MATIUS 26:35 - WUKE SUSI WATTI'U AL᷊AL᷊USASSA

³⁵ I Petrus sinumimbakka, “Salaiwe i ya'u ṛinone mate ringannu Iamangnga, i ya'u tawe mabbisara manungku i ya'u tawe maaillal᷊a Iamangnga!” Wuṛṛu manga mallal᷊aṛṛenggen-Ne waine nabbisara aroddi lai.

MATIUS 26:35 Iomraidhean Croise

SASABANGNGA 19:8

I mangitou sarangkanambone sinumimbakka ringannu naṛṛindo'a, “Yami mappulu tumuṛṛutta al᷊awo'a apan nirolokku Mawu,” wuṛṛu sasimbakka udde nippasingkatti Musa su Mawu. Ana see unnu Mawu si Musa, “I Ya'u sarun rumanta ringannu aoosanu winabbawa apan maappala; manga taumata sarun maddaringikka si Ya'u mabbisara si'o, wuṛṛu manattakka orassa udde i mangitou sarun sidutu mangngimanna si'o.

AMSAL 28:14

Pangaddate Mawu sidutu, ne i'o sarun su lal᷊umanna'a. Amungkangngu i'o lumawangnga si Tou, i'o sarun maasomba asasilaka.

AMSAL 29:23

Taumata matanggakka sarun iapawawo; taumata naungnge masaṛṛionto'a sarun raloanna.

MATIUS 10:33

Arawe isai-sai massinaada su saruannu awada'alla manungku i tou mallal᷊aṛṛenggeng-Ku, i Ya'u lai sarun massinaadi tou su saruannu Iamangku su surga.”

YOHANES 13:37

“Mawu, anio i ya'u tawe maatantalongnga Mawu orassa indi?” aiwal᷊on Simon Petrus apia. “I ya'u mal᷊uassa mate ana waugu Mawu!”

ROMA 11:20

Udde mangke atonna. Arawe i mangitou niramme ana waugu i mangitou tawe mangimanna, arawe tuṛṛangnga tinarimmatta ana waugu tuṛṛangnga mangimanna. Nariaddi imbaṛṛangnga tuṛṛangnga mamunga ana waugu udde; arawe ṛinone i'o pia apendamma mata'utta.

1 KORINTUS 10:12

Taumata apan massunna watanganne uarisikka matohassa, ṛinone paatehamma; arie i tou ma'oman sara maṛṛa'a.

FILIPI 2:12

Ana waugu udde, manga tuṛṛangnga apan arangnguanna, su ereapa i yamiu sidutu matuṛṛuta si ya'u su tempo i ya'u uatana'a su pattangnganni yamiu, ne nangillembo orassa indi su tempo i ite mararaute, ṛinone i yamiu sidutu tuttuṛṛuta si ya'u. I yamiu suete nisal᷊amattu Ruata, nariaddi sidutu pammanarate tadea'u paddaramenu maola'a masuungnga. Ola'e udde ringannu addata wuṛṛu tatuṛṛuta su Ruata,

1 PETRUS 1:17

I yamiu mannagon Duata udde Iamangnga su tempo i yamiu u'al᷊iomanna si Tou. Ne, ete Ruata udde apan mamarikissa taumata tumuṛṛuttu inolaannu sangkatou-sangkatou ringannu tawe pilene. Ana waugu udde tantal᷊anna i yamiu ta'e su runia indi, ṛinone i yamiu mamantuga Ruata sulal᷊ummu wiakku.