MATIUS 26:8 - WUKE SUSI WATTI'U AL᷊AL᷊USASSA

⁸ Manga mallal᷊aṛṛenggennu Mawu Yesus naasilo olangnge udde mangke namul᷊o, “Apa hunane sarangkanambone indi mangke iradamme tawe mangal᷊ene?” unni mangitou.

MATIUS 26:8 Iomraidhean Croise

SASABANGNGA 5:17

Ratu sinumimbakka, “I yamiu wolo'a atonna wuṛṛu maddiri mamanara. Ana waugu udde i yamiu madorongnga si ya'u tadea'u inai mangonggolu sasamba su mawunu.

MANNANASE 4:4

I ya'u masingkatta lai manungku taumata mammanara aroddi asahadde, tumba'u ana waugu naungnge lal᷊eo maasilo hessin manaran al᷊indonganne. Sarangkanambone udde atonna tawe gunane ere manara mangngenggenna anginna.

AMOS 8:5

I yamiu mabbusara su watangannu sassane, “Wal᷊ine hampa al᷊annunne manga allon damea. I ite mappulu mal᷊iha-l᷊ihakka mabbul᷊u gandummi ite apia, arawe ramea udde pendamanna tawe panguddusanne. Tingngerate allon Sabat umuddussa, tadea'u i ite wotongngete mabbal᷊u'a apia? I ya'u maapulu atonna mabbalante'a mallinga ringannu sasupa'a, wuṛṛu manna'o timbanganna.

MALEAKHI 1:13

Wisarannu, ‘I ite nawusate ringannu sarangkanambone udde’, wuṛṛu i yamiu mangngaddio'a si Ya'u. I yamiu mangngapiddu winatangnga apan nita'o, winatangnga apan lome ara'e maradda'a tadea'u ionggolla si Ya'u. Su ṛingiddi yamiu i Ya'u manengkamma sasamba udde?

MATIUS 20:24

Su tempo sire mapul᷊o mallal᷊aṛṛenggen-Ne waine naaringikka hatto udde, i mangitou nasa'u sitarua sangkatuṛṛangnga udde.

MATIUS 26:7

sangkatou wawine nirumanta ringannu Mawu Yesus. I tou uaapiddu wotolla sambau, lal᷊oṛṛone lana mawangngi apan maarega. Su tempo Mawu Yesus tantal᷊anna uaianna u'anna, wawine udde namobokku lana mawangngi udde su pua Mawu Yesus.

MATIUS 26:9

“Lana mawangngi udde wotongnge iwal᷊u'a ringannu aregane apan masaggada, wuṛṛu roinne ionggolla su taumata asiangnga!”

MARKUS 14:4

Sire pira taumata isudde mangke nasa'u wuṛṛu uawawisara sangkatou ringannu sangkatou, “Apa hunane lana mawangngi udde iasebokka aroddi?