MATIUS 26:37 - WUKE SUSI WATTI'U AL᷊AL᷊USASSA

³⁷ See i Tou nangahe si Petrus wuṛṛu ruang katou ana'i Zebedeus inai su sampunna ringanni Tou. I Tou nanattakke maapendamma susa wuṛṛu sussinggawangnga.

MATIUS 26:37 Iomraidhean Croise

MATIUS 17:1

Napawe annummu allo nal᷊iute Mawu Yesus nangapiddi Petrus, i Yakobus wuṛṛu tuṛṛangnge i Yohanes, nanginsassa su sambau wuidda apan matanggakka.

MATIUS 20:20

Wua'udde awingngi Zebedeus wuṛṛu manga al᷊aṛṛanangnge nirumanta ringannu Mawu Yesus. Su saruannu Mawu Yesus i tou inumal᷊intuda ana piaddu doronganna.

MATIUS 4:18

Su tempo Mawu Yesus u'amatta su apannu Ranon Galilea, i Tou naasilo ruang katou samakka, eteudde i Simon (apan isassaggo lai i Petrus) ringannu tuarine i Andreas. I mangitou tantal᷊anna mannoma inassa su rano udde.

MATIUS 4:21

Mawu Yesus lapiddu inumamata, wua'udde naasilote lai ruang katou sangkatuṛṛangnga apan baine, eteudde i Yakobus wuṛṛu i Yohanes, al᷊aṛṛana'i Zebedeus. I mangitou su sampunna ringanni iamangngi mangitou mannapia soma sulal᷊ummu saalanna. Mawu Yesus namaggo si mangitou lai,

MARKUS 5:37

See Mawu Yesus inumamatta, arawe i Tou tawe namalan saran sangkatou tumantalongnga si Tou, tumba'u i Petrus see i Yakobus wuṛṛu i Yohanes sangkatuṛṛangnga.

LUKAS 22:44

Mawu Yesus tumaniten uatataṛṛangnga sansara sulal᷊ummu naung-Nge na'oman sara i Tou u'al᷊iomanna atonna-tonna. Liahane naal᷊ihida raṛṛa tutturo su leta'a.]

YOHANES 12:27

“Naungku sussinggawangnga; apa Ta'u iwisara su orassa indi? Ṛinonewe i Ya'u mabbisara, ‘Iamangnga liua'awe i Ya'u wuassu orassa indi’? Arawe tadea'u i Ya'u maapendamma orassu asasusa indi i Ya'u nirumanta.