MATIUS 26:21 - WUKE SUSI WATTI'U AL᷊AL᷊USASSA

²¹ Tantal᷊anna i mangitou u'anna, Mawu Yesus nabbisara, “Paddaringikka: Sangkatou wuassu wallatti yamiu sarun mandal᷊eo si Ya'u.”

MATIUS 26:21 Iomraidhean Croise

MATIUS 26:2

“I yamiu masingkatta tillorege Allo Wahewam Paskah, wuṛṛu Ana'u Taumata sarun itantilla iapaarussa!”

MATIUS 26:22

Naaringikka aroddi, mallal᷊aṛṛenggennu Mawu Yesus mangke nasusa. See i mangitou, sangkatou ringannu sangkatou nanattakke naiwal᷊o Mawu Yesus, “Wal᷊inewe i ya'u apan su pandumanni Iamangnga udde?”

YOHANES 13:18

Apa apan Ta'u niwisara indi wal᷊inewe su ola'i yamiu sarangkanambone. I Ya'u masingkatta isai-sai apan suete nipile. Arawe apa apan uawoṛṛetta sulal᷊ummu Wuke Susi ṛinone matipussa, eteudde ‘Taumata apan u'anna su sambau ringang-Ku sarun lumawangnga si Ya'u.’

YOHANES 13:21

Napawe Mawu Yesus suete nabbisara aroddi, naungngi Tou mangke natuno. See i Tou nabbisara, “Mangke atonna wisara-U indi; sangkatou wuassu wallatti yamiu sarun mamate si Ya'u.”

YOHANES 13:22

Manga mallal᷊aṛṛenggen-Ne uaa'ellega sangkatou ringannu sangkatou, wuṛṛu lembon tinumiangnga ana waugu wagga isai apan ipappandum-Me udde.

IBRANI 4:13

Taweddu sambau riadianna apan uawuni su aellegu Ruata. Al᷊awo'u sarannapa uatantol᷊e wuṛṛu wawu'anna su saruan-Ne. Wuṛṛu i ite sarun mangonggolu sasimbakka si Tou.

SONDAPPA 2:23

Manga mallal᷊aṛṛenggenne sarun Ta'u pateanna lai tadea'u anambon jamaatta maatutukka manungku ete i Ya'u, i Tou apan masingkatu ṛingiranna wuṛṛu naungngu taumata. I yamiu sarun Ta'u wal᷊isanna tumuṛṛuttu inolaannu sangkatou-sangkatou.