MATIUS 4:23 - WUKE SUSI WATTI'U AL᷊AL᷊USASSA

²³ Su Galilea, Mawu Yesus namal᷊iwutte ahewallu wanua wuṛṛu mangngaṛṛa'a su anambon bal᷊em pattataṛṛamawuanna. I Tou mabbatti'u Watti'u Al᷊al᷊uassa manungku Ruata sarun mamarenta. Wuṛṛu i Tou lai mapaapian manga taumata apan maradda'a wuṛṛu pia sangkulle.

MATIUS 4:23 Iomraidhean Croise

DARALO 103:3

I Tou apan nangampungnga anambon rosanu, apan nangapia al᷊awo'u raddangu,

DARALO 74:8

I mangitou maapulu mapasuṛṛubbawan kami, wuṛṛu nanoṛṛobba anambon tampa patataṛamawuanna su wanua indi.

MATIUS 11:5

Taumata wuta naasilo, taumata lome naa'amatta, taumata raddangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapasingkatta su manga taumata asiangnga.

MATIUS 12:9

Mawu Yesus nanantangken tampa udde see inaite su sambau wal᷊em pattataṛṛamawuanna.

MATIUS 13:19

Wualanna apan nanawo su lal᷊anna isassumandingnga su taumata apan naaringikka watti'u Ruata mamarenta, arawe i tou tawe naasunna. Setanna udde nirumanta wuṛṛu nangaṛṛo wualanna apan suete niasi'a sulal᷊ummu naungngi mangitou.

MATIUS 13:54

see nabelengke su wanua-Ne. Poi sindi i Tou mangngaṛṛa'a su wal᷊em pattataṛṛamawuanna, wuṛṛu manga taumata apan maddaringikka si Tou isudde, mangke naherangnga. I mangitou nabbisara, “Wuassu apa taumata indi naasomba apande ereudde? Wuṛṛu wuassu apa i Tou naasomba taṛṛino ma'ola'a al᷊aṛṛindu'a udde?

MATIUS 14:14

Su tempo Mawu Yesus nilumintukka wuassu saalanna wuṛṛu naasilote taumata manambo udde, i Tou inumakkanni mangitou. See i Tou napaapian manga taumata maradda'a su wallatti mangitou.

MATIUS 24:14

Wuṛṛu Watti'u Al᷊al᷊uassa su ola'u ereapa Ruata mamarenta sarun iapasingkatta su ahewallu runia, tadea'u anambo n taumata maddaringikka. Wua'udde rumantate kiamatta.”

MATIUS 3:2

“Awal᷊ute wuassu manga rosanu,” wisarane, “ana waugu Ruata tate mal᷊annu lai mamarenta ere sangkatou Ratu!”

MATIUS 9:35

Aroddiwe Mawu Yesus inaite namal᷊iwutta wuassu soa sambau watukku soa waine wuṛṛu wuassu wanua sambau watukku wanua waine. I Tou mangngaṛṛa'a su manga wal᷊em pattataṛṛamawuanna, wuṛṛu mammasingkattu Watti'u Al᷊al᷊uassa su ola'u ereapa Ruata mamarenta ere sangkatou Ratu. I Tou mapaapian manga taumata apan uapendamma al᷊awo'u radda'a wuṛṛu sangkullu wadangnga.

MARKUS 1:14

Napawe i Yohanes niṛṛuumante, Mawu Yesus inaite su Galilea, wuṛṛu namasingkattu Watti'u Al᷊al᷊uassa wuassu Ruata poiaroddi.

MARKUS 1:21

Mawu Yesus wuṛṛu manga mallal᷊aṛṛenggen-Ne na'omate su soa Kapernaum. Su allon Sabatta manansunna, Mawu Yesus sinumutta su wal᷊em pattataṛṛamawuanna wuṛṛu nanattakke mangngaṛṛa'a.

MARKUS 1:39

Ana waugu udde Mawu Yesus inaite su al᷊awo'u tampa su ahewallu Galilea, wuṛṛu mannase su manga wal᷊em pattataṛṛamawuanna, see mallimbuakka manga ghaṛṛaho lal᷊eo.

MARKUS 3:10

I Tou napaapian taumata nambo, na'oman sara manga taumata marada'a uasasesse'a maddea'a tadea'u maa'agassa si Tou.

MARKUS 6:2

Su allon Sabatta i Tou nanattakke mangngaṛṛa'a su wal᷊em pattataṛṛamawuanna. Manambo taumata isudde. Su tempo manga taumata udde naaringikka al᷊aṛṛa'u Mawu Yesus, i mangitou mangke naherangnga. I mangitou nabbisara, “Wuassuapa taumata indi naasomba sarangkanambone udde? Apande ereapa indi si Tou? Ereapa i Tou wotongnge ma'ola'a al᷊aṛṛindu'a?

MARKUS 6:6

I Tou naherangnga i mangitou tawe mangngimanna. Wua'udde Mawu Yesus inaite su manga ampungnga maranine isudde, wuṛṛu mangngaṛṛa'a.

LUKAS 10:9

Paapia'a taumata apan marada'a su soa udde, wuṛṛu paasingkata'a su manga taumata isudde manungku, ‘Ruata mal᷊ihakke mamarenta ere sangkatou Ratu su pattangnganni yamiu.’

LUKAS 13:10

Su sambau allon Sabatta, Mawu Yesus mangngaṛṛa'a su wal᷊em pattataṛṛamawuanna.

LUKAS 16:16

Tita apan nionggolli Musa wuṛṛu al᷊aṛṛa'u manga nabi, sidutu ta'e ipappaatta na'oman sara tempon Yohanes Mananaṛṛani. Wuassu tempo udde Watti'u Al᷊al᷊uassa su ola'u ereapa Ruata mamarenta ere sangkatou Ratu sidutu iwabbatti'a. Wuṛṛu taumata mammata'en dirine tadea'u maola'a lal᷊oṛṛon araratuannu Ruata.

LUKAS 20:1

Su sambau allo, Mawu Yesus tantal᷊anna mangngaṛṛa'a wuṛṛu mabatti'u Watti'u Al᷊al᷊uassa wuassu Ruata su manga taumata sulal᷊ummu Wal᷊e Mawu. Manga imam tembonanne, wuṛṛu manga hurun agama su sambau ringannu manga piaṛṛa'u Yahudi, nirumanta

LUKAS 4:14

Wua'udde Mawu Yesus nabelengke watukku Galilea; wuṛṛu i Tou niintaṛṛoannu Ghaṛṛahon Ruata. Watti'a su ola'u watangan-Ne naddingikka su ahewallu wanua udde.

LUKAS 5:17

Su sambau allo, tantal᷊anna Mawu Yesus mangngaṛṛa'a, pia manga pirang katou taumatan Farisi wuṛṛu manga hurun agama ua'ianna isudde. I mangitou nirumanta wuassu Yerusalem, wuṛṛu wuassu manga soa su leta'u Galilea wuṛṛu Yudea. Taṛṛinon Ruata uaṛṛundinganna Mawu Yesus mapaapian taumata marada'a.

LUKAS 6:17

Wua'udde Mawu Yesus sinumossokke wuassu wuidda su sampunna ringannu manga rasul udde, see natta'alla wuṛṛu dirumarisikka su sambau tampa ratakke. Isudde pia lai sambau ammul᷊annu manga mallal᷊aṛṛenggenna waine wuṛṛu manambo lai taumata rudanta wuassu anambon tampa su ahewallu leta'u Yudea, Yerusalem, wuṛṛu manga soan Tirus wuṛṛu Sidon su winggin tahal᷊oangnga.

LUKAS 6:6

Su sambau allon Sabatta apan baine, Mawu Yesus inaite nangaṛṛa'a su wal᷊em pattataṛṛamawuanna. Isudde pia taumata limane lome samba'a.

LUKAS 7:21

Su tempo udde, Mawu Yesus napaapian taumata nambo, wuṛṛu nallimbuakka anambon ghaṛṛaho lal᷊eo see na'ola'a taumata wuta naasilo.

LUKAS 7:22

Nariaddi Mawu Yesus sinumimbakka, “Pabelengke ringanni Yohanes wuṛṛu wal᷊oa'a apa apan suete niaringiṛṛanna wuṛṛu niasiloanni yamiu: taumata wuta naasilo, taumata lome inumamatta, taumata radangnge paro napia, taumata wengella naaringikka, taumata nate nabbiakka apia, wuṛṛu Watti'u Al᷊al᷊uassa wuassu Ruata niapaasingkatta su taumata asiangnga.

LUKAS 8:1

Tawe nal᷊annu wua'udde, Mawu Yesus inaite su manga soa wuṛṛu manga ampungnga, ana mamasingkattu Watti'u Al᷊al᷊uassa manungku Ruata manattakke mamarenta ere sangkatou Ratu. Siri mapul᷊o dua mallal᷊aṛṛenggen-Ne uatantalongnga su sampunna ringanni Tou.

LUKAS 9:11

Arawe napawe manga taumata naasingkatta olangnge udde, i mangitou tinumantalongnga Mawu Yesus. I Tou nanarimmatti mangitou, see nabbatti'a si mangitou su ola'u ereapa Ruata mamarenta ere sangkatou Ratu. Wuṛṛu i Tou lai napaapian taumata marada'a su wallatti mangitou.

LUKAS 9:60

Mawu Yesus sinumimbakka, “Wala'e taumata nate mallabingngu taumatane nate sassane. Arawe i'o roote wuṛṛu wal᷊oa'e watti'a manungku Ruata mannattakke mammarenta.”

YOHANES 18:20

Mawu Yesus sinumimbakka, “I Ya'u sidutu mabbisara ringannu uahahati su saruannu awadaalla. I Ya'u sidutu mangngaṛṛa'a su manga wal᷊em pattataṛṛamawuanna wuṛṛu su Wal᷊e Ruata, su tampan taumatan Yahudi wiasane maammula. Taambe saran paassa i Ya'u mabbisara ringannu itattullampingnga.

YOHANES 6:59

Sarangkanambone udde niwisara Mawu Yesus su tempo i Tou mangngaṛṛa'a su wal᷊em pattataṛṛamawuanna su Kapernaum.

YOHANES 7:1

Wua'udde Mawu Yesus inaite su alawo'u tampa su Galilea. I Tou maddiri mabatukku leta'u Yudea ana waugu manga tembonannu Yahudi poiaroddi pia pandumma mamate si Tou.

WATTI'U MANGA RASUL 10:38

Yamiu masingkatta manungku Ruata suete namile Mawu Yesus taumata Nazaret udde wuṛṛu nangonggolu Ghaṛṛaho Ruata wuṛṛu taṛṛino si Tou. I yamiu masingkatta lai manungku Mawu Yesus u'amatta su al᷊awo'u tampa ma'ola'a apapia; i Tou mapaapian taumata apan niasuttannu Setanna, ana waugu Ruata uatantalongnga si Tou.

WATTI'U MANGA RASUL 18:4

Arawe suapan allon Sabatta, i Paulus inaite uahahatto su wal᷊em pattataṛṛamawuanna tadea'u manga taumatan Yahudi aroddi lai manga taumatan Yunani mangngimanna Mawu Yesus.

WATTI'U MANGA RASUL 20:25

I ya'u suete nattembo manga tuṛṛangnga sarangkanambone wuṛṛu suete namasingkatta lai su ola'u ereapa Ruata mamarenta ere sangkatou Ratu. Orassa indi ya'u mammendamma tate lai massomba manga tuṛṛangnga.

WATTI'U MANGA RASUL 28:31

Wuṛṛu ringannu waṛṛani tou mabatti'a si mangitou su ola'u ereapa Ruata mamarenta ere sangkatou Ratu wuṛṛu su ola'u Mawu Yesus Kristus. I Paulus nabbatti'u udde ringannu tawe gal᷊ahene wuṛṛu tawe mangngangul᷊a'ukke.

ROMA 10:15

Wuṛṛu ereapa taumata wotongnge mangapiddu watti'a udde amungkangngu i mangitou tawe nirolokka? Sulal᷊ummu Wuke Susi uawoṛṛetta arendi, “Apiawe eteapa daranta manga taumata apan uaapiddu Watti'u Al᷊al᷊uassa wuassu Ruata!”