MATIUS 27:2 - WUKE SUSI WATTI'U AL᷊AL᷊USASSA

² I mangitou naṛṛapussa si Tou, wuṛṛu nangapiddi Tou, see tinantilla si Pilatus, gubernuren araratuannu Roma.

MATIUS 27:2 Iomraidhean Croise

PANDARIADDI 22:9

Napawe itarua na'omate su tampa apan niwal᷊on Duata si Abraham, i tou napararisikku sambau mezbah wuṛṛu nangatokku alu udde su wowone. Ana see i tou nakkapussa ana'a wuṛṛu niapal᷊allowanga su mezbah, su wowon alu udde.

MATIUS 20:19

wua'udde itantilla su manga taumata wal᷊ine Yahudi. I mangitou sarun mangal᷊uandaga si Tou, mannansara si Tou, wuṛṛu mangarussan Tou. Arawe su allo atallune, i Tou sarun iapawangunna apia.”

MATIUS 28:14

Wuṛṛu amungkangngu gubernure maaringikka olangnge udde, i yami sarun massal᷊o'i tou tadea'u i yamiu tawe maasomba asasusa apa-apa.”

LUKAS 13:1

Su tempo udde taumata nabbati'a Mawu Yesus su ola'u manga pira taumatan Galilea apan nipatem Pilatus, su tempo i mangitou mangngapiddu sasamba su Ruata.

LUKAS 20:20

Nariaddi i mangitou maddea'a tempone mapia. I mangitou nangonggolu roitta su taumata iapaatanno lihiddu taumata matul᷊ida, wuṛṛu nandolokku manga taumata udde mapaasal᷊a Mawu Yesus ringannu manga aiwal᷊o, tadea'u i mangitou wotongnge manantilli Tou su apulu wuṛṛu taṛṛinon gubernure.

LUKAS 23:1

Awada'alla su ammul᷊anna udde dirumarisikka see nangapiddu Mawu Yesus su saruanni Pilatus.

LUKAS 23:12

Su allo udde lai Herodes wuṛṛu i Pilatus, apan dorone uasase'etta, naddamete apia.

LUKAS 3:1

Su tonna apul᷊o limane su pamamarentan Kaisar Tiberius, i Pontius Pilatus naola'a gubernure su Yudea, wuṛṛu i Herodes uaparenta su Galilea, i Filipus, tuṛṛangngi Herodes namarenta su wageangngu Iturea wuṛṛu Trakhonitis, arawe i Lisanias namarenta su Abilene.

YOHANES 18:12

See manga tantaran Romawi wuṛṛu piaṛṛangnge see manga mandariagan Yahudi nanametta wuṛṛu naṛṛapussa Mawu Yesus.

YOHANES 18:24

Wua'udde i Hanas nandolokku taumata nangapiddu Mawu Yesus ringannu ṛaṛṛapusanna watukku Imam Bahewa Kayafas.

YOHANES 18:28

Rua'allo maṛṛanggapa i mangitou nangapiddu Mawu Yesus wuassu wal᷊en Kayafas watukku wal᷊en gubernure. Manga taumatan Yahudi sassane tawe sinumutta sulal᷊ummu wal᷊en araratuanna, tadea'u i mangitou tawe mabbal᷊i marosa su ola'u agama, ana waugu i mangitou lai inai umanna annu Paskah.

WATTI'U MANGA RASUL 12:6

Sambau ṛabbi tantal᷊anna i Herodes sarun mapasaruanni Petrus su awada'alla, i Petrus mattiilla aiitannu ṛate darua, su wallattu ruang katou tantara mandariaga. Su ngaran tuttupanna, manga mandariaga waine lai uariaga tuttupanna.

WATTI'U MANGA RASUL 21:33

Piaṛṛangnge udde inaite ringanni Paulus see nanametta si tou, wuṛṛu nandolokku taumata niapaṛṛapussa si tou. Wua'udde piaṛṛangnge naiwal᷊o su ola'u isai i Paulus wuṛṛu apa apan suete niolangnge.

WATTI'U MANGA RASUL 22:25

Arawe su tempo i Paulus ṛaṛṛapusante wuṛṛu suete nipuulla, i Paulus nabbisara su tembonannu tantara apan uarisikka isudde, “Apa wotongnge mamuulla sangkatou tumana'u araratuannu Roma, tantal᷊anna i tou taambe niparikisanna?”

WATTI'U MANGA RASUL 22:29

Orassa udde lai manga tantara apan mamarikissa si Paulus udde, sinumoṛṛota, wuṛṛu tembonanne udde nata'utta ana waugu i tou suete naṛṛapussa si Paulus, sumbal᷊i i Paulus tumana'u araratuannu Roma.

WATTI'U MANGA RASUL 24:27

Napawe ruate tonna, i Perkius Festus nallol᷊ossa si Feliks naola'a gubernure. Wuṛṛu ana waugu i Feliks maapulu massal᷊o'u naungngu manga taumatan Yahudi, i tou namalam Paulus sulal᷊ummu tuttupanna.

WATTI'U MANGA RASUL 28:20

Wuṛṛu ana waugu udde i ya'u madorongnga maisasommbang kamiu, maggahattong kamiu; ana waugu i ya'u ṛaṛṛapusanna, ana waugu Punnu Sal᷊amatta apan a'antimannu walahannu Israel.”

WATTI'U MANGA RASUL 3:13

Ruata apan sassubbanni Abraham, i Ishak, i Yakub, Ruatan al᷊amonang kite, Ruata udde suete namantuga Allang-Nge eteudde Mawu Yesus, ete Mawu Yesus udde tinantilli yamiu su tembonanne wuṛṛu niroapanni yamiu su saruanni i Pilatus, su tempo Pilatus ma'apulu mamallosi Tou.

WATTI'U MANGA RASUL 4:27

Ana waugu i Herodes wuṛṛu i Pontius Pilatus suete na'ola'a ammula ringannu manga taumata apan tawe ma'aillal᷊a Mawu wuṛṛu ringannu taumatan Israel su soa indi. I mangitou ma'amulla lumawangnga Mawu Yesus allang-Ngu apan na'ukkassa udde, apan suete nitene-Gu maola'a Ratum Punnu Sal᷊amatta.

WATTI'U MANGA RASUL 9:2

wuṛṛu madorongnga surattu parenta inai su manga piaṛṛa'u wal᷊en pattataṛṛamawuannu taumatan Yahudi su Damsyik, tadea'u amungkangngu i tou maaratingnga poiaroddi manga taumatan apan mangngimanna Mawu Yesus, i tou wotongnge manametta wuṛṛu mangapiddi mangitou su Yerusalem.

1 TIMOTIUS 6:13

Wuṛṛu orassa indi su saruannu Ruata apan nangonggolu niawa su al᷊awo'u sarannapa, wuṛṛu su saruanni Kristus Yesus apan nangonggolu tatiala atonna si Pontius Pilatus, i ya'u madorongnga indi wuassi'o:

2 TIMOTIUS 2:9

Ana waugu mabatti'u Watti'u Al᷊al᷊uassa udde, i ya'u natataṛṛangnga; ewe'e lai na'oman sara niṛṛapussa ere sangkatou taumata lal᷊eo. Arawe wisaran Duata tawe iaṛṛapussa.

IBRANI 13:3

Naunge'o manga taumata sulal᷊ummu tuttupanna, paṛṛimau napa i yamiu lai isudde sulal᷊ummu tuttupanna su sambau ringanni mangitou. Wuṛṛu manga taumata apan a'olaanna walate apulu naungnga, ṛinone i yamiu mannaungnga si mangitou paṛṛimau napa i yamiu lai a'olaanna aroddi.

MAL᷊AṚṚUUNGNGA 15:12

Unni mangitou, “Yami nirumanta isindi tumba'u makkapussa wuṛṛu manantillu su taumatan Filistin.” I Simson nabbisara, “Pa'irete asuene manungku i yamiu sassane tawe mamate si ya'u.”