MATIUS 5:11 - WUKE SUSI WATTI'U AL᷊AL᷊USASSA

¹¹ Lal᷊umanna'a si yamin amungkangngu iapaasal᷊a, sassansaranna, wuṛṛu aaddio'anna ana waugu i Ya'u.

MATIUS 5:11 Iomraidhean Croise

DARALO 35:11

Manga matatiala lal᷊eo dirumarisikka lumawangnga si ya'u, wuṛṛu nangansilla manungku i ya'u na'ola'a manga inolaanna apan awaganangku.

DARALO 44:22

Ruata sarun maasingkata, ana waugu i Tou maatutukka addapingu naungngi yami.

YESAYA 25:8

Mawu Apan Lembontaṛṛino sarun makkimunsa'a papate saran mal᷊annu-l᷊annu! I Tou sarun mamedda allo mata wuassu al᷊awo'u hatin taumata, wuṛṛu mapaaraun asasusa apan papasannanannu uman-Ne su ahewallu runia. Mawu buatte nabbisara, wuṛṛu olangnge udde sarun mariaddi.

YESAYA 51:7

Paddaringikke si Ya'u, ei pabbawala-Ku, i yamiu masingkattu apa apan naṛṛino; al᷊aṛṛa-U sasahipunanna sulal᷊ummu naungngu. Arie paata'utta amungkangngu i yamiu eetannu taumata, arie passinggawanga amungkangngu i yamiu al᷊uandahanni mangitou.

YESAYA 66:5

Paddaringikke apa apan iwabbisara Mawu, ei i yamiu apan matta'utta wuṛṛu matuṛṛutta si Tou, “Ana waugu i yamiu satia si Ya'u, pia suwallattu walahannu apan maddantinni yamiu, wuṛṛu maddiri massagal᷊omang kamiu. I mangitou mangngal᷊uandaga si yamiu ringannu mabbisara, ‘Wala'e Mawu mapal᷊iatta'u awawantu-Ge, tadea'u i yami maasilo al᷊al᷊uassi yamiu.’ Arawe ete i mangitou sassane apan maasomba asasili.

YEREMIA 37:14

I ya'u nabbal᷊issa, “Tawe aroddi! I ya'u tawe pandumma tumal᷊angnga su samba'an seetta.” Arawe i Yeria maddiri maddaringikka. I tou nanametta wuṛṛu nangapi'u sinumaruanna manga tembonannu araratuanna.

MATIUS 10:18

I yamiu sarun iapidda su saruannu manga tembonanne wuṛṛu mararatu ana waugu i yamiu mallal᷊aṛṛenggeng-Ku. Wuṛṛu eteudde tempong kamiu mangagillu tatiala su ola'u riri'U si mangitou wuṛṛu su manga taumata apan tawe maaillal᷊a Ruata.

MATIUS 10:22

I yamiu sarun ia'arantinnu anambon taumata ana waugu i yamiu mallal᷊aṛṛenggeng-Ku. Arawe taumata apan matataṛṛangnga ma'oman sara panginsueanne sarun iapaaralukka.

MATIUS 10:25

Naṛṛinote amungkangngu sangkatou ana'a si'ol᷊a maola'a ere hurune, wuṛṛu sangkatou mangangimbe maola'a ere mawune. Amungkangngu pa'ihaguranganna su wal᷊e aranne ete nisaggo Beelzebul, lembonete lal᷊oṛṛon bal᷊ene. I mangitou sarun onggol᷊annu aranna aral᷊eoane lai!”

MATIUS 10:39

Taumata apan tumba'u mattinau wiakke, sarun awul᷊iannu wiakke, arawe taumata apan awul᷊iannu wiakke ana waugu tuttuṛṛutta si Ya'u, sarun maasomba wiakke.”

MATIUS 19:29

Wuṛṛu manga taumata apan suete nanantangngu wal᷊ene, ara'e tuṛṛangnge esakka ara'e wawine, ara'e inangnga iamangnga, ara'e manga al᷊aṛṛanangnge ara'e wawail᷊anne ana waugu i Ya'u, taumata udde sarun manengkamma apia paaṛṛasutta su wageangnge. Wuṛṛu i tou sarun manengkamma lai wiakka tutune ma'oman sara mal᷊annu-l᷊annu.

MATIUS 24:9

Wua'udde i yamiu sarun sametanna wuṛṛu itantilla iapasansara wuṛṛu pateanna. Ahewallu runia sarun marantinni yamiu, ana waugu i yamiu mallal᷊aṛṛenggeng-Ku.

MATIUS 27:39

Manga taumata apan sinumabbi isudde mangke uapapa'ilingnga wuṛṛu mangngaddio'a Mawu Yesus.

MARKUS 13:13

I yamiu sarun iarintinnu anambon taumata ana waugu yamiu mallal᷊aṛṛenggeng-Ku. Arawe taumata apan matataṛṛangnga ma'oman sara panginsueanne sarun masal᷊amatta.”

MARKUS 13:9

I yamiu ṛinone paatehamma, ana waugu yamiu sarun sametanna wuṛṛu parikisanna su saruannu mallaṛṛuungnga. I yamiu sarun puul᷊anna su manga wal᷊em pattataṛṛamawuanna. I yamiu sarun parikisanna sumaruanna manga tembonanne wuṛṛu manga ratu ana waugu i yamiu mallal᷊aṛṛenggeng-Ku. Wuṛṛu eteudde temponu manganggillu tatiala su ola'u riri-U si mangitou.

MARKUS 4:17

Arawe watti'a udde tawe nakkamutta sulal᷊ummu naungngi mangitou, na'oman sara tawe nataṛṛangnga mal᷊annu. Aroddi i mangitou natataṛṛangnga asasusa ara'e pandal᷊al᷊eo ana waugu watti'a udde, lapiddu i mangitou nassinaaddu Ruata.

MARKUS 8:35

Ana waugu taumata apan mannahekku wiakku ririne, sarun awul᷊iannu wiakke. Arawe taumata apan mannantillu wiakke ana waugu i Ya'u wuṛṛu Watti'u Al᷊al᷊uassa wuassu Ruata, sarun masal᷊amatta.

LUKAS 21:12

Arawe tantal᷊anna sarangkanambone udde taambe nariaddi, i yamiu sarun sametanna wuṛṛu sansaranna. I yamiu sarun parikisanna su manga wal᷊e pattataṛṛamawuanna wuṛṛu itaṛṛo su tuttupanna. Wuṛṛu i yamiu sarun iapidda su saruannu mararatu wuṛṛu manga tembonanne, ana waugu i yamiu mallal᷊aṛṛenggeng-Ku.

LUKAS 21:17

I yamiu sarun iarantinnu manga taumata ana waugu i yamiu mallal᷊aṛṛenggeng-Ku.

LUKAS 6:22

Lal᷊umanna'a i yamiu amungkangngu ia'arantinna, ia'adiri, a'adio'anna wuṛṛu hagal᷊usaanna ana waugu Ana'u Taumata!

LUKAS 9:24

Ana waugu taumata apan mannahekku wiakke, sarun awul᷊iannu wiakke udde. Arawe taumata apan mannantillu wiakke ana waugu apulu-U, i tou sarun masal᷊amatta.

YOHANES 15:21

Sarangkanambone udde sarun olaanni mangitou si yamiu, ana waugu i yamiu mallal᷊aṛṛenggeng-Ku, ana waugu i mangitou tawe maaillal᷊a si Tou apan nandolo-U.

YOHANES 9:28

See i mangitou nallela si tou wuṛṛu nabbisara, “Ete i'o mallal᷊aṛṛenggen-Ne; wal᷊ine i yami! I yami mallal᷊aṛṛenggenni Musa.

WATTI'U MANGA RASUL 9:16

Wuṛṛu i Ya'u sassane sarun mapaal᷊iatta'u anambon asasusa apan ṛinone apendamanni tou ana waugu i Ya'u.”

ROMA 8:36

Sulal᷊ummu Wuke Susi uawoṛṛetta arendi, “Su al᷊o'engngu allo i yami mabbiakka uasaruanna papate ana waugu I'o Mawu. I yami niola'a naal᷊ihida ere domba apan ṛatante.”

1 KORINTUS 4:10

Ana waugu Kristus, ete i yami indi taumata woddo, wuṛṛu i yamiu taumatan Saṛṛani apan pande! I yami lome, i yamiu matohassa, i yami aal᷊uandahanna, wuṛṛu i yamiu raddaloanna!

2 KORINTUS 4:11

Su al᷊o'engngu allo i yami mabbiakka, i yami sidutu ia'umpangngu papate ana waugu Kristus, tadea'u ringannu aroddi wiakki Kristus lai wotongnge lumiatta'a su wadangngi yami apan marosa indi.

FILIPI 1:29

Ana waugu Ruata suete nangonggolu al᷊amatta si yamiu, wal᷊ine tumba'u ipangimanna si Kristus, arawe lai matataṛṛangnga asasusa ana waugu Kristus.

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.

1 PETRUS 4:14

I yamiu naauntungnga amungkangu i yamiu aal᷊uandahanna ana waugu i yamiu mallal᷊aṛṛenggenni Kristus. Udde atappasanne Ghaṛṛaho apan mawantuga, eteudde Ghaṛṛahon Duata udde sulal᷊ummu naungngu.

SONDAPPA 2:3

I yamiu masabare wuṛṛu i yamiu uatataṛṛanga ana waugu i Ya'u, wuṛṛu naungngi yamiu tawe maadio'a.