MATIUS 3:7 - WUKE SUSI WATTI'U AL᷊AL᷊USASSA

⁷ Manambo lai taumatan Farisi wuṛṛu Saduki nirumanta ringanni Yohanes maisaṛṛani. Arawe su tempo i tou naasilo si mangitou nirumanta, i tou nabbisara si mangitou, “I yamiu taumata lal᷊eo! Isai suete nabbal᷊o manungku i yamiu mal᷊iudda wuassu ṛuumannu Ruata apan sarun rumanta?

MATIUS 3:7 Iomraidhean Croise

PANDARIADDI 3:15

I'o wuṛṛu wawine udde sarun matatiakka, papapulunne wuṛṛu papapulunnu sidutu uasaseetta. Papapulunne sarun maṛṛimunsa'a puanu, wuṛṛu i'o sarun mangi'i paalli mangitou.”

AMSAL 28:4

Isai apan tawe mangareggan tita, mannamba'a taumata lal᷊eo; isai matuṛṛutta tita, lullawangnga taumata lal᷊eo.

YESAYA 59:5

Manga ṛiinni yamiu apan dal᷊eo mangngapiddu papate ere tallukku atoanna mawisa. Amungkangngu tallukka udde pesanganna, sumabbangke atoanne. Ṛiinna udde mangke tawe gunane si yamiu, naal᷊ihidda laubba apan niraddu'a wuassu sal᷊akku al᷊imbuwutta!

YEREMIA 51:6

Panal᷊amatte watangannu! Tal᷊angke wuassu Babel, arie i yamiu lai iapate ana waugu paddarosane! Ana waugu indete tempone i Ya'u mabbal᷊issa al᷊al᷊eon Babel, wuṛṛu makkuumanni tou uasul᷊ungngu inolaanne.

YEREMIA 6:10

I ya'u sinumimbakka, “Mawu, ete sisai i ya'u ṛinone maggahatto, wuṛṛu isai apan ṛinone ta'u iapanaungnga? I mangitou puane maattikka wuṛṛu maddiri maddaringikka. I mangitou mallage'u wuṛṛu maddantinnu tanata-Nu apan ta'u niwal᷊o si mangitou.

MATIUS 12:24

Su tempo manga taumatan Farisi naaringikka aroddi, i mangitou sinumimbakka, “Taumata indi tumba'u wotongnge mallimbuakka ghaṛṛaho lal᷊eo, ana waugu i Beelzebul, tembonannu manga ghaṛṛaho lal᷊eo, suete nangagillu taṛṛino udde si Tou.”

MATIUS 12:34

I yamiu taumata lal᷊eo, ereapa wotongnge i yamiu maasaggon al᷊awo'u inolaanna apan mapia amungkangngu i yamiu lal᷊eo? Apa apan niwisara moṛṛongnga udde sinumabangnga wuassu lal᷊ummu naungnga!

MATIUS 15:12

See manga mallal᷊aṛṛenggennu Mawu Yesus nirumanta wuṛṛu naiwal᷊o si Tou, “Iamangnga masingkatta manungku manga taumatan Farisi nasa'u su tempo naaringikka Iamangnga nabbisara aroddi?”

MATIUS 16:1

Pia manga pira taumatan Farisi wuṛṛu Saduki nirumanta ringannu Mawu Yesus, pandumanne mapaasal᷊an Tou. I mangitou maddorongnga si Tou ma'ola'a al᷊aṛṛindu'a ipattiala manungku atonna i Tou nirumanta wuassu Ruata.

MATIUS 16:6

Mawu Yesus nabbisara si mangitou, “Paariaga su ragin taumatan Farisi wuṛṛu Saduki.”

MATIUS 22:15

Wua'udde manga taumatan Farisi inaite ma'ire su sampunna su ola'u ereapa i mangitou wotongnge mapaasal᷊a Mawu Yesus ringannu manga aiwal᷊o.

MATIUS 22:23

Su allo udde lai, manga pira taumatan Saduki nirumanta ringannu Mawu Yesus. I mangitou udde wageangngu taumata apan pia adapanne manungku taumata nate tawe mabiakka apia.

MATIUS 22:34

Su tempo manga taumatan Farisi naaringikka manungku Mawu Yesus suete na'ola'a manga taumatan Saduki tawe naawisara saran addio'a, i mangitou naammulla.

MATIUS 23:33

I yamiu lal᷊eo wuṛṛu papapulunnu taumata lal᷊eo! Ereapa i yamiu wotongnge manal᷊amatta wadangngi yamiu wuassu ṛuumanna su naraka?

MATIUS 5:20

Nariaddi, naunge: I yamiu tawe maola'a al᷊aṛṛana'u Mawu, amungkangngu i yamiu tawe manampal᷊iu manga hurun agama wuṛṛu manga taumatan Farisi sulal᷊ummu ma'ola'a inolaanna ara'e apulun Duata.”

MARKUS 12:13

Manga pira taumatan Farisi wuṛṛu manga pira taumatan Herodes nirolokka maddea'a mapaasal᷊a Mawu Yesus ringannu manga aiwal᷊o.

MARKUS 12:18

Sire pira taumatan Saduki nirumanta ringannu Mawu Yesus. (I mangitou udde walahannu taumata pia addapatta manungku taumata nate tawe mabangunna apia.)

MARKUS 8:15

“Paatehamma su ragi manga taumatan Farisi wuṛṛu ragin Herodes,” unnu Mawu Yesus si mangitou.

LUKAS 16:14

Manga taumatan Farisi naaringikka al᷊awo'u wisara apan niwisara Mawu Yesus. See i mangitou nilumagen Tou, ana waugu i mangitou wal᷊iun roitta.

LUKAS 18:11

Taumatan Farisi udde nirumarisikka sassane wuṛṛu inumal᷊iomanna, ‘O Ruata, i ya'u maadiangkamanna Si'o, ana waugu i ya'u tawe ere taumata waine, apan wal᷊iu, taṛṛa l᷊inga ara'e masandaga. I ya'u ma'adiangkamanna ana waugu i ya'u tawe ere madarorongnga wose udde.

LUKAS 7:30

Arawe manga taumatan Farisi wuṛṛu manga hurun agama maddiri manengkamma ṛiinnu Ruata su wadangngi mangitou. I mangitou maddiri saṛṛanianni Yohanes.

YOHANES 1:24

Manga taumata apan nirolokku taumatan Farisi,

YOHANES 8:44

Ete Setanna iamangngu, wuṛṛu i yamiu tuttuṛṛutta apulun iamangngu. Ro'en panataṛṛanne Setanna udde taṛṛa pate. I tou taambe saran paassa manamba'a apapia, ana waugu tawe apapia si tou. Amungkangngu i tou mangawusu, udde naṛṛino ana waugu ete aroddi pallal᷊agune. I tou taṛṛa awusu wuṛṛu punnu al᷊awo'u awusu.

YOHANES 9:40

Manga pira taumatan Farisi naaringikka Mawu Yesus nabbisara aroddi, see i mangitou naiwal᷊o si Tou, “Pandumannu i yami indi lai wuta?”

WATTI'U MANGA RASUL 15:5

Arawe sire pira wuassu wageangngu Farisi apan suete nangngimanna, dirumarisikka wuṛṛu nabbisara, “Manga taumata walahanna waine apan nangngimante udde ṛinone sunatanna wuṛṛu ṛinone tumuṛṛutta Tita Musa.”

WATTI'U MANGA RASUL 20:31

Ana waugu udde paariagga! Paanaunge manungku tallu tonna al᷊annune ringannu anambon allommata, allo ṛabbi, ya'u tawe illol᷊one mangngaṛṛa'a awadaalla wuṛṛu si yamiu.

WATTI'U MANGA RASUL 26:5

Mal᷊annute i mangitou masingka'u. Wuṛṛu i mangitou maapulu, i mangitou wotongnge mabatti'a manungku ro'en paarorone i ya'u mabbiakka ere sangkatou taumatam Farisi ringannu tuttuṛṛutta al᷊awo'u atoranna apan tawe al᷊iuanna sulal᷊ummu agamang kami.

WATTI'U MANGA RASUL 5:17

Panginsueanne imam wahewa wuṛṛu anambo mallal᷊aṛṛenggenne, eteudde wageangngu manga taumatan Saduki mannattake lullawangnga ana waugu i mangitou pia naungnga lal᷊eo.

ROMA 1:18

Wuassu surga Ruata napaal᷊iatta'u asasa'u-Ne su anambon rosa wuṛṛu al᷊al᷊eon taumata, ana waugu al᷊al᷊eo mannal᷊are taumata ma'illal᷊a al᷊aṛṛa'u Ruata apan atonna.

ROMA 5:9

Orassa indi i ite naaukke apia ringannu Ruata sulal᷊ummu papaten Kristus; ana waugu udde sulal᷊ummete i ite masal᷊amatta lai wuassu asasa'un Ruata ana waugu Kristus.

1 TESALONIKA 1:10

I mangitou uahahatto lai su ola'u ereapa i yamiu mangngantimma darantan Ana'u Ruata wuassu surga, eteudde Mawu Yesus, apan suete niapaawiakku Ruata wuassu papate. Ete Mawu Yesus udde lai apan manal᷊amatta si ite wuassu asasa'un Duata apan sarun rumanta.

IBRANI 11:7

Ana waugu mangngimanna, ne i Nuh niapasingkatannu Ruata su ola'u apa apan sarun mariaddi su allo murine, apan tawe asiloanni tou. I Nuh tinumuṛṛuta Ruata na'oman sara i tou nallanginnu apalla apan sal᷊immurine niasingkatanna napanal᷊amatta wadangnge wuṛṛu lal᷊oṛṛon bal᷊ene. Ringannu aroddi runia niṛṛuumanna, arawe i Nuh sassane ana waugu pangangimanne niapaal᷊iatta'u Ruata ere sangkatou taumata apan mapia.

IBRANI 6:18

Darua inolaanna udde apan tawe wotonge mawal᷊u: Ruata tawe mangawusu su ola'u pa'aire wuṛṛu sasalu-Ne. Ana waugu udde, i ite apan uasirungke ringannu Ruata, nionggol᷊annu sasasa apan matohassa ipangagassa antimma apan uawilatta su saruanni ite.

1 YOHANES 3:10

Ete indi papaṛṛalane wuassu alaṛṛana'u Ruata wuṛṛu al᷊aṛṛana'u Setanna: suapan taumata apan tawe tumuṛṛutta apulun Duata, ara'e tawe mandangngu tuṛṛange, i tou wal᷊ine ana'u Ruata.