MATIUS 5:24 - WUKE SUSI WATTI'U AL᷊AL᷊USASSA

²⁴ ṛinone i tou manantangnga asuene sasambane su saruannu meddan sasamba see inai maddamen taumata udde. Wua'udde, wotongngete i tou mabelengnga wuṛṛu manantillu aonggolle su Ruata.

MATIUS 5:24 Iomraidhean Croise

AYUB 42:8

Ne, orassa indi panganute pitu sapi esakka wuṛṛu pitu domba esakka, wua'udde roote ringanni Ayub. Ana see onggol᷊a'e sarangkanambone udde maola'a sasamba itattambunna hunan ririnu. Ayub sarun umal᷊iomanni yamiu wuṛṛu aal᷊iomanne sarun daringiṛṛang-Ku. I yamiu tawe Ta'u pansilianna, salaiwe i yamiu ṛinone manengkamma ṛuumanna. I yamiu tawe namasingkattu watti'a ṛinone su ola'u watangng-Ku, arawe i Ayub namasingkattu olangnge udde.”

AMSAL 25:9

Nassal᷊a sunna su hawenu, insuete tumba'u ringanni tou, arawe addapingngu taumata waine arie pabbattia'a.

MATIUS 23:23

Nasilakate i yamiu manga hurun agama wuṛṛu manga taumatan Farisi! I yamiu lilangkamal᷊e'a. Rampa-rampa ere selasi, adassa matemangnga, wuṛṛu jintan, nionggoli yamiu sambau wuassu mapul᷊o wageangnge su Ruata. Arawe apa apan nangillembo wua isudde sulal᷊ummu al᷊aṛṛa'u agama ere tul᷊adane: Atatul᷊idda, darangngu, wuṛṛu tatuṛṛutta tawe olaanni yamiu. Sumbal᷊i eteudde apan ṛinone olaanni yamiu, ringannu tawe manantangngu al᷊aṛṛa'a waine lai.

MATIUS 5:23

Ana waugu udde, amungkangngu piaddu sangkatou wuassu wallatti yamiu mangapiddu sasamba su Ruata, see naanaungnga manungku pia taumata massa'u si tou,

MARKUS 9:50

Asimma udde mapia, arawe amungkangngu naola'a maammi, wotongngewe iapaapakkada apia? Nariaddi, ṛinone yamiu maola'a ere asimma – pabbiakke su sampunna ringannu paddarame.”

1 KORINTUS 11:28

Nariaddi, suapan taumata ṛinone mamarikissa ririne paarorone, wua'udde i tou wotongnge umanna roti wuṛṛu ma'inumma anggore udde.

1 TIMOTIUS 2:8

I ya'u maapulu tadea'u suapan tampan papunna esakka umal᷊iomanna ringannu naungnga susi, tawe asasa'u ara'e pabbawawul᷊o.

YAKOBUS 5:16

Ana waugu udde, ṛinone i yamiu uaa'a'u pasasal᷊a wuṛṛu uaa'al᷊iomanna, tadea'u i yamiu iapaapia. Aal᷊iomannu taumata apan tuttuṛṛutta apulun Duata, pia taṛṛino apan wahewalla.