MATIUS 26:58 - WUKE SUSI WATTI'U AL᷊AL᷊USASSA

⁵⁸ I Petrus uantantalongnga Mawu Yesus wuassu marau na'oman sara su passalangannu wal᷊en imam bahewa. See i Petrus sinumuttate su passalanganna, wuṛṛu inuma'ianna su sampunna ringannu mandariaga. I tou maapulu maasingkatta ereapa panginsueanne sarangkanambone udde.

MATIUS 26:58 Iomraidhean Croise

MATIUS 26:3

Su tempo udde manga imam tembonanne wuṛṛu piaṛṛa'u Yahudi maammulla su wal᷊en araratuannu Imam Bahewa Kayafas.

MATIUS 5:25

Amungkangngu pia taumata mangalaeng kamiu su mallaṛṛuungnga, paddameten tou tal᷊abe ta'e pia tempone, tantal᷊anna taambe na'oma su mallaṛṛuungnga. Amungkangngu tawe, taumata udde sarun manantilli yamiu su mallaṛṛuungnga apan manantilli yamiu su polisi. See polisi sarun mapaasuttang kamiu sulal᷊ummu tuttupanna.

LUKAS 22:54

I mangitou nanamette Mawu Yesus see niapidda su wal᷊em imam wahewa. I Petrus tinumantalongnga ro'en marau.

YOHANES 18:25

I Simon Petrus ta'e lai uarisikka manningikka isudde. Manga taumata nabbisara si tou, “Wal᷊inewe i'o lai mallal᷊aṛṛenggennu taumata udde?” Arawe i Petrus nassinaadda, unni tou, “Wal᷊ine!”

YOHANES 19:6

Napawe manga imam temboanne wuṛṛu manga mandariaga udde naasilo Mawu Yesus, i mangitou u'ui, “Arussa'a i Tou! Arussa'a i Tou!” I Pilatus nabbisara si mangitou, “Apira'e i Tou, wuṛṛu arussa'eng kamiu sassane, i ya'u tawe naasomba saran sambau pasasal᷊a-Ne.”

YOHANES 7:32

Manga taumatam Farisi naaringikka ereapa taumata nambo udde uasasal᷊imburungnga su ola'u Mawu Yesus. Ana waugu udde su sampunna ringannu manga imam tembonanne, i mangitou nandolokku manga pira mandariaga Wal᷊e Mawu inai manametta Mawu Yesus.

YOHANES 7:45

Su tempo manga mandariaga Wal᷊e Mawu, apan nirolokka manametta Mawu Yesus nabelengke apia, manga imam tembonanne wuṛṛu manga taumatan Farisi udde naiwal᷊o si mangitou, “Anio i yamiu tawe nangapiddi Tou inawarendi?”

WATTI'U MANGA RASUL 5:22

Arawe napawe manga taumata nirolokka udde na'omate su tuttupanna, i mangitou tawe naasilo manga rasul isudde. Nariaddi i mangitou nabelengke, see nabal᷊on olangnge udde su mallaṛṛuungnga.

WATTI'U MANGA RASUL 5:26

Ne piaṛṛa'u mandariaga Wal᷊e Mawu udde su sambau ringannu mandariagane inaite nangal᷊appa manga rasul udde apia. Arawe i mangitou tawe nangal᷊appu araṛṛagissa ana waugu i mangitou matta'uttu taumata nambo; aṛṛengenne taumata nambo udde mamaretam batu si mangitou.