MATIUS 5:22 - WUKE SUSI WATTI'U AL᷊AL᷊USASSA

²² Arawe orassa indi Ya'u mabbisara si yamiu, isai-sai masa'u su taumata waine, sarun parikisanna; wuṛṛu isai-sai mallela taumata waine sarun parikisanna su saruannu Mallaṛṛuungngu Agama. Wuṛṛu isai-sai mabbisara taumata waine, ‘Tingngangnga,’ sarun iramme sulal᷊ummu putungngu naraka.

MATIUS 5:22 Iomraidhean Croise

PANDARIADDI 37:4

Napawe manga iaangngi Yusuf naasilo manungku iamangngi mangitou lembon marangngu si Yusuf wuassi mangitou, i mangitou nasa'ute si Yusuf, na'oman sara i mangitou maddirite maggahatton tou.

PANDARIADDI 37:8

“I'o massunna manungku i'o sarun maola'a ratu wuṛṛu uataṛṛino si yami?” wisaran manga iaangnge. Ana see lembon massa'ute i mangitou si tou ana waugu manga wal᷊iawane wuṛṛu ana waugu sarangkanambone apan buatte niwatti'i tou.

2 SAMUEL 16:7

I Simei nandal᷊an Daud ringannu manga wisara, “Passal᷊iu! Passal᷊iu! Taṛṛa pate! Taumata lal᷊eo!

2 SAMUEL 6:20

Sutempo i Daud napul᷊ete su wal᷊en araratuanne mangonggollu tabea su lal᷊oṛṛon bal᷊ene, i Mikhal sinumabbangnga naisasomban Daud wuṛṛu nabbisara, “Allo indi ratun Israel atonna-tonna na'ola'a watanganne a'addatanna! I tou buatte tinumantol᷊e naal᷊ihidda taumata longonna apan wagga masili su saruannu manga allangnga wawine tatahuanannu manga mamanaran araratuanna!”

1 MARARATU 21:4

Ringannu naungnga massusa wuṛṛu massa'u ana waugu naaringikka apa apan niwisaran Nabot si tou, i Ahab napul᷊e ana see nilumallowangnga su tampan atatiil᷊anne ringannu namilingngu hatine wuṛṛu maddiri umanna.

2 TAWARIKH 16:10

Wisaran Nabi Hanani udde naasa'u si Asa na'oman sara nabi udde nitaṛṛon Asa sulal᷊ummu tattupanna. Orassa udde lai Asa nanansara manga pira taumata wuassu tumanangnge.

2 TAWARIKH 19:5

Su al᷊awo'u soa pia tanda'a watu su Yehuda i tou namile manga mallaṛuungnga,

NEHEMIA 5:8

wuṛṛu nabbisara, “Ringannu ahewallu ikkatta i ite buatte namaekka manga tuṛṛangngi ite taumatan Yahudi apan nal᷊are nabbalu'u watanganne maola'a allangngu taumata raho. Arawe orassa indi i yamiu ewe'e lai mammata'i mangitou mabbal᷊u'u watanganne si yamiu, sumbal᷊i i yamiu lai taumatan Yahudi!” Manga piaṛṛa'u udde tawe naasimbakka saran sampaddi wisara.

DARALO 109:3

I mangitou namangalo si ya'u ringannu manga wisara maarantinna, wuṛṛu namangalo si ya'u ringannu taweddu pinangiananne.

DARALO 14:1

Su piaṛṛa'u mangangantari. Daralon Daud. Taumata longonna mabbisara sulal᷊ummu naungnga, “Tawe Duata.” Inolaanni mangitou lal᷊eo wuṛṛu maarantinna taweddu ma'ola'a apapia.

DARALO 25:3

Taumata apan nandal᷊eo Si'o sarun pansilianna, arawe apan mangngimanna Si'o sarun tawe sumassila.

DARALO 35:19

Ariewe pabbala'a i ya'u nannalangannu taumata masseetta si ya'u ringannu tawe pangiananne. Ariewe pabbala'a i ya'u ipallal᷊age taumata apan maddantingku ringannu tawe pangiananne.

DARALO 37:8

Arie masa'u wuṛṛu mal᷊oso naungnga, udde tumba'u mangngapiddu asasilaka.

DARALO 49:10

tadea'u i tou mal᷊iudda wuassu papate wuṛṛu mapabiakka sarangkal᷊o'engnge.

DARALO 69:4

I ya'u mangngintul᷊i na'oman sara nallome wuṛṛu tonggol᷊angku namara. Mata'u maṛṛagete uaṛṛaddo sasumbalan Ruata'u.

DARALO 7:4

Oh Mawu Ruata'u, i ya'u na'ola'a pallal᷊inga, na'ola'a al᷊al᷊eo susaruannu sandingananna ara'e namaddon seetta ringannu tawe pinangiananne, unnu wisara i ya'u na'ola'a aroddi,

DARALO 92:6

Aroddi ahewalle manga inolaan-Nu, oh Mawu, aroddi alal᷊umme manga ṛingiran-Nu!

AMSAL 14:16

Taumata pia budine sidutu uatehamma wuṛṛu mangngindau wuassu al᷊al᷊eo, taumata woddo nasa'u, wua'udde naapendamma mal᷊angnganna.

AMSAL 18:6

Amungkangngu taumata woddo mabbisara, i tou mandantan pattatiakka wuṛṛu nipuulla.

YEREMIA 17:11

Naal᷊ihidda manu'u winalanganna ruddaṛṛin tallukka wal᷊ine talluke, etearoddi lai taumata apan wengkolla naasomba darotongnga. Su uukka saṛṛen tumuwo i tou sarun awul᷊iannu anambon darotongnge. Su panginsueannu pabbiaṛṛanne natialanna i tou taumata apan tumaniten boddo.

LAL᷊ALLU 3:52

Naal᷊ihidda manu'u winalanganna, i ya'u a'enggenannu seetta ringannu tawe pangiananne maddantingku.

DANIEL 3:13

Naaringikka udde ratu nasa'ua tonna, see namarenta tadea'u siri tallu udde iapidda iapasaruanna si tou.

DANIEL 3:19

Ne sinumabbangke asasa'un Ratu Nebukadnezar su saruanni Sadrakh, Mesakh wuṛṛu Abednego, na'oman sara hatine maṛṛamutta. I tou namarenta tadea'u pandu'a olaanna paapitu al᷊osone wuassu wiasane.

OBAJA 1:10

“Inolaannu tumaniten maṛṛagissa su saruannu manga tuṛṛangngu papupulunni Yakub. Ana waugu udde i'o sarun pateanna, wuṛṛu aal᷊uandahannu taumata su al᷊o'engngu tempo.

OBAJA 1:12

Tawe su lal᷊anne i'o lumuassu asasusan Yehuda wuṛṛu lumala'a su allo tuṛṛangngu udde nate. Tawe su ṛinone i'o mattal᷊imoṛṛonganna sutempo i tou massussa.

MATIUS 10:17

Paariaga, ana waugu i yamiu sarun sametanna wuṛṛu iapaasaruanna su Mallaṛṛuungngu Agama. I yamiu sarun sansaranna su manga wal᷊em pattataṛṛamawuanna.

MATIUS 10:28

Arie mata'utti mangitou apan mammate wadangnga, arawe tawe taṛṛino mamate niawa. Ata'utten Duata apan uataṛṛino mamate, mapia ete wadangnga aroddi lai ṛimuudda sulal᷊ummu naraka.

MATIUS 12:24

Su tempo manga taumatan Farisi naaringikka aroddi, i mangitou sinumimbakka, “Taumata indi tumba'u wotongnge mallimbuakka ghaṛṛaho lal᷊eo, ana waugu i Beelzebul, tembonannu manga ghaṛṛaho lal᷊eo, suete nangagillu taṛṛino udde si Tou.”

MATIUS 17:5

Tantal᷊anna i Petrus ta'e mabbisara, winabbawa apan masemakka atonna nangooppa si mangitou wuṛṛu wuassu winabbawa udde niaringiṛṛanna tingikka apan nabbisara, “Ete indi Ana'a arangnguang-Ku, i Tou ma'al᷊uassa naung-Ku. Daringiṛṛe i Tou!”

MATIUS 18:21

Wua'udde i Petrus nirumanta ringannu Mawu Yesus wuṛṛu naiwal᷊o, “Mawu, amungkangngu tuṛṛangku ma'ola'a rosa su saruangku, ma'oman sara paapira i ya'u mangampunga si tou? Ma'oman sara paapitu?”

MATIUS 18:35

Mawu Yesus nanginsue watingnge ringannu wisara indi, “Aroddi lai Iamangku su surga sarun ma'ola'a si yamiu sangkatou-sangkatou ere udde, amungkangngu i yamiu tawe mangampunga tuṛṛangngu ringannu naungnga waresi.”

MATIUS 23:15

Nasilakate i yamiu manga hurun agama wuṛṛu manga taumatan Farisi! I yamiu taṛṛa lilangkamal᷊e'a! I yamiu inai massenggotta marau-rau nilumewessa tahal᷊oangnga, wuṛṛu mammal᷊iwutta ammaranne, tumba'u madea'a sangkatou taumata sumutta su agamanu. Wuṛṛu napawe taumata udde uasuttate su agamanu, i yamiu ma'ola'a si tou taumata naraka, apan al᷊al᷊eone paarua wuassu al᷊al᷊eong kamiu sassane!

MATIUS 23:33

I yamiu lal᷊eo wuṛṛu papapulunnu taumata lal᷊eo! Ereapa i yamiu wotongnge manal᷊amatta wadangngi yamiu wuassu ṛuumanna su naraka?

MATIUS 25:41

See Ratu udde sarun mabbisara su manga taumata su samba'an aiṛṛiNe, ‘Roote wua isindi, manga taumata lal᷊eo! Suttate sulal᷊ummu putungnga apan tawe iapadumma, apan suete nissaddia su Setanna wuṛṛu su manga ralol᷊oṛṛanne!

MATIUS 26:59

Manga imam tembonanne wuṛṛu anambo Mallaṛṛuungngu Agama mangke mammata'a maasomba tatiala awusu apan botongnge maṛṛawessa manungku Mawu Yesus iṛṛuumanna ma'oman sara mate.

MATIUS 3:17

Wua'udde niaringikka tingikku Ruata nabbisara, “Ete indi Ana'u apan arangnguanna, i Tou ma'al᷊uassa naung-Ku.”

MATIUS 5:34

Arawe orassa indi Ya'u mabbisara si yamiu: arie massalu saran addio'a, mapia ete ringannu langitta, ana waugu langitta udde ramba'u Ruata,

MATIUS 5:44

Arawe orassa indi Ya'u mabbisara si yamiu: pandangngute manga seennu, wuṛṛu al᷊iomana'a manga taumata apan mammate si yamiu,

MARKUS 14:55

Manga imam tembonanne wuṛṛu manga Mallaṛṛuungngu Agama mangke maddea'a maasomba pasasal᷊a Mawu Yesus tadea'u wotongnge maṛṛuumanni Tou ma'oman sara pateanna. Arawe i mangitou tawe naasomba saran sambau pasasal᷊a.

MARKUS 15:1

Ruaallo atonna, manga Mallaṛṛuungngu Agama nasutta lai manga imam tembonanne, manga piaṛṛa'u taumatan Yahudi wuṛṛu manga hurun agama mal᷊iha-l᷊ihakka na'ire. I mangitou naṛṛapussa Mawu Yesus, wua'udde nangapiddi Tou wuṛṛu tinantilla si Pilatus.

LUKAS 12:5

Mappianne Ta'u ita'e si yamiu apan ṛinone iaata'utti yamiu. Ata'utten Ruata! Ana waugu napawe suete namate, i Tou uataṛṛino lai mandammenu sulal᷊ummu naraka! Pangimante, tumba'u i Tou iaata'utti yamiu.

LUKAS 22:66

Su rua'allone, manga piaṛṛa'u taumatan Yahudi, manga imam tembonanne, wuṛṛu manga hurun agama naammulla, see Mawu Yesus niapidda su saruannu Mallaṛṛuungngu Agama mangitou.

YOHANES 11:47

Ana waugu udde manga taumatan Farisi wuṛṛu manga imam tembonanne naammulla ringannu Mallaṛṛuungngu Agama. I mangitou nabbisara, “I ite ṛinone ma'ola'a apa? Taumata indi ma'ola'a anambon al᷊aṛṛindu'a!

YOHANES 15:25

Arawe aroddite ṛinone, tadea'u matipusse apa apan uawoṛṛetta sulal᷊ummu Wukem Tita mangitou, eteudde: ‘I mangitou maddanting-Ku tawe pinangiananne.’

YOHANES 7:20

Awada'alla udde sinumimbakka, “I'o wewa! Isai ma'apulu mamate Si'o?”

YOHANES 8:48

Manga taumatan Yahudi udde sinumimbakka Mawu Yesus, “Wal᷊inewe atonna wisarang kami manungku I'o taumatan Samaria apan niasuttannu setanna?”

WATTI'U MANGA RASUL 17:18

Manga huru mallal᷊aṛṛenggenni Epikuros wuṛṛu Stoa uasasimbakki tou lai. Siri pira wuassi mangitou nabbisara, “Taumata indi masingkattu apa? Asingkanne tumba'u adio'a, arawe i tou tal᷊imoṛṛonganna!” Siri pirang katou waine nabbisara, “Lihidde i tou mabatti'u manga mongannu walahanna waine.” I mangitou nabbisara aroddi ana waugu i Paulus nabatti'u Mawu Yesus wuṛṛu su ola'u mabbiakka apia wuassu papate.

WATTI'U MANGA RASUL 22:30

Tembonannu tantaran Roma udde mangke ma'apulu maasingkatta anio taumatan Yahudi mapaasal᷊am Paulus. Ana waugu udde tiṛṛabbine i tou namaggo manga imam tembonanne, wuṛṛu Mallaṛṛuungngu Agama ma'ammula. See i Paulus nipallose wuassu mantungnge, wua'udde niapidda sinumaruanna si mangitou sarangkanambone.

WATTI'U MANGA RASUL 23:1

I Paulus nanutudda manga mallaṛṛuungnga udde see nabbisara, “Manga tuṛṛangku! Na'oman sara allo indi ya'u tawe naapendamma sal᷊a su saruannu Ruata sulal᷊ummu naungku su ola'u i ya'u mabbiakka.”

WATTI'U MANGA RASUL 24:20

Ara'e wala'e manga taumata indi sassane mangalaen al᷊al᷊eo apa apan niasombanganni mangitou si ya'u su tempo i ya'u niapaasaruanna Mallaṛṛuungngu Agama.

WATTI'U MANGA RASUL 4:15

Ne i mangitou nandolokku rasul darua udde sinumabangnga wuassu tampam pa'ammul᷊anna, wua'udde i mangitou na'ire.

WATTI'U MANGA RASUL 5:21

Ne manga rasul udde tinumuṛṛutte tanatan mala'ekatta udde. Ruaallo atonna i mangitou inaite su Wal᷊e Mawu wuṛṛu mannattake mangngaṛṛa'a isudde. Tantal᷊anna udde imam wahewa wuṛṛu mallal᷊aṛṛenggenne nirumanta, see na'ola'a ammullu mallaṛṛuungnga ringannu manga piaṛṛa'u Yahudi. Wua'udde i mangitou nandolokku taumata inai mangal᷊apa manga rasul udde su tuttupanna iapa'apidda sumaruanna si mangitou.

WATTI'U MANGA RASUL 5:27

Manga rasul udde niapidda sinumutta sinumaruanna mallaṛṛuungnga. See imam wahewa namarikissa si mangitou.

WATTI'U MANGA RASUL 6:12

Ete aroddi i mangitou mapawawul᷊o manga taumata, wuṛṛu manga piaṛṛa'u Yahudi, wuṛṛu manga hurun agama. See i mangitou inaite nanametta si Stefanus, wua'udde i tou niapidda sinumaruanna Mallaṛṛuungngu Agama.

WATTI'U MANGA RASUL 6:15

Awada'alla apan uasemodda sulal᷊ummu ammul᷊annu Mallaṛṛuungngu Agama udde nanutudda si Stefanus. Wuṛṛu su tempo udde hatin Stefanus aellehanna naal᷊ihidda hati mala'ekatta.

WATTI'U MANGA RASUL 7:37

Ete i tou lai Musa apan nabbisara su walahannu Israel, ‘Ruata sarun mangonggolla si yamiu sangkatou nabi apan nipile wuassu wallatti yamiu sassane, ere lai i Tou namile si ya'u.’

ROMA 12:10

Ṛinone manga tuṛṛangnga uararangngu sangkatou ringannu waine wuṛṛu uaa'akkanna ere manga taumata apan uasangkatuṛṛangnga sulal᷊ummu amonanna sambau, wuṛṛu ṛinone i yamiu ual᷊al᷊iu ṛoro mangonggolu addatta.

1 KORINTUS 6:10

apan manna'o, apan wal᷊iu, apan taṛṛa wu'anna, apan taṛṛa umbilangngu taumata waine, wuṛṛu taṛṛa l᷊inga taumata waine – anambon taumata ereudde, tawe maola'a al᷊aṛṛana'u Ruata.

1 KORINTUS 6:6

Arawe anio sangkatou taumatan Saṛṛani inai ringannu taumata wal᷊ine Saṛṛani mangalaen pabbawawul᷊one ringannu tuṛṛangnge Saṛṛani lai!

TAHIUL᷊E 15:11

Su ammul᷊annu taumatan Israel sidutu sarun pia siri pira taumata asiangnga wuṛṛu pia auranganne. Ana waugu udde i ya'u mandolokki yamiu tadea'u masambiolo si mangitou.”

TAHIUL᷊E 16:18

“Su al᷊awo'u soa apan nionggolu Mawu Ruatanu si yamiu, i yamiu ṛinone mamile manga mallaṛṛuunga wuṛṛu manga mamanarane waine ipakkungngu tumana'u soa ringannu atatul᷊idda.

1 TESALONIKA 4:6

Sulal᷊ummu olangnge ereudde, arie saran sangkatou ma'ola'a pasasal᷊a su tuṛṛangnge, ara'e mallinga. Dorone yami suete napaanaungnga ringannu atonna si yamiu, manungku Mawu sarun maṛṛuumannu manga taumata apan ma'ola'a manga pasasal᷊a ereudde.

TITUS 3:2

Wal᷊oa'a si mangitou tadea'u tawe mangal᷊uandaga ara'e matatiakku manga taumata, ewe'e mabbiakka masaṛṛionto'a. Ṛinone i mangitou sidutu masambiolo su saruannu anambon taumata.

IBRANI 12:25

Ana waugu udde, paatehamma arie ma'oman sara i yamiu maddiri maddaringikka si Tou apan mabbisara udde. I mangitou apan maddiri maddaringikka si Tou apan nirumanta su runia wuṛṛu namasingkatu watti'u Ruata, tawe maatal᷊angngu watanganne. Lembonete lai i ite indi apan uararingikka si Tou mabbisara wuassu surga! Amungkangu i ite maddiri maddaringikka si Tou, i ite tawe maatal᷊angnga wuassu ṛuumanna!

IBRANI 5:9

Ne napawe i Tou niola'a mananal᷊amatta apan nasuungnga, i Tou naola'a punnu asasal᷊amatta saran mal᷊annu-l᷊annu hunane su anambon taumata apan matuṛṛuta si Tou,

YAKOBUS 2:20

I yamiu tumaniten woddo! Apa wotonge iapaasilo si yamiu manungku tawe gunane pia pangangimanna wuṛṛu tawe pallal᷊agu?

YAKOBUS 3:6

Lila nassul᷊ungu putungnga. Su wadangi ite, i tou naola'a punnu al᷊al᷊eo apan mannal᷊iawukku al᷊al᷊eo su ahewallu wadangi ite. Ringannu putungnga apan darantane wuassu naraka, i tou nanutungnga ahewallu wiakki ite.

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.

1 PETRUS 3:9

Arie mabbal᷊issu al᷊al᷊eo ringannu al᷊al᷊eo, ara'e lal᷊ela wal᷊isannu lai lal᷊ela; arawe wal᷊isete ringannu maddorongnga al᷊amatta wuassu Ruata. Ana waugu Ruata namaggo si yamiu tadea'u i yamiu manengkamma al᷊amatta wuassi Tou.

1 YOHANES 2:9

Taumata apan nabbisara manungku i tou sulal᷊ummu asasemakka arawe taumata udde ta'e maddantinu tuṛṛange, taumata udde ta'e su ararandumma sara orassa indi.

1 YOHANES 3:10

Ete indi papaṛṛalane wuassu alaṛṛana'u Ruata wuṛṛu al᷊aṛṛana'u Setanna: suapan taumata apan tawe tumuṛṛutta apulun Duata, ara'e tawe mandangngu tuṛṛange, i tou wal᷊ine ana'u Ruata.

1 YOHANES 5:16

Amungkangu i yamiu naasilo sangkatou sansul᷊ungnga taumatan Saṛṛani ma'ola'a rosa apan tawe maaola'a taumata udde awul᷊iannu wiakka tutune wuṛṛu saran mal᷊annu-l᷊annu, ṛinone i yamiu umal᷊iomanna su Ruata; ne Ruata sarun mangonggolu wiakka udde si tou. Indi matataṛṛino si mangitou apan rosane tawe maawul᷊in wiakki mangitou udde. Arawe pia lai rosa apan maawul᷊in wiakka udde su taumata. Su olangnge udde i ya'u tawe mabbisara manungku i yamiu ṛinone umal᷊iomanna su Ruata.

YUDAS 1:9

Mikhael sassane, apan naola'a tembonannu manga malaekatta, tawe pallal᷊agu ereudde. Su tempo i tou natatiakku Setanna sulal᷊ummu pabbawawul᷊o su ola'u isai apan naasomba winal᷊unanni Musa, Mikhael tawe waṛṛani makkuumannu Setanna ringannu wisara ipangngadio'a. Mikhael tumba'u nabbisara, “Mawu sarun mamul᷊o si'o”!

SONDAPPA 20:14

Wua'udde Papate wuṛṛu Runiam Papate tinuntunga sulal᷊ummu tahal᷊oangngu putungnga. (Tahal᷊oangngu putungnga indi eteudde papate aruane.)