MATIUS 4:5 - WUKE SUSI WATTI'U AL᷊AL᷊USASSA

⁵ Wua'udde Setanna nangapiddu Mawu Yesus watukku Yerusalem, soa na'ukkassa, wuṛṛu nangadoten Tou su wowon sal᷊awon Wal᷊e Mawu.

MATIUS 4:5 Iomraidhean Croise

2 TAWARIKH 3:4

Al᷊o'engngu wabbo'a su saruanne nassul᷊ungngu al᷊alakku wal᷊en udde, eteudde 9 metere. Atanggakke 54 metere. Su wageangngu lal᷊ummu wabbo'a nioossu wul᷊awanna tutune.

NEHEMIA 11:1

Manga piaṛṛa'a namanuate su Yerusalem wuṛṛu tumana'a nandammen undi ipamile sambau amonanna wuassu suapan mapul᷊o amonanna apan ṛinone matana'a su soa susi Yerusalem. Apan tawe niapile wotongnge matana'a su manga soa waine.

YESAYA 48:2

Salaiwe aroddi, i'o mangnga'u ringannu mal᷊uassa manungku i'o tumana'u soa na'ukkassa; wuṛṛu manungku i'o uaantimma Ruatan Israel apan isassaggo Mawu Apan Lembontaṛṛino.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

DANIEL 9:16

I'o buatte nanahekki yami sutempon dorone, ana waugu udde ariete masa'u apia su Yerusalem, soa-Nu sassane, wuiddu Mawu apan susi. Ana waugu rosan kami wuṛṛu al᷊al᷊eo na iupungngu al᷊amonan kami, ne anambon taumata maranin kami mangngaddio'a Yerusalem wuṛṛu uman-Nu.

DANIEL 9:24

Pitu ikali pitun pul᷊o su tonnane eteudde tempo apan nitantunnu Ruata ipamallossu walahannu wuṛṛu soanu apan susi udde wuassu rosa wuṛṛu al᷊el᷊eo. Al᷊awo'u rosa sarun ampunganna wuṛṛu atatul᷊idda apan saran mal᷊annu-l᷊annu sarun iaparisikka, na'oman sara sondappa wuṛṛu ramalanna udde sarun asingkatanna, wuṛṛu Wal᷊en Mawu apan susi udde sarun pattaṛṛamawuanna apia su Mawu.

MATIUS 27:53

I mangitou sinumabangnga wuassu manga lal᷊abinganna napawe Mawu Yesus nabangunte wuassu papate, wuṛṛu i mangitou sinumuttate su Yerusalem. Wuṛṛu poiaroddi manambo taumata naasilo si mangitou.

LUKAS 4:9

See Setanna nangapidde Mawu Yesus watukku Yerusalem wuṛṛu nangadon Tou su sal᷊awom Bal᷊e Mawu wuṛṛu nabbisara si Tou, “Amungkangngu I'o Ana'u Ruata, tumpate I'o wua isindi.

YOHANES 19:11

Mawu Yesus sinumimbakka, “Amungkangngu Ruata tawe mangonggolu taṛṛino udde si'o, i'o atonna-tonna tawe taṛṛino su riri-U. Ana waugu udde taumata apan nanantillu riri-U si'o, magewal᷊anna rosane wuassu rosanu.”

SONDAPPA 11:2

Arawe arie manguukka rallaka su samba'an liuddu Wal᷊e Mawu udde, ana waugu wageangnge udde suete tinantilla su manga taumata apan tawe maaillal᷊a Mawu. I mangitou sarun maṛṛinda soa apan susi udde appatu pul᷊o dua su wul᷊anne al᷊annune.