MATIUS 5:19 - WUKE SUSI WATTI'U AL᷊AL᷊USASSA

¹⁹ Ana waugu udde, isai-sai tawe tumuṛṛutta manga parenta udde, manimbe parenta addio'anne, wuṛṛu mangngaṛṛa'a taumata waine ma'ola'a aroddi lai, sarun maola'a addio'anne su wallattu al᷊aṛṛana'u Ruata. Arawe isai-sai apan tuttuṛṛutta manga parenta udde, wuṛṛu mangngaṛṛa'a taumata waine ma'ola'a aroddi lai, sarun maola'a wahewa su wallattu al᷊aṛṛana'u Ruata.

MATIUS 5:19 Iomraidhean Croise

DARALO 119:128

Ana waugu udde i ya'u mabbiakka uasul᷊ungngu anambon tatantiro-Nu, pallal᷊aghu apan wengkolla ipabbinsi'u.

DARALO 119:6

Amungkangu i ya'u manutukka anambon parenta-Nu, ne i ya'u tawe pansilianna.

DANIEL 12:3

Manga piaṛṛa'a apan pande sarun lumansiangnga ere semakku langitta. Wuṛṛu i mangitou apan buatte nanantiro manambo taumata tadea'u ma'ola'a apapia wuṛṛu atatul᷊idda, sarun lumansiangnga ere manga anumpitanna saran mal᷊annu-l᷊annu.”

MATIUS 11:11

Naunge! Su runia indi taambe sangkatou taumata nangillembo wuassi Yohanes Mananaṛṛani. Salaiwe aroddi taumata apan addio'anne wuassu wallattu al᷊aṛṛana'u Ruata, nanampal᷊iu wuassi Yohanes.

MATIUS 19:28

Mawu Yesus nabbisara si mangitou, “Pangimante: Su Runia apan Bakku, Ana'u Taumata sarun uma'ianna su adderan araratuanna apan mawantuga. Su tempo udde i yamiu mallal᷊aṛṛenggeng-Ku sarun uma'ianna su mapul᷊o dua adderan araratuanna wuṛṛu makkuungnga mapul᷊o dua walahannu Israel.

MATIUS 20:26

Arawe i yamiu tawe wotongnge aroddi. Arawe taumata apan maapulu maola'a wahewa su wallatti yamiu, ṛinone maola'a mangangimbenu.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

LUKAS 1:15

I tou sarun maola'a taumata mapia su aellegu Mawu, wuṛṛu i tou tawe ma'inumma anggore ara'e inumanna ma'awu'anna. Ro'en inasungkangnge i tou aintaṛṛoanten Ghaṛṛahon Ruata.

LUKAS 11:42

Nasilakate i yamiu manga taumatan Farisi! Wuan sinuanannu ere salasih wuṛṛu inggu wuṛṛu rampa-rampa waine, i yamiu mangngagillu sambageanganna su Ruata, arawe atatul᷊idda wuṛṛu darangngu su Ruata tawe ia'ola'i yamiu. Sumbal᷊i eteudde ṛinone olaanni yamiu, ringannu tawe manantangngu atoranna waine lai.

LUKAS 9:48

See i Tou nabbisara manga mallal᷊aṛṛenggen-Ne, “Taumata apan manarimmattu ana'a indi ana waugu i Ya'u, udde ere lai manarimmatta si Ya'u. Wuṛṛu taumata apan manarimmatti i Ya'u manarimmatti Tou lai apan nandolo-U. Ana waugu taumata apan adio'anne su wallatti yamiu, ete i tou apan ahewal᷊anne!”

WATTI'U MANGA RASUL 1:1

Teofilus apan ma'imanna, Sulal᷊ummu wuke'u paarorone sueten ta'u tinal᷊a'a sarangkanambone apan niola'a wuṛṛu niaṛṛa'u Mawu Yesus ro'en i Tou nanattakku manara-Ne,

ROMA 3:8

Wuṛṛu anio i ite tawe wotongnge mabbisara, “Mappianne i ite ma'ola'e al᷊al᷊eo tadea'u lumiatta'e apapia?” Atonna pia manga taumata apan mangngadio'a si ya'u ringannu mabbisara manungku i ya'u suete nabbisara aroddi. Manga taumata ereudde ṛinone iṛṛuumannu Ruata.

ROMA 6:1

Amungkangngu aroddi, apa apan sarun iwisarang kite? Ṛinonewe i ite sidutu ma'ola'a rosa, tadea'u Ruata lembo mandangngu si ite?

ROMA 6:15

Orassa indi apa panginsueanne? Wotongnge i ite ma'ola'a rosa ana waugu i ite tate su parenta titan agama Yahudi, ewe'e su al᷊ungngu taṛṛinon al᷊amattu Ruata? Atonna-tonna tawe!

TAHIUL᷊E 12:32

Tuṛṛutte sarangkanambone apan ta'u nirolokka si yamiu; arie pattambai ara'e hainganna.

TAHIUL᷊E 27:26

‘Niawontohante taumata apan tawe tumuṛṛutta tita wuṛṛu al᷊aṛṛa'u Mawu Ruata ringannu pallal᷊aggu.’ ‘Amin!’ ”

1 TIMOTIUS 6:11

Arawe ete i'o taumata tatahuanannu Ruata, nariaddi i'o ṛinone mangindaun sarangkanambone udde. Padea'a maola'a taumata mapia su aellegu Ruata, apan mattaṛṛamawu Ruata, mangngimanna si Kristus, mandangngu sansul᷊unge, masabare sulal᷊ummu asasusa, wuṛṛu masaṛṛionto'a.

TITUS 3:8

Wisara indi atonna-tonna. I ya'u maapulu i'o mangaṛṛa'u olangnge indi, tadea'u manga taumata apan mangngimanna Ruata atonna-tonna maddea'a ma'ola'a manga manara apan mapia wuṛṛu mahuna su anambon taumata.

1 PETRUS 5:4

Wuṛṛu su tempo Mallal᷊u'adda Mawantuga udde rumanta apia, i yamiu sarun manengkamma mahkota apan mal᷊endapa wuṛṛu tawe mawulle sal᷊endamme.

1 YOHANES 3:4

Taumata apan ma'ola'a rosa, nilumawangnga titan Duata; ana waugu rosa uddewe lal᷊awangnga su titan Duata.

SONDAPPA 2:20

Arawe indi sasimba-U si yamiu: I yamiu nangonggolu naungnga si Izebel, wawine apan mangnga'u watanganne daroloṛṛannu Ruata udde. Manambote manga allang-Ku niawusuanne wuṛṛu niaṛṛaanna sussandaga wuṛṛu u'anna anna apan suete pinassubba paal᷊uanna.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.