MATIUS 4:19 - WUKE SUSI WATTI'U AL᷊AL᷊USASSA

¹⁹ Mawu Yesus nabbisara si mangitou, “Wette tantalongke si Ya'u. I Ya'u sarun mangaṛṛa'a si yamiu manoma taumata.”

MATIUS 4:19 Iomraidhean Croise

MATIUS 16:24

Wua'udde Mawu Yesus nabbisara su mallal᷊aṛṛenggen-Ne, “Taumata apan mallal᷊aṛṛenggenna si Ya'u, ṛinone tawe mannaungnga manarane, mamasanna arussane, wuṛṛu sidutu uatantalongnga si Ya'u.

MATIUS 19:21

Mawu Yesus nabbisara si tou, “Amungkangngu i'o ma'apulu maola'a taumata nasuungnga, roote wal᷊ua'e manga darotongngu. Onggol᷊a'e roinne su taumata asiangnga, wuṛṛu i'o sarun maasomba darotongnga su surga. Wua'udde rantate tantalongke si Ya'u!”

MATIUS 4:18

Su tempo Mawu Yesus u'amatta su apannu Ranon Galilea, i Tou naasilo ruang katou samakka, eteudde i Simon (apan isassaggo lai i Petrus) ringannu tuarine i Andreas. I mangitou tantal᷊anna mannoma inassa su rano udde.

MATIUS 4:20

I mangitou lapiddu nanantangngu soma, see tinumantalongke Mawu Yesus.

MATIUS 8:22

Arawe Mawu Yesus sinumimbakka, “Tantalongke si ya'u, wuṛṛu wala'e taumata nate mallabingngu taumatane nate udde sassane.”

MATIUS 9:9

Wua'udde Mawu Yesus nanantangken tampa udde. Tantal᷊anna u'amatta i Tou naasilo sangkatou maddarorongnga wose, aranne i Matius, tantal᷊anna ua'ianna su tampa mallal᷊uṛṛu wose. Mawu Yesus nabbisara si tou, “Wette tantalongke si Ya'u!” Ne i Matius nirumarisikke wuṛṛu tinumantalongke Mawu Yesus.

MARKUS 2:14

Tantal᷊anna Mawu Yesus u'aamatta isudde, i Tou naasilo sangkatou madarorongnga wose aranne i Lewi ana'i Alfeus, tantal᷊anna ua'ianna su wal᷊em pammanaranne. “Tantalongke si Ya'u,” unnu Mawu Yesus si tou. Ne i Lewi dirumarisikka wuṛṛu tinumantalongke Mawu Yesus.

LUKAS 5:27

Wua'udde Mawu Yesus sinumabbangke wuṛṛu naasilo sangkatou madarorongnga wose, aranne i Lewi, tantal᷊anna ua'ianna su tampan pammanaranne. Mawu Yesus nabbisara si tou, “Paṛṛundingante si Ya'u.”

LUKAS 9:59

See Mawu Yesus nabbisara su sangkatou waine, “Tantalongke si Ya'u.” Arawe taumata udde nabbisara, “Iamangnga wala'a i ya'u mapul᷊e asuene mallabingngu iamangku.”

YOHANES 1:43

Su allo tiṛṛabbine Mawu Yesus naṛṛawessa inai watukku Galilea. I Tou nassombam Filipus, wuṛṛu nabbisara si tou, “Wette tantalongke si Ya'u!”

YOHANES 12:26

Taumata apan maapulu mangimbe si Ya'u ṛinone tumantalongnga si Ya'u; tadea'u mangangimbe'u wotongnge su sambau ringang-Ku su tampa i Ya'u uatana'a. Taumata apan mangngimbe si Ya'u sarun addatannu Iamang-Ku.”

YOHANES 21:22

Mawu Yesus sinumimbakka, “Unnu wisara i Ya'u maapulu i tou matatana'a wiakka ma'oman sara i Ya'u rumanta apia, udde wal᷊ine manaranu. Arawe i'o tantalongke si Ya'u!”

2 KORINTUS 12:16

Ne, i yamiu nattatuṛṛutante manungku i ya'u tawe saran paassa napaasusan kamiu. Arawe piaddu mabbisara manungku i ya'u indi mangngapande; manungku i ya'u naasomba auntunganna wuassi yamiu ana waugu i ya'u mangngapande.