MATIUS 26:13 - WUKE SUSI WATTI'U AL᷊AL᷊USASSA

¹³ Pangimante! su ahewallu runia, suapan tampa Watti'u Al᷊al᷊uassa wuassu Ruata iapasingkatta, inolaannu bawine indi sarun iwatti'a lai maola'a pananaunganna si tou.”

MATIUS 26:13 Iomraidhean Croise

DARALO 112:6

Taumata mapia tawe mabbelenga aroddi; i tou sarun nanaunganna saran mal᷊annu-l᷊annu.

YESAYA 52:9

Paggiote, ei manga winalal᷊annu Yerusalem, ana waugu Mawu nalluassa uman-Ne wuṛṛu namallossu Yerusalem.

MATIUS 24:14

Wuṛṛu Watti'u Al᷊al᷊uassa su ola'u ereapa Ruata mamarenta sarun iapasingkatta su ahewallu runia, tadea'u anambo n taumata maddaringikka. Wua'udde rumantate kiamatta.”

MATIUS 28:19

Ana waugu udde roote su anambon taumata su wowon dunia indi, ola'e i mangitou mallal᷊aṛṛenggeng-Ku. Saṛṛanite i mangitou ringannu arannu Iamangnga, wuṛṛu Ana'a, wuṛṛu Ghaṛṛahon Duata.

MARKUS 13:10

Watti'u Al᷊al᷊uassa wuassu Ruata udde sarun iapasingkatta su anambon walahanna.

MARKUS 14:9

Pangimante! Su ahewallu runia, su tampa Watti'u Al᷊al᷊uassa wuassu Ruata iapasingkatta, inolaannu wawine indi sarun iwatti'a lai, maola'a sambau pananaunganna si tou.”

MARKUS 16:15

See Mawu Yesus nabbisara si mangitou, “Roote su ahewallu runia wuṛṛu wal᷊oa'e Watti'u Al᷊al᷊uassa wuassu Ruata udde su anambon taumata.

LUKAS 24:47

Wuṛṛu lai manungku ringannu arannu Ratum Punnu Sal᷊amatta udde ṛinone iwatti'a su anambon walahanna manungku ṛinone taumata mawal᷊u wuassu rosane, wuṛṛu manungku Ruata mangampungnga rosa mangitou. Wuṛṛu watti'a udde ṛinone iapasingkatta manattakka wuassu Yerusalem.

WATTI'U MANGA RASUL 10:4

I Kornelius nanutuda mala'ekatta udde ringannu atata'utta see nabbisara, “Pia apa Mawu?” Mala'ekatta udde sinumimbakka, “Aal᷊iomannu wuṛṛu asasaṛṛionto'u naungngu sinengkampen Ruata wuṛṛu Ruata mannaungnga si'o.

ROMA 10:18

Arawe i ya'u maiwal᷊o: Atonnawe i mangitou taambe naaringikka watti'a udde? Atonna buatte! Ana waugu sulal᷊ummu Wuke Susi uawoṛṛetta arendi, “Tingikki mangitou niaringiṛṛante su ahewallu runia, manga wisaran mangitou na'omate sara petakku runia.”

ROMA 15:19

wuṛṛu manga al᷊aṛṛindu'a wuṛṛu manga inolaanna apan wahewalla; sarangkanambone udde wuassu taṛṛinon Ghaṛṛahon Ruata. Watti'u Al᷊al᷊uassa su ola'u Mawu Yesus suete ta'u niapaasingkatta su anambon taumata, nanattaka wuassu Yerusalem na'oman sara watukku Ilirikum.

2 KORINTUS 10:18

Ana waugu taumata apan raddaloanna eteudde taumata apan raddaloannu Mawu, wal᷊ine taumata maddalo watanganne sassane.

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

1 TIMOTIUS 2:6

I Tou sangkatou taumata apan suete nanantillu watangan-Ne ipamallosu anambon taumata wuassu manga rosa mangitou. Ringannu udde Ruata napaal᷊iatta'a su tempo apan na'etta'a, manungku i Tou maapulu tadea'u anambon taumata masal᷊amatta.

IBRANI 6:10

Ruata wal᷊ine Ruata tawe matul᷊ida. I Tou tawe maabul᷊i apa apan mammanaranni yamiu si Tou, wuṛṛu darangngu apan niapaasilong kamiu si Tou su tempo nantul᷊ungu manga tuṛṛanga apan pangangimanna sambau, dorone wuṛṛu sara orassa indi.

SONDAPPA 14:6

See i ya'u naasilo sangkatou mala'ekatta waine apan tuttalla'a matanggaka su langitta. Mala'ekatta udde uaapiddu watti'a su ola'u Watti'u Al᷊al᷊uassa apan awasa iapaasingkatta su taumatan runia eteudde su anambon walahanna, ṛuanganna, wahasa wuṛṛu araratuanna.

1 SAMUEL 2:30

I Ya'u, Mawu Ruatan Israel, dorone buatte naddiandi, amonannu wuṛṛu ṛuangannu sarun mangimbe si Ya'u maola'a imam sarangkal᷊o'enge. Arawe orassa indi Ya'u maddiriten olangnge udde lai! Ana waugu apan mangngaddatta si Ya'u, sarun Ta'u addatanna arawe isai mallobbossa si Ya'u, sarun Ta'u lobbosanna lai.