MATIUS 4:10 - WUKE SUSI WATTI'U AL᷊AL᷊USASSA

¹⁰ Mawu Yesus sinumimbakka, “Passal᷊iu i'o mamamono'a! Sulal᷊ummu Wuke Susi, uawoṛṛetta: Passubbate Mawu Ruatanu, wuṛṛu pangimbete si Tou sassane!”

MATIUS 4:10 Iomraidhean Croise

1 TAWARIKH 21:1

Setanna maapulu manilaka taumatan Israel; ana waugu udde i tou nassal᷊o'i Daud tadea'u ma'ola'a pandareengnga.

AYUB 1:12

Ne unnu Mawu si Mamamono'a, “Aroddite, walate i'o ma'ola'a sarangkanambone wuassu paa'alan Ayub, addiongnge i'o arie manansara si tou!” See inaite i Mamamono'a wuassu saruannu Mawu.

AYUB 1:6

Su allo sambau manga riadianna sussangngo su surga sinumaruanna Mawu, wuṛṛu i Mamamono'a isudde lai suwallatti mangitou lai.

AYUB 2:1

Manga riadianna su surga sinumaruanna Mawu apia, wuṛṛu i Mamamono'a isudde lai suwallatti mangitou.

DARALO 109:6

Pilete sangkatou taumata lal᷊eo iapaṛṛuungnga si tou, wala'e i tou iala'e manga ro'amme.

SASABANGNGA 23:25

Amungkangngu i yamiu massubba si Ya'u, Ruatanu, i yamiu sarun Ta'u al᷊amatannu anna wuṛṛu ua'e, wuṛṛu al᷊awo'u radda'a sarun Ta'u iapaarau wuassi yamiu.

YESAYA 30:22

Manga paal᷊uanna sassubbannu apan aoosannu sal᷊a'a wuṛṛu wul᷊awanna sarun irammen kami naal᷊ihidda sapadda, lapiddu mabbisara, “Paaraute wua dingangku!”

MATIUS 16:23

Mawu Yesus nanaile see nabbisara si Petrus, “Roote passal᷊iu wua isindi, Mamamono'a! I'o mannal᷊are si Ya'u. Ṛingiddu udde ṛingiṛṛannu taumata; wal᷊ine ṛingiṛṛannu Ruata!”

MARKUS 1:13

Appattu pul᷊o su allone i Tou isudde, wabono'annu Setanna. Manga winatangnga matengnga, isudde lai su sampunna ringanni Tou, wuṛṛu manga mala'ekatta sidutu lai mangngimbe si Tou.

LUKAS 10:18

Mawu Yesus sinumimbakka, “I Ya'u naasilo Setanna nanawo wuassu langitta naal᷊ihida sawallo.

LUKAS 11:18

Aroddi lai sulal᷊ummu araratuannu Setanna, amungkangngu sambageanganna mabawul᷊o ringannu wageangnge waine, araratuanna udde sarun mawinasa. I yamiu mabbisara manungku i Ya'u mallimbuakka ghaṛṛaho lal᷊eo ana waugu taṛṛinon Beelzebul.

LUKAS 13:16

Ne, orassa indi pia sangkatou wawine papapulunni Abraham, apan mapul᷊ote ual᷊u su tonnane al᷊annune aiitannu Setanna. Apa i tou tawe iapaapallossa wuassu aiitta udde su allon Sabatta?”

LUKAS 22:3

Wua'udde Setanna nangintaṛṛo si Yudas apan isassago lai Iskariot, eteudde sangkatou wuassu sire mapul᷊o dua mallal᷊aṛṛenggennu Mawu Yesus.

LUKAS 22:31

“Simon, Simon, paddaringikka! Setanna suete niwala mamono'a si yamiu; ere gandumma iṛṛae wuassu wal᷊a'ane na'oman sara apan mappianne iṛṛae wuassu apan dal᷊eo.

LUKAS 4:8

Mawu Yesus sinumimbakka, “Sulal᷊ummu Wuke Susi uawoṛṛetta, ‘Passubbate Mawu Ruatanu wuṛṛu tumba'u pangimbe si Tou sassane.’ ”

YOHANES 13:27

Napawe i Yudas nanengkamma roti udde, Setanna sinumuttate sulal᷊ummu naungnge. See Mawu Yesus nabbisara si tou, “Ola'e paal᷊ihakka apa apan sarun olaannu.”

WATTI'U MANGA RASUL 26:18

tadea'u i mangitou sumabangnga wuassu ararandumma wuṛṛu sumutta su asasemakka; tadea'u i mangitou mal᷊iu wuassu wawono'u Setanna, see mangngimante Ruata. Ne ringannu mangngimanna si ya'u, manga rosa mangitou sarun ampunganna wuṛṛu i mangitou sarun mareengnga su walahannu Ruata apan suete nipile.’ ”

WATTI'U MANGA RASUL 5:3

Ne i Petrus nabbisara si tou, “Ananias, anio i'o namalan Setanna namiaṛṛa'u naungngu, na'oman sara i'o nangawusu Ghaṛṛahon Ruata, ringannu mal᷊anna-l᷊annaba nama'ungnga roitta ipaannu sassane sambageanganna roitta la'unnu leta'a udde?

1 KORINTUS 5:5

i yamiu ṛinone manantillu taumata udde su Setanna, tadea'u wadangngu taumata udde mawinasa wuṛṛu ringannu aroddi ghaṛṛahone iapaasal᷊amatta su tempo Mawu rumanta apia.

1 KORINTUS 7:5

Arie sangkawinganna udde matatal᷊ei sangkatou ringannu waine. Wotonge ewe'e tumba'u tal᷊an kadio'a, sambal᷊iate udde apulun tarua. Ringannu aroddi sangkatou-sangkatou wotongnge umal᷊iomanna ringannu tawe limbane. Arawe wua'udde, ṛinone i yamiu mabawelengnga ere sangkawinganna. Amungkangngu tawe aroddi, yamiu wotongnge awono'annu ghaṛṛaho lal᷊eo, ana waugu i yamiu tawe maataṛṛangnga apulun runia.

2 KORINTUS 11:14

Tawe iaherangnga pallal᷊agu mangitou aroddi, ana waugu Setanna lai sassane mattingkaola'a naal᷊ihida ere mala'ekattu asasemakka!

2 KORINTUS 12:7

Arawe tadea'u i ya'u tawe tumaniten mamarabunga ana waugu aellega apan wahewalla udde, i ya'u nionggol᷊annu lihiddu radda'a su wadangku apan maola'a ahiddu Setanna. Radda'a udde nionggola ipamuulla si ya'u, tadea'u i ya'u tawe mamarabunga.

2 KORINTUS 2:11

I ya'u na'ola'a udde tadea'u Setanna tawe maapanganu tempone ipamarenta si ite, ana waugu i ite masingkatu manga pandumanne.

TAHIUL᷊E 10:20

Pangaddata Mawu Ruatanu wuṛṛu tumba'u pattaṛṛamawu si Tou sassane. Ṛinone i yamiu sidutu matuṛṛutta si Tou wuṛṛu massalu ringannu aran-Ne sassane.

YAKOBUS 4:7

Ana waugu udde, paatuṛṛutte Ruata wuṛṛu ro'apete Setanna, ne Setanna sarun tumal᷊angnga wuassi yamiu.

YOSUA 24:14

“Nariaddi, orassa indi,” unni Yosua nanassukku wisarane, “pangaddate Mawu. Pattaṛṛamawute si Tou ringannu naungnga mal᷊uassa wuṛṛu matammuda. Paaraua'a manga passasubba Mawu waine apan sassubannu iunpungngu al᷊amonanu tiwatta su Mesopotamia wuṛṛu su Mesir. Pattaṛṛamawute tumba'u su Mawu sassane.

1 PETRUS 5:9

Roopete i tou ringannu pangangimanna apan matohassa, ana waugu i yamiu masingkata manungku manga tuṛṛangnga sansul᷊ungnga Saṛṛani apan waine su ahewallu runia uatataṛṛanga lai ere i yamiu.

1 SAMUEL 7:3

Ana see i Samuel nabbisarate walahannu Israel, “Amungkangu i yamiu mabelengnga ringannu Mawu wuṛṛu massubba si Tou ringannu ahewallu naungngu, ṛinone i yamiu mandammen anambon monganna wakku, wuṛṛu paal᷊uanni Dewi Asytoret. Tantil᷊a'e watangannu sarangkanambone udde su Mawu wuṛṛu tumba'u pattaṛṛamawu si Tou sassane, ne i yamiu sarun ipallossu Mawu wuassu taṛṛinon taumatan Filistin.”