MATIUS 28:7 - WUKE SUSI WATTI'U AL᷊AL᷊USASSA

⁷ Orassa indi roote paal᷊iha-l᷊ihakka, pasingkata'a su mallal᷊aṛṛenggen-Ne, ‘I Tou nabangunte, wuṛṛu orassa indi i Tou inaite malliu ṛoro wuassi yamiu su Galilea. Poiaroddi yamiu sarun maasilo si Tou!’ Paanaungete apa apan suete ta'u niwal᷊o si yamiu.”

MATIUS 28:7 Iomraidhean Croise

YESAYA 44:8

Pabbawala-U, arie mata'utta ara'e ṛumindu'a; wal᷊inewe ro'en dorone naddatingngu orassa indi i Ya'u buatte nani'attu apa apan mariaddi? Ete i yamiu manga tiala-U. Mallal᷊u'adda waine tawe baddi'a wuṛṛu i Ya'u tawe maaillal᷊a.”

YESAYA 45:21

Alaea'e hattonu, apira'e manga tatialane, ore, wala'e i mangitou ma'ire su sambau. Isaite apan nabbal᷊on olangnge udde wuṛṛu namasingkatta ro'en paarorone? Wal᷊inewe i Ya'u, Mawu? Tawe mawu wal᷊ine tumba'u i Ya'u. Ya'u Ruata apan matul᷊idda wuṛṛu Mananal᷊amatta, tawe baine tumba'u i Ya'u!

MATIUS 24:25

Nariaddi, paanaunge! I Ya'u suete namasingkatta si yamiu paarorone tantal᷊anna olangnge udde taambe nariaddi.

MATIUS 26:32

Arawe napawe i Ya'u niapawangunna apia, i Ya'u sarun inai malliu ṛoro si yamiu su Galilea.”

MATIUS 28:10

“Arie pa'ata'utta,” wisara Mawu Yesus si mangitou, “roote wal᷊oa'a su manga tuṛṛangku, tadea'u i mangitou inai su Galilea, poiaroddi i mangitou sarun maasilo si Ya'u.”

MATIUS 28:8

Mal᷊iha-l᷊ihakka manga wawine udde nanantangngu lal᷊abinganna udde. Ringannu apendamma matta'utta ual᷊al᷊o'an lal᷊uassa, i mangitou tinumal᷊angnga namasingkattu olangnge udde su mallal᷊aṛṛenggennu Mawu Yesus.

MARKUS 14:28

Arawe napawe i Ya'u iapawangunna apia, i Ya'u sarun inai malliu ṛoro si yamiu su Galilea.”

MARKUS 16:10

Ne i Maria Magdalena inaite namasingkattu arariadianna udde su manga hawe Mawu Yesus, apan tantal᷊anna massusa wuṛṛu lulluai. Wua'udde Mawu Yesus sassane nappaattu mallal᷊aṛṛenggen-Ne nabbati'a wuassu ra'i watukku waṛṛatta, watti'a susi wuṛṛu tawe panginsueanne su ola'u asasal᷊amatta apan saran mal᷊annu-l᷊annu.]

MARKUS 16:13

Nariaddi i mangitou nabelengnga wuṛṛu namasingkattu olangnge udde su manga hawene waine. Arawe i mangitou tawe mangngimanna.

LUKAS 24:34

I mangitou nabbisara, “Atonna-tonna Mawu nabbiakke apia! I Tou suete nattingkapasilon batangan-Ne si Simon!”

YOHANES 14:29

I Ya'u mamasingkattu udde si yamiu orassa indi, tantal᷊anna sarangkanambone udde taambe mariaddi, tadea'u napawe mariaddite, i yamiu sarun mangngimanna.

YOHANES 16:4

Arawe orassa indi iwal᷊o-U olangnge udde si yamiu, tadea'u amungkangngu udde mariaddi murine, i yamiu maanaungnga manungku i Ya'u suete namasingkatta si yamiu.” “Hatto indi tawe Ta'u niwal᷊o si yamiu ro'en paarorone, ana waugu i Ya'u ta'e su sampunna ringanni yamiu.

1 KORINTUS 15:4

manungku i Tou nilabingnga, arawe wua'udde nabbiakka apia su allo atallune. Udde lai uawoṛṛetta sulal᷊ummu Wuke Susi.

1 KORINTUS 15:6

Wua'udde i Tou naipasilon batangan-Ne lai su sire lima ṛasutta mallal᷊aṛṛenggen-Ne sangkaṛṛindo'a. Anamboanne wuassu manga taumata udde ta'e wiakka orassa indi, tumba'u sire piran katou apan natete.