MATIUS 5:1 - WUKE SUSI WATTI'U AL᷊AL᷊USASSA

¹ Su tempo Mawu Yesus naasilo taumata nambo udde, i Tou sinumaate su wuidda. Napawe i Tou ua'iante, manga mallal᷊aṛṛenggen-Ne nirumanta ringanni Tou,

MATIUS 5:1 Iomraidhean Croise

MATIUS 13:2

Manambo atonna taumata uaammulla mamal᷊iwutta Mawu Yesus, ana waugu udde i Tou inaite inuma'ianna su saalanna, arawe taumata nambo udde pasirarisikka su apanne.

MATIUS 15:29

Mawu Yesus nanantangken tampa udde, see sinumallete su apannu Ranon Galilea. Wua'udde i Tou sinumaate su sambau wuidda see inuma'iante isudde.

MATIUS 4:25

Manambo atonna taumata apan tinumantalongnga Mawu Yesus su tempo udde. Piaddu nirumanta wuassu Galilea, pia lai wuassu Mapul᷊o Soa, wuassu Yerusalem, wuassu Yudea, wuṛṛu pia lai wuassu wanua su samba'an Yordan.

MATIUS 5:2

see i Tou nanattakke mangngaṛṛa'a si mangitou:

MARKUS 3:13

Wua'udde Mawu Yesus sinumaate su sambau wuidda, wuṛṛu namagote manga taumata apan pappanduman-Ne. Manga taumata udde nirumanta,

MARKUS 3:20

Wua'udde Mawu Yesus napul᷊ete su wal᷊e. Arawe taumata nambo nirumanta lai na'ammulla, na'oman sara Mawu Yesus wuṛṛu mallal᷊aṛṛenggen-Ne tawe naa'anna.

MARKUS 4:1

Mawu Yesus mangngaṛṛa'a lai su winggin Ranon Galilea. Manambo atonna taumata uapal᷊iwutta si Tou. Ana waugu udde i tou inaite inuma'ianna sulal᷊ummu saalanna apan ual᷊allatto, wuṛṛu taumata nambo uarisikka su winggin dano.

LUKAS 6:12

Su tempo udde Mawu Yesus sinuma'ate su sambau wuidda ana see inumal᷊iomanna. Isudde i Tou inumal᷊iomanna su Ruata su al᷊o'engngu ṛabbi.

LUKAS 6:17

Wua'udde Mawu Yesus sinumossokke wuassu wuidda su sampunna ringannu manga rasul udde, see natta'alla wuṛṛu dirumarisikka su sambau tampa ratakke. Isudde pia lai sambau ammul᷊annu manga mallal᷊aṛṛenggenna waine wuṛṛu manambo lai taumata rudanta wuassu anambon tampa su ahewallu leta'u Yudea, Yerusalem, wuṛṛu manga soan Tirus wuṛṛu Sidon su winggin tahal᷊oangnga.

LUKAS 6:20

Mawu Yesus nanutudda mallal᷊aṛṛenggen-Ne see nabbisara, “Lal᷊umanna'a i yamiu manga taumata asiangnga, ana waugu ete i yamiu udde lal᷊oṛṛon araratuannu Ruata!

LUKAS 9:28

Iraṛṛangngo sangkamisa wuassu tempo Mawu Yesus nangaṛṛa'u sarangkanambone udde, i Tou nangapidden Petrus, i Yohanes wuṛṛu i Yakobus su sambau wowone inai umal᷊iomanna.

YOHANES 6:15

Mawu Yesus masingkatte i mangitou nirumanta tuddane mamata'i Tou maola'a ratu mangitou. Ana waugu udde i Tou inaite nassal᷊iu watukku wageangnge pia wuidda.