MATIUS 3:16 - WUKE SUSI WATTI'U AL᷊AL᷊USASSA

¹⁶ Napawe suete nissaṛṛani, Mawu Yesus mal᷊iha-l᷊ihakka sinumapputta wuassu ua'en sal᷊ukka udde. Inaṛṛombanganne langitta nawu'a wuṛṛu Mawu Yesus naasilo Ghaṛṛahon Ruata niumonto'a ere manu'a merpati niumarunna si Tou.

MATIUS 3:16 Iomraidhean Croise

YESAYA 11:2

Taṛṛino Mawu sarun mangehetta si tou, ma'ola'a si tou pia buddine wuṛṛu masiṛṛungnga, pande makkawessa wuṛṛu mangamatta; masingkattu apulun Duata wuṛṛu masallungnga si Tou.

YESAYA 42:1

Wisara Mawu, “Eteindi allang-Ku apan bawawanang-Ku, taumata nipile-Ku apan ma'al᷊uassa naung-Ku. I Ya'u buatte nangonggollu taṛṛino-Ku si tou, ipangapiddu atatul᷊idda su anambon walahanna.

YESAYA 59:21

I Ya'u nakkiinnu pa'aire ringanni yamiu: I yamiu onggol᷊annu taṛṛino-U wuṛṛu al᷊aṛṛa-U saran mal᷊annu-l᷊annu. Ara'e lai ionggolla su manga anangngu tadea'u i mangitou lai wotongnge mangaṛṛa'u udde su ana'a pulunne orassa indi maddatingngu saran mal᷊annu-l᷊annu.”

YESAYA 61:1

Taṛṛino Mawu Apan Atanggaṛṛanne indi si ya'u; i Tou namile wuṛṛu nandolo'u iappa'apiddu watti'u al᷊al᷊uassa su taumata asiangnga wuṛṛu iappa'apia taumata apan naungnge natumma'a; iappapasingkatta su taumatan ṛuumanna manungku i mangitou mal᷊ihakke ipallossa, wuṛṛu su manga taumata sulal᷊ummu tuttupanna manungku i mangitou sarun iapasabbangnga.

YEHEZKIEL 1:1

Su allo al᷊imane wul᷊anna aiappanne su tonna tallun pul᷊o, sulal᷊ummu tonna al᷊imane ro'en i Ratu Yoyakhin niapidda su pamamuanganna, i ya'u, Imam Yehezkiel ana'i Busi, isudde su winggin Sal᷊ukku Kebar su Babel suadio'a ringannu manga taumatan Yahudi apan niwuangnga waine. Inaṛṛombanganne langitta nawu'a wuṛṛu i ya'u naasomba sondappa su ola'u Ruata. I ya'u naaringikka Mawu nabbisara si ya'u wuṛṛu i ya'u naapendamma atatohassu taṛṛino-Ne.

MARKUS 1:10

Aroddi Mawu Yesus nilumapputta wuassu sal᷊ukka udde, i Tou naasilo langitta nawu'a wuṛṛu Ghaṛṛahon Ruata naal᷊ihida ere manu'a merpati inumonto'a si Tou.

YOHANES 1:51

Mawu Yesus nabbisara apia, “Atonna, pangimante, i'o sarun maasilo langitta mawu'a, wuṛṛu manga mala'ekattu Ruata uapapal᷊ele ringannu Ana'u Taumata.”

YOHANES 3:34

Ana waugu taumata apan nirolokku Ruata mabatti'u wisaran Ruata, ana waugu Ghaṛṛahon Ruata suete nionggolla si Tou sarangkanambone.

WATTI'U MANGA RASUL 7:56

“Pa'ellega” unni Stefanus, “i ya'u ma'asilo surga nawu'a wuṛṛu Ana'u Taumata uarisikka su samba'an uanannu Ruata!”

1 YOHANES 5:6

Ete Yesus Kristus apan nirumanta su runia ringannu ua'en Sasaṛṛani wuṛṛu ringannu ṛaṛṛam papate-Ne. I Tou nirumanta wal᷊ine tumba'u ringannu ua'e sassane, arawe ringannu ua'e wuṛṛu ṛaṛṛa. Wuṛṛu Ghaṛṛahon Duata sassane nangonggolu tialane manungku udde atonna, ana waugu Ghaṛṛaho taambe namahia.