MATIUS 27:12 - WUKE SUSI WATTI'U AL᷊AL᷊USASSA

¹² Arawe su tempo manga imam tembonanne wuṛṛu piaṛṛa'u Yahudi napasabangngu anambon alae su ola'u Mawu Yesus, i Tou tawe sinumimbakka saran addio'a.

MATIUS 27:12 Iomraidhean Croise

YESAYA 53:7

I tou nihesekka ringannu maṛṛagissa, arawe mangke uapasanna ringannu sabbare. I tou tawe namu'a moṛṛongnge naal᷊ihidda ana'u domba apan iapidda su tampan pallaṛṛatanna ara'e naal᷊ihidda inangngu domba apan huntinganna wambul᷊une.

MATIUS 26:63

Arawe Mawu Yesus mal᷊annaba. Paassa lai imam bahewa nabbisara si Tou, “Ringannu arannu Ruata apan wiakka, Wal᷊oa'e si yami apa ete I'o Ratum Punnu Sal᷊amatta, Ana'u Ruata?”

MATIUS 27:13

Ana waugu udde i Pilatus nabbisara si Tou, “Apa I'o tawe maaringikka al᷊awo'u alae mangitou ipangalaeNu?”

MATIUS 27:14

Arawe Mawu Yesus tawe sinumimbakka saran addio'a na'oman sara gubernure udde mangke naherangnga atonna.

LUKAS 23:9

Ana waugu udde i Herodes manambonaiwal᷊o si Tou, arawe Mawu Yesus tawe sinumimbakka saran paassa.

WATTI'U MANGA RASUL 8:32

Ete indi tatialane apan iwabbasan Tou, “I Tou naal᷊ihida ere domba apan aehetanna inai pototanna, naal᷊ihida ere ana'u domba apan tawe ṛumeo'a amungkangngu wambul᷊une huntinganna, ete aroddi i Tou tawe nabbisara saran sangka paddi.

1 PETRUS 2:23

Su tempo i Tou lallelanna, i Tou tawe nabal᷊issu lal᷊ela. Su tempo i Tou uatataṛṛanga, i Tou tawe namansaga; i Tou tumba'u nanantillu hatto-Ne su Ruata, Mallaṛṛuungnga apan matul᷊ida udde.