MATIUS 3:2 - WUKE SUSI WATTI'U AL᷊AL᷊USASSA

² “Awal᷊ute wuassu manga rosanu,” wisarane, “ana waugu Ruata tate mal᷊annu lai mamarenta ere sangkatou Ratu!”

MATIUS 3:2 Iomraidhean Croise

1 MARARATU 8:47

antimanna I'o maddaringikka aal᷊iomanni mangitou. Amungkangngu su wanua udde i mangitou manantangngu manga rosa mangitou, wuṛṛu umal᷊iomanna Si'o lapiddu manga'u manungku i mangitou buatte na'ola'a al᷊al᷊eo, daringiṛṛewe aal᷊iomanni mangitou, oh Mawu.

AYUB 39:12

Apa i tou nipangimanannu mangammulu hessin pangitingannu, wuṛṛu mangapidda watukku tampan pakkindanna?

AYUB 42:6

Ana waugu udde i ya'u massili mannaungnga al᷊awo'u wisara'u wuṛṛu ringannu sussasilla i ya'u niuma'ianna sulal᷊ummu awu wuṛṛu leta'a.”

YEHEZKIEL 33:11

Wal᷊oa'a si mangitou manungku sulal᷊ummu arang-Ku, Ruata apan biakka, Mawu Apan Atanggaṛṛanne, i Ya'u tawe mal᷊uassa amungkangngu taumata lal᷊eo mate; arawe i Ya'u mappulu manantangngu manga rosane tadea'u i tou sidutu wiakka. Ei walahannu Israel, uddita'e ma'ola'a rosa! Anio i yamiu mappulu nate?

DANIEL 2:44

Sutempo pamamarentan manga ratu udde, Ruata su surga sarun mapararisikku sambau araratuanna apan mattaṛṛangnga saran mal᷊annu-l᷊annu wuṛṛu sarun tawe iawaddon al᷊awo'u walahanna su al᷊awo'u tampa. Araratuanna udde sarun makkimunsa'a al᷊awo'u walahanna su al᷊awo'u araratuanna waine udde.

MATIUS 10:7

Wal᷊oa'e si mangitou manungku Ruata mal᷊ihakke lai mamarenta ere sangkatou Ratu.

MATIUS 11:20

See Mawu Yesus nanattakke mapaasal᷊a manga soa, suapa isudde i Tou asokkanne ma'ola'a al᷊aṛṛindu'a. Ana waugu manga taumata su soa udde madiri mawal᷊u wuassu paddarosa mangitou.

MATIUS 12:41

Su Allong Kiamatta, lal᷊oṛṛo Niniwe sarun mabangunna su sambau ringannu manga taumatan tempo indi wuṛṛu mapaasal᷊a mangitou. Ana waugu manga taumata Niniwe udde nawal᷊u wuassu rosa mangitou, su tempo Yunus nannase si mangitou. Arawe orassa indi pia maggewal᷊anne wuassi Yunus!

MATIUS 13:11

Mawu Yesus sinumimbakka, “Ana waugu i yamiu suete nionggol᷊annu al᷊amatta ipani'attu addapingnga su ola'u ereapa Ruata mamarenta, arawe i mangitou tawe nionggol᷊anna.

MATIUS 13:24

Mawu Yesus nabbatti'u lai sambau sasumandingnga su taumata nambo, wisara-Ne, “Amungkangngu Ruata mamarenta, tul᷊adane naal᷊ihidda ere sasumandingnga indi: Sangkatou mabbawailla nangasi'u wualanna apan mapia su wawail᷊anne.

MATIUS 13:31

Mawu Yesus nabbatti'e lai sambau sasumandingnga su taumata nambo, wisara-Ne, “Napawe Ruata mamarenta, olangnge ere sasumandingnga indi: Sambau wualannu sawi nianun sangkatou, see nisuanna su wailli tou.

MATIUS 13:33

Pia sambau sasumandingnga waine, apan niwatti'u Mawu Yesus su taumata nambo. “Napawe Ruata mamarenta, olangnge ere ragi apan nipaattu sangkatou wawine see niompella ringannu taponna appattu pul᷊o su liteṛṛene na'oman sara nal᷊uakka mapia!”

MATIUS 13:47

“Napawe Ruata mamarenta olangnge ere sasumandingngu soma apan ipannoma su rano, see naahau al᷊awo'u hating kinassa.

MATIUS 13:52

See Mawu Yesus nabbisara, “Ana waugu udde manga hurun agama apan suete naola'a lal᷊oṛṛon araratuannu Ruata, udde ere sangkatou tatahuannu wal᷊e apan mappasabangngu darotongnge wakku wuṛṛu tabbe, wuassu pangadoanne.”

MATIUS 18:23

Ana waugu napawe Ruata mamarenta, olangnge ere sulal᷊ummu sasumandingnga indi: Sangkatou ratu ma'apulu mapawaekku al᷊awo'u utangngu manga allangnge.

MATIUS 20:1

“Napawe Ruata mamarenta, olangnge ere sasumandingnga indi: Sangkatou tatahuannu waillu anggore sinumabangnga su tempo rua'allo madea'a taumata iapamanara su waillu anggorene.

MATIUS 22:2

wisarane, “Amungkangngu Ruata mamarenta, olangnge ere sasumandingnga indi: Sangkatou ratu na'ola'a andeangngu awingngu anangnge esakka.

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

MATIUS 25:1

“Napawe Ana'u Taumata rumanta ere Mawu, olangnge ere sulal᷊ummu sasumandingnga indi: Sire mapul᷊o maṛṛuala mamantuga ma'aawingnga, sangkatou-sangkatou nanganu sol᷊o, see inai manal᷊oho ma'aawingnga esakka.

MATIUS 25:14

“Napawe Ana'u Taumata nirumanta ere sangkatou Mawu olangnge ere lai sulal᷊ummu sasumandingnga indi. Sangkatou esakka maapulu inai massenggotta su tampa apan marau. I tou namaggo manga mangangimbene niapariaga darotongnge.

MATIUS 4:17

Nanattakke su tempo udde Mawu Yesus namasingkatta, “Awal᷊ute wuassu manga paddarosanu, ana waugu Ruata mal᷊ihakke rumanta mamarenta ere sangkatou Ratu!”

MATIUS 4:23

Su Galilea, Mawu Yesus namal᷊iwutte ahewallu wanua wuṛṛu mangngaṛṛa'a su anambon bal᷊em pattataṛṛamawuanna. I Tou mabbatti'u Watti'u Al᷊al᷊uassa manungku Ruata sarun mamarenta. Wuṛṛu i Tou lai mapaapian manga taumata apan maradda'a wuṛṛu pia sangkulle.

MATIUS 5:10

Lal᷊umanna'a su taumata apan uatataṛṛangnga sassansaranna ana waugu ma'ola'a apulun Ruata; ete i mangitou udde lal᷊oṛṛon araratuannu Ruata!

MATIUS 5:3

“Lal᷊umanna'a su taumata apan uapendamma tawe atatohassa wuṛṛu tumba'u uaantimma Mawu sassane; ete i mangitou udde lal᷊oṛṛon araratuannu Ruata!

MATIUS 6:10

Ete I'o Ratung kami. Antimanna I'o mamarenta su runia wuṛṛu apulu-Nu tatuṛṛutanna ere lai su surga.

MATIUS 6:33

Nariaddi paddea'e dorone tadea'u Ruata mamarenta sulal᷊ummu wiakku wuṛṛu tuṛṛutte apulu-Ne. Ne al᷊awo'u darotongnga waine lai sarun ionggolu Ruata si yamiu.

MARKUS 1:15

Wisara-Ne, “Tempone nia'omante Ruata mamarenta. Awal᷊ute wuassu manga rosanu, wuṛṛu pangimante Watti'u Al᷊al᷊uassa wuassu Ruata!”

MARKUS 1:4

Ere lai uawoṛṛetta udde, aroddi lai Yohanes nirumanta su wadda'a. I tou mannaṛṛani taumata wuṛṛu mammasingkattu watti'a wuassu Ruata. “Awal᷊ute i yamiu wuassu manga rosanu, wuṛṛu ṛinone saṛṛanianna, tadea'u Ruata mangampungnga si yamiu,” aroddi unni Yohanes.

MARKUS 6:12

Ne sire mapul᷊o dua mallal᷊aṛṛenggennu Mawu Yesus udde inaite. I mangitou inaite namasingkattu watti'a manungku taumata ṛinone mawal᷊u wuassu paddarosane.

LUKAS 1:16

Manambo taumatan Israel sarun ehetanne apia mabelengnga ringannu Ruata, Mawu mangitou.

LUKAS 11:20

Arawe i Ya'u mallimbuakka ghaṛṛaho lal᷊eo ringannu taṛṛinon Ruata, wuṛṛu udde atappasanne manungku Ruata mannattakke mammarenta su pattangnganni yamiu.

LUKAS 13:3

Atonna-tonna tawe! Arawe paanaunge: amungkangngu i yamiu tawe mawal᷊u wuassu manga rosang kamiu, sarangkanambone sarun mate lai ere i mangitou.

LUKAS 13:5

Atonna-tonna tawe! Paassa lai ya'u mabal᷊o: Amungkangngu i yamiu tawe mawal᷊u wuassu manga rosang kamiu, i yamiu sarangkanambone mate lai ere i mangitou.”

LUKAS 15:10

Aroddi lai mala'ekattu Ruata lulluassa napawe pia sangkatou taumata lal᷊eo nawal᷊u wuassu manga rosane. Pangimante!”

LUKAS 15:7

Ne, aroddi lai su surga pia al᷊al᷊uassa apan bahewalla su sangkatou apan marosa nawal᷊u wuassu rosane, wuassu siom pul᷊o sio taumata apan mapiate wuṛṛu tate lai iwata'a mawal᷊u wuassu rosane.”

LUKAS 16:30

Arawe taumata ala udde sinumimbakka, ‘Udde taambe natimu, Iamangnga Abraham. Arawe amungkangngu pia taumata nate mabbiakka apia wuṛṛu rumanta ringanni mangitou, i mangitou sarun mawal᷊u wuassu manga rosane!’

LUKAS 21:31

Aroddi lai amungkangngu i yamiu ma'asilo manga olangnge udde mariaddi, i yamiu sarun maasingkatta manungku Ruata mal᷊ihakke mamarenta ere sangkatou Ratu.

LUKAS 24:47

Wuṛṛu lai manungku ringannu arannu Ratum Punnu Sal᷊amatta udde ṛinone iwatti'a su anambon walahanna manungku ṛinone taumata mawal᷊u wuassu rosane, wuṛṛu manungku Ruata mangampungnga rosa mangitou. Wuṛṛu watti'a udde ṛinone iapasingkatta manattakka wuassu Yerusalem.

LUKAS 6:20

Mawu Yesus nanutudda mallal᷊aṛṛenggen-Ne see nabbisara, “Lal᷊umanna'a i yamiu manga taumata asiangnga, ana waugu ete i yamiu udde lal᷊oṛṛon araratuannu Ruata!

LUKAS 9:2

Wua'udde i Tou nandolokke mangitou inai mapaapian taumata marada'a wuṛṛu mamasingkattu watti'a su ola'u ereapa Ruata mamarenta ere sangkatou Ratu.

WATTI'U MANGA RASUL 11:18

Napawe naaringikke udde, i mangitou tate nanompola apia. See i mangitou nadalote Ruata. I mangitou mabbisara, “Amungkangngu aroddi, manga taumata apan bal᷊ine Yahudi lai inonggol᷊annu Ruata tempone mawal᷊u wuassu manga rosane wuṛṛu maapussa'a wiakka apan tutune!”

WATTI'U MANGA RASUL 17:30

Tempon awawodong kite suete tinimbul᷊ianannu Ruata, arawe orassa indi i Tou nandolokku taumata su ahewallu runia tadea'u mawal᷊u wuassu manga rosa mangitou.

WATTI'U MANGA RASUL 2:38

I Petrus sinumimbakka, “Awal᷊ute wuassu manga rosanu. Wuṛṛu i yamiu sambau-sambau ṛinone saṛṛanianna su arannu Mawu Yesus Kristus, tadea'u manga rosanu ampunganna. Ne manga tuṛṛangnga sarun manengkamma Ghaṛṛahon Ruata wuassu Ruata.

WATTI'U MANGA RASUL 20:21

Mapia udde su manga taumatan Yahudi aroddi lai su manga walahanna waine i ya'u sidutu mannanata tadea'u i mangitou mawal᷊u wuassu manga rosa mangitou wuṛṛu rumanta ringannu Ruata, see lai mangngimanna Mawu Yesus.

WATTI'U MANGA RASUL 26:20

Ringannu uahahatti ya'u namasingkatta su manga taumata manungku i mangitou ṛinone mawal᷊u wuassu manga rosa mangitou, wuṛṛu manantillu wadangngi mangitou su Ruata see lumiatta'a sulal᷊ummu wiakki mangitou manungku i mangitou nawal᷊ute wuassu manga rosa mangitou. I ya'u namasingkattu watti'a udde paarorone su Damsyik, wua'udde su Yerusalem wuṛṛu su ahewallu Yudea wuṛṛu su wallattu manga taumata apan wal᷊ine Yahudi.

WATTI'U MANGA RASUL 3:19

Ana waugu udde manga tuṛṛangnga, awal᷊ute wuassu manga rosanu wuṛṛu pabelengke ringannu Ruata tadea'u i Tou mamapassa manga rosanu.

2 KORINTUS 7:10

Ana waugu asasusa ereudde maawal᷊u naungnga apan mandantan asasal᷊amatta. Wuṛṛu taumata tawe sumassilla su olangnge udde. Arawe asasusa apan su lal᷊annu apulun taumata maawawa papate.

KOLOSE 1:13

I Tou suete namallosi ite wuassu taṛṛinon araranduma wuṛṛu nangingkati ite sulal᷊ummu araratuannu Anang-Nge apan arangnguan-Ne.

2 TIMOTIUS 2:25

I tou ṛinone ringannu masi'ome mangaṛṛa'a manga taumata mal᷊awanga; doronganna Ruata sarun mangonggolu allo su manga taumata udde mawal᷊u wuassu manga rosan mangitou wuṛṛu ma'illal᷊a al᷊aṛṛa'a su ṛinone.

IBRANI 6:1

Ana waugu udde, wette i ite mangasal᷊ate manassukku manga al᷊aṛṛa'a sansunne, su ola'u al᷊aṛṛa'a mattanggaṛṛanna su taumatan Saṛṛani, wuṛṛu arie tumba'u maṛṛingiddu manga al᷊aṛṛa'u agamang kite paarorone. Arie i ite manul᷊e apia pinangianannu al᷊aṛṛa'a manungku taumata ṛinone mangillol᷊o ma'ola'a manga inolaanna apan tawe gunane wuṛṛu ṛinone mangngimanna Ruata,

2 PETRUS 3:9

Mawu tawe mal᷊iwue mangonggolu apa apan suete nipa'ire-Ne, salaiwe piaddu massunna aroddi. Arawe i Tou masabare si yamiu, ana waugu i Tou maddiri pia sangkatou apan mate. I Tou maapulu tadea'u anambon taumata mawal᷊u wuassu manga rosane.

SONDAPPA 2:21

Suete Ta'u nionggol᷊annu tempone i tou mawal᷊u wuassu manga rosane, arawe i tou maddiri mamallosu inolaanne sussandaga udde.

SONDAPPA 2:5

Ana waugu udde, paanaungete tumaniten marau i yamiu nanawo! Awal᷊ute wuassu manga rosanu, wuṛṛu pa'ola'e ere inolaanni yamiu rorone. Amungkangu tawe, ne i Ya'u sarun rumanta ringanni yamiu wuṛṛu manawutta leddan sol᷊onu udde wuassu tampane.