MATIUS 26:67 - WUKE SUSI WATTI'U AL᷊AL᷊USASSA

⁶⁷ See i mangitou nangaddu hati Mawu Yesus, wuṛṛu namuulla si Tou. Piaddu lai namero si Tou,

MATIUS 26:67 Iomraidhean Croise

1 MARARATU 22:24

Ne i Nabi Zedekia inaite nangundanin Mikha ana see namero hatine wuṛṛu nabbisara, “Apa wotongnge Ghaṛṛaho Mawu manantangku wuṛṛu mabbisara si'o?”

YESAYA 50:6

I ya'u nangonggollu liu'u su taumata apan mamuulla si ya'u; wuṛṛu wambala'u su taumata apan mangabutta omengku. I ya'u tawe nallinda'u hati'u sutempo i ya'u haggeloanna wuṛṛu a'adduanna.

YESAYA 52:14

Dorone manambo taumata niṛṛumindu'a naasilo si tou, pahudde nihohakka na'oman sara tate ere taumata lai.

YESAYA 53:3

I ite mallobbossa wuṛṛu mangindaun tou, taumata apan napenen asasusa wuṛṛu wotongnge mamassanna radda'a. Tawe saran sangkatou mappulu ma'ellega si tou, wuṛṛu i ite lai tawe manaile si tou.

YEREMIA 20:2

i tou namarenta tadea'u i ya'u puul᷊anna wuṛṛu imantungnga su Ngaran Benyamin, ngara al᷊iurosne su Wal᷊en Mawu.

LAL᷊ALLU 3:30

Salaiwe peroanna wuṛṛu al᷊uandahanna, ṛinone sarangkanambone udde sengkamanni ite.

LAL᷊ALLU 3:45

I yami buatte niolang-Ngu ere sapadda su mata su ahewallu runia.

MIKHA 5:1

Mawu nabbisara, “Ei Belehem Efrata, i'o sambau soa apan aaddio'anne su Yehuda! Arawe wuassi'o sarun Ta'u iapaaranta sangkatou apan maola'a tambonannu Israel apan darantane wuassu al᷊amonane.”

REENGANNA 12:14

Mawu sinumimbakka, “ Unnu wisara hatine niadduannu iamangnge, wal᷊inewe sulal᷊ummu pitu allo al᷊anune i tou ṛinone uapasanna asasili? Pasal᷊iua'a i tou wuassu paddasananna pitu allo al᷊annune, wua'udde i tou wotongngete sumutta apia.”

MATIUS 26:68

wuṛṛu nabbisara, “Si'ata'a wuṛṛu pasingkata'a si yami, ei Ratum Punnu Sal᷊amatta! Isai namero Si'o?”

MATIUS 27:30

I mangitou nangaddu si Tou, wuṛṛu nanganu ta'in-Ne udde, see nipuulla su pua-Ne.

MATIUS 5:39

Arawe orassa indi Ya'u mabbisara si yamiu: arie pabbal᷊issa sangkatou taumata apan ma'ola'a al᷊al᷊eo si yamiu. Apianne amungkangngu taumata mamero wambalanu aikkatanna, wala'a lai i tou mamero wambalanu aiṛṛi.

MARKUS 10:34

I mangitou sarun mangal᷊uandaga si Tou, wuṛṛu mangaddu si Tou, manansara si Tou, wuṛṛu mangarussan Tou. Arawe su allo atallune i Tou sarun mabangunna apia.”

MARKUS 14:65

See sire pira taumata nanattakke mangngadu Mawu Yesus, wuṛṛu i mangitou nallindumma mata-Ne wuṛṛu namuulla si Tou, see nabbisara, “Si'ata'a, isai namuulla Si'o?” Manga mandariaga lai namero Mawu Yesus.

MARKUS 15:19

I mangitou namuulla pua Mawu Yesus ringannu ta'inna, see i mangitou nangaddu si Tou wuṛṛu nassubba su saruanni Tou.

YOHANES 18:22

Napawe Mawu Yesus suete nabbisara aroddi, sangkatou su wallattu mandariaga isudde namero si Tou wuṛṛu nabbisara, “Waṛṛani atonna I'o mabbisara aroddi su imam bahewa!”

YOHANES 19:3

see masokka-sokka rumanta ringanni Tou wuṛṛu mabbisara, “Nabbiakke ratun taumatan Yahudi!” Wua'udde i mangitou namero si Tou.

1 KORINTUS 4:13

amungkangngu taumata ma'umbilangngi yami, yami mabbal᷊issu wisara apan maal᷊uassa. I yami tawe nangillembo wuassu sapaddu runia indi; na'oman sara orassa indi yami ta'e aellehanna ere sapaddu runia.

TAHIUL᷊E 25:9

awingngu tuṛṛangnge apan nate udde ṛinone mangundanin tou su saruannu manga tembonannu soa, malluatta silopen taumata udde, mangaddu hatine wuṛṛu mabbisara, ‘Arendi ṛinone ola'anna su taumata maddiri mangonggolu pangangawanna su tuṛṛangnge.’

IBRANI 12:2

Ṛinone aellegi ite tuddane su Mawu Yesus, ana waugu ete i Tou namangunna pangangimanni ite wuṛṛu nappadul᷊i wuassu paarorone saran panginsueanne. Mawu Yesus natataṛṛanga susa su alu arussa! I Tou tawe mannaungnga manungku mate su alu arussa udde sambau inolaanna apan ma'asili. I Tou tumba'u mannaungnga al᷊al᷊uassa apan sarun apendaman-Ne su allo murine. Orassa indi tou ua'ianna su samba'an uanannu Ruata wuṛṛu mammarenta suadio'a ringanni Tou.