MATIUS 3:12 - WUKE SUSI WATTI'U AL᷊AL᷊USASSA

¹² Su limane pia niṛṛu ipattappa al᷊awo'u ammene ma'oman sara mawaresi. Amme sarun iammulla sulal᷊ummu wal᷊ingkakke, arawe anambon wal᷊aane sarun tutunganna su putungnga apan tawe mappadumma.”

MATIUS 3:12 Iomraidhean Croise

AYUB 21:18

Apa i mangitou ere laṛṛami wuṛṛu awu apan nisal᷊iawukku lakkuti wuṛṛu tiniuppu anginna?

DARALO 1:4

Arawe taumata lal᷊eo: i tou naal᷊ihidda wal᷊a'a apan pinassal᷊iawuku anginna.

DARALO 35:5

Wala'e i mangitou enggenannu mala'ekattu Mawu, naal᷊ihidda wal᷊a'a nisal᷊iawukku anginna.

YESAYA 1:31

Naal᷊ihidda laṛṛami natutungngu waṛṛan putungnga, aroddi lai manga taumata apan uataṛṛino sarun iapawinasa ana waugu inolanni mangitou sassane apan tumaniten dal᷊eo, wuṛṛu taweddu wotongnge mapaillol᷊on awawinasa udde.

YESAYA 17:13

I mangitou inaite naal᷊ihidda manawangnga apan bahewalla. Arawe Ruata namansaggi mangitou, ana see i mangitou tinumal᷊angngu watanganne sara marau. I mangitou nienggenanna naal᷊ihidda wal᷊a'a su welen buidda itattalla'u anginna, ara'e awu nitiuppu al᷊isusu.

YESAYA 27:4

Ya'u tate maapendamma massa'u apia. Unnuwisara pia nannal᷊o ara'e aputta ṛoaanna, i Ya'u sarun mamabbassa, wuṛṛu sarangkanambone tutunganna.

YESAYA 28:28

Sutempo makkinda gandumma, i tou tawe uata'a mammuulla sara maṛṛimunsa'a. Tawe! I tou masingkattu dal᷊anne makkinda suṛṛinone ringannu uasa'e roda su wowone ringannu tawe makkimunsa'a manga watun gandumma udde.

YESAYA 30:24

Sapi esakka wuṛṛu keledai apan mammajeko wawail᷊annu sarun umanna annu winatangnga apianne apan buatte nisaddia al᷊aṛṛaene.

YESAYA 41:16

I'o sarun mattappa si mangitou, wua'udde i mangitou italla'u anginna wuṛṛu isal᷊iawukku anginna wahewalla. I'o sarun lumuassa ana waugu i Ya'u, Mawu, wuṛṛu lumala'a ana waugu i Ya'u, Ruatan Israel.

YESAYA 5:24

I yamiu buatte nanol᷊a'u al᷊aṛṛa'u Mawu Apan Lembontaṛṛino, wuṛṛu mallobbossa parentan Duata susin Israel. Ana waugu udde, naal᷊ihidda laṛṛami wuṛṛu nannal᷊o mamara nasue natutungnga sulal᷊ummu putungnga, aroddi lai manga ṛamunnu sarun mabbal᷊i mawukku'a, manga wunganu maṛṛagassa wuṛṛu masue italla'u anginna.

YESAYA 66:24

Sutempo umamatte, i mangitou sarun maasilo winal᷊unannu manga taumata apan buatte nilumawangnga si Ya'u. Ul᷊idda apan u'inassa winal᷊unanni mangitou sarun tawe mate, wuṛṛu putungnga apan mannoṛṛobba si mangitou tawe mappadumma; sambau inolaanna aellehanna apan maata'utta su anambon taumata.”

YEREMIA 15:7

Suapan soa su wanua indi i yamiu sarun Ta'u iramme ere wal᷊a'a. Salaiwe i yamiu uma-U arawe i Ya'u mamate si yamiu wuṛṛu al᷊aṛṛanangngu ana waugu i yamiu maddiri mamal᷊u ola'u pabbiaṛṛannu.

YEREMIA 17:27

Sarangkanambone udde sarun matipussa napawe i yamiu matuṛṛutta si Ya'u wuṛṛu maṛṛaen allon Sabatta udde si Ya'u. Arie mamasanna saran sambau saranapa umamattu ngara pasallangannu Yerusalem su allo udde. Amungkangngu i yamiu lumawangnga manga parenta-U, manga ngara pasallangannu Yerusalem see manga wal᷊en araratuanne sarun Ta'u soṛṛowannu putungnga ma'oman sara masue wuṛṛu udde tawe iapaddumma.’ ”

YEREMIA 4:11

Tempone sarun dumanta taumatan Yehuda wuṛṛu tumana'u Yerusalem maasomba watti'a manungku anginna mal᷊oso wuassu wadda'u anne sarun tumiuppa watukku ringanni mangitou. Anginna udde wal᷊ine anginna wiasa apan tumba'u ma'atalla'u wal᷊a'a,

YEREMIA 51:2

Sarun Ta'u irolokka manga taumata raho apan sarun manggohakku Babel ere anginna mannalla'u wal᷊a'an gandumma. Su allo asasilaka udde i mangitou sarun mamangalo wanua udde wuassu al᷊awo'u tampa wuṛṛu manahangginna wanua ma'oman sara mawaresi.

YEREMIA 7:20

I Ya'u, Mawu Apan Atanggaṛṛanne, sarun mangema'u asasa'u-U apan bahewalla su wal᷊en patataṛṛamawuanna indi, su taumata wuṛṛu su winatangnga, see lai su manga aaluanna wuṛṛu hessin bawail᷊anna. Asasa'u-U sarun ṛumenggamma ere putungnga apan tawe iapaddumma.”

HOSEA 13:3

Ana waugu udde manga taumata udde sarun mawual᷊i ere ṛawu'a ara'e angngukka su marua allo. I mangitou sarun maola'a ere awu raen amme apan nitiuppu anginna su paṛṛindanna gandumma, wuṛṛu ere timbulla apan sinumabbangnga wuassu sasabbangannu timbulla.

AMOS 9:9

I Ya'u sarun mangonggollu parenta wuṛṛu mattappa walahannu Israel ere taumata mattappa gandumma sulal᷊ummu niṛṛu. Su ipanahangginna sarangkanambone apan tawe gunane suwallatti yamiu, i Ya'u sarun malluakki mangitou suwallattu manga walahanna.

MALEAKHI 4:1

Unnu Mawu Apan Lembontaṛṛino, “Sarun a'omanna anambon taumata mawunga wuṛṛu lal᷊eo soṛṛowanna ere laṛṛami. Su allo udde i mangitou sarun soṛṛowanna ma'oman sara masue, wuṛṛu taweddu mallambe wuassi mangitou.

MATIUS 13:30

Wala'e akke udde tumuwo su sampunna ma'oman sara orassu pangangitingnga. Paṛṛado i ya'u mabbisara su manga taumata apan mangitingnga: Ammul᷊a'a rorone manga akke udde, wa'issa see tutungnga. Wua'udde ammul᷊a'a gandumma, see sahipunna sulal᷊ummu wal᷊ingkakka.’ ”

MATIUS 13:41

Ana'u Taumata sarun mandolokku manga mala'ekan-Ne mangammullu manga taumata su wallattu al᷊aṛṛanang-Nge apan naola'a taumata marosa, wuṛṛu anambon taumata waine lai apan ma'ola'a al᷊al᷊eo.

MATIUS 13:42

I mangitou sarangkanambone sarun iramme sulal᷊ummu sunggilla pia putungnge apan luṛṛenggamma, isudde i mangitou sarun lumuai wuṛṛu matataṛṛangnga.

MATIUS 13:43

Wuṛṛu manga taumata apan ma'ola'a apulun Ruata sarun lumansiangnga ere matannallo sulal᷊ummu Runia Wakkun Ruata, Iamangngi mangitou. Nariaddi, amungkangngu pia tal᷊inga paddaringikka!”

LUKAS 3:16

Ana waugu udde i Yohanes nabbisara si mangitou sarangkanambone, “I ya'u mannaṛṛani si yamiu ringannu ua'e, arawe paṛṛaddote sarun rumanta sal᷊immurine lembon ahewal᷊anne wuassia'u. Mamu'a tal᷊in sapatune lai ya'u tawe suṛṛinone. I Tou sarun manaṛṛani si yamiu ringannu Ghaṛṛahon Ruata wuṛṛu putungnga.

LUKAS 3:17

Su lima-Ne pia niṛṛu ipattappa ammene ma'oman sara mawaresi. Amme sarun iammulla su wal᷊ingkakka, arawe anambon wal᷊aane sarun tutunganna su putungnga apan tawe mapadumma!”

YOHANES 15:2

Suapan ranna si Ya'u apan tawe mabua, pototanna, wuṛṛu ranna apan mabua, hainganna rongngane, wuṛṛu lauṛṛanna tadea'u lembo manambo lai wuane.