MATIUS 28:16 - WUKE SUSI WATTI'U AL᷊AL᷊USASSA

¹⁶ Sire mapul᷊o assa mallal᷊aṛṛenggennu Mawu Yesus udde inaite watukku wuidda su Galilea ere suete nirolokku Mawu Yesus si mangitou.

MATIUS 28:16 Iomraidhean Croise

MATIUS 26:32

Arawe napawe i Ya'u niapawangunna apia, i Ya'u sarun inai malliu ṛoro si yamiu su Galilea.”

MATIUS 28:10

“Arie pa'ata'utta,” wisara Mawu Yesus si mangitou, “roote wal᷊oa'a su manga tuṛṛangku, tadea'u i mangitou inai su Galilea, poiaroddi i mangitou sarun maasilo si Ya'u.”

MATIUS 28:7

Orassa indi roote paal᷊iha-l᷊ihakka, pasingkata'a su mallal᷊aṛṛenggen-Ne, ‘I Tou nabangunte, wuṛṛu orassa indi i Tou inaite malliu ṛoro wuassi yamiu su Galilea. Poiaroddi yamiu sarun maasilo si Tou!’ Paanaungete apa apan suete ta'u niwal᷊o si yamiu.”

MARKUS 14:28

Arawe napawe i Ya'u iapawangunna apia, i Ya'u sarun inai malliu ṛoro si yamiu su Galilea.”

MARKUS 15:41

Ete i mangitou manga wawine apan uatantalongnga wuṛṛu nantul᷊ungngu Mawu Yesus, su tempo i Tou ta'e su Galilea, wuṛṛu pia manambo lai manga wawine waine isudde apan suete nirumanta su Yerusalem su sambau ringannu Mawu Yesus.

MARKUS 16:14

Panginsueanne, Mawu Yesus nattingkapasilom batangan-Ne su sire mapul᷊o assa mallal᷊aṛṛenggen-Ne, su tempo i mangitou tantal᷊anna u'anna. I Tou namo'a si mangitou ana waugu pangangimanni mangitou lome, wuṛṛu tumanite maattikka puane na'oman sara tawe mangngimanna su manga taumata apan suete naasilo sassane manungku Mawu Yesus nabbiakke apia.

MARKUS 16:7

Orassa indi roote, wal᷊oa'e watti'a indi su mallal᷊aṛṛenggen-Ne, nasutta lai Petrus. Wal᷊oa'a, ‘I Tou inaite malliu ṛoro si yamiu su Galilea. Poiaroddi yamiu sarun maasilo si Tou, ereapa suete niwal᷊on Tou si yamiu.’ ”

YOHANES 6:70

Mawu Yesus sinumimbakka, “Wal᷊inewe i Ya'u apan namile si yamiu mapul᷊o dua indi? Arawe sangkatou wuassu wallatti yamiu eteudde ghaṛṛaho lal᷊eo!”

1 KORINTUS 15:15

Nangillembo wua isudde, nasemakke manungku i yamiu mangngawusu su ola'u Ruata, ana waugu i yami mabbatti'a manungku Ruata buatte napaawiakki Kristus wuassu papate, wutte'e Ruata tawe napaawiakki tou apia – amungkangngu atonna taumata nate tawe iapaawiakka apia!