipero.

AMSAL 20:22

Imbaṛṛangnga mabbal᷊issa al᷊al᷊eo ringannu al᷊al᷊eo lai; pangimante Mawu, ete i Tou apan sarun mantul᷊ungnga.

AMSAL 24:29

Arie mabbisara, “I ya'u sarun mabbal᷊issa si tou sarangkanambone apan buatte niola'i tou si ya'u!”

YESAYA 50:6

I ya'u nangonggollu liu'u su taumata apan mamuulla si ya'u; wuṛṛu wambala'u su taumata apan mangabutta omengku. I ya'u tawe nallinda'u hati'u sutempo i ya'u haggeloanna wuṛṛu a'adduanna.

LAL᷊ALLU 3:30

Salaiwe peroanna wuṛṛu al᷊uandahanna, ṛinone sarangkanambone udde sengkamanni ite.

IMAMATTA 19:18

Imbaṛṛangnga mabbal᷊issa a'une wuṛṛu maddantinnu taumata waine, arawe pandangngute sansul᷊ungngu ere lai yamiu mandangngu watangannu sassane. Ete i Ya'u Mawu.

MIKHA 5:1

Mawu nabbisara, “Ei Belehem Efrata, i'o sambau soa apan aaddio'anne su Yehuda! Arawe wuassi'o sarun Ta'u iapaaranta sangkatou apan maola'a tambonannu Israel apan darantane wuassu al᷊amonane.”

MATIUS 5:40

Wuṛṛu amungkangngu taumata mangalaeng kamiu su mallaṛṛuungnga wuṛṛu maddorongnga laungngu, onggol᷊a'a lai si tou jubahnu.

LUKAS 22:64

I mangitou nanutuba matane wuṛṛu naiwal᷊o si Tou, “Si'ata'a isai namuulla Si'o?”

LUKAS 6:7

Sire pira hurun agama wuṛṛu taumatan Farisi maddea'a pasasal᷊a Mawu Yesus tadea'u wotongnge i Tou ialae. Nariaddi i mangitou sidutu mannutukka tanne i Tou mapaapian taumata su allon Sabatta.

YOHANES 18:23

Mawu Yesus sinumimbakka, “Amungkangngu i Ya'u mabatti'u wisara nassal᷊a, wal᷊oa'e isindi suapa sal᷊ane! Arawe amungkangngu niwisara-U udde atonna, anio i'o namero si Ya'u?”

1 KORINTUS 6:7

Arie inai maggahaton taumata apan wal᷊ine Saṛṛani; su ola'u pattatiakka su wallatti yamiu udde naola'e sambau al᷊allome si yamiu. Mappianne i yamiu woddoanna, ara'e ruggianna!

1 TESALONIKA 5:15

Paariagai tadea'u arie pia taumata apan mabal᷊issu al᷊al᷊eo ringannu al᷊al᷊eo. Paddea'e sidutu ringannu ma'ola'a apapia, sangkatou ringannu waine wuṛṛu su anambon taumata.

IBRANI 12:4

Ana waugu sulal᷊ummu manaranu lullawangnga rosa, i yamiu taambe saran paassa mammanara na'oman sara napaaturon ṛaṛṛa.

YAKOBUS 5:6

I yamiu maṛṛuumanna wuṛṛu mammate manga taumata apan tawe sal᷊ane, wuṛṛu i mangitou tawe lumawangnga si yamiu.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.