MATIUS 24:8 - WUKE SUSI WATTI'U AL᷊AL᷊USASSA

⁸ Sarangkanambone udde wakkute panattaṛṛanne, ere radda'a apan niapendamannu sangkatou wawine su tempo mangunsiwe.

MATIUS 24:8 Iomraidhean Croise

YESAYA 10:4

Pal᷊addu pabbiaṛṛannu tumba'u pateanna sulal᷊ummu pangalo ara'e ehetanna maola'a taumata niatawanna. Arawe Mawu ta'e sidutu massa'u wuṛṛu ta'e makkuumanna.

YESAYA 9:12

Walahannu Israel taambe lai sumassilla, salaiwe buatte niṛṛuumannu Mawu Apan Lembontaṛṛino; i mangitou taambe lai mawal᷊u.

YESAYA 9:17

Al᷊al᷊eon walahanna udde mannoṛṛobba naal᷊ihidda putungnga nangepoddu anggaṛṛumunanna ṛoaanna. Ṛenggamme naal᷊ihidda mahurangnge nasoṛṛobba ringannu timbulla sussal᷊oi.

HOSEA 13:13

Israel uatahuanna tempo ipabbiakka, arawe i tou aroddi awoddone na'oman sara tawe nappaattu tempone udde. I tou naal᷊ihidda ana'a addio'a apan tate mal᷊annu lai masungkangnga arawe maddiri sumabbangnga wuassu illoṛṛon inangngene.

MARKUS 13:8

Walahanna sambau sarun mamangalo walahanna waine. Araratuanna sambau sarun mamangalo araratuanna waine. Su al᷊awo'u tampa sarun mallinukka wuṛṛu pia al᷊al᷊unussa. Sarangkanambone udde wakkute panattaṛṛanne, ere rada'a apan niapendamannu sangkatou wawine apan mangunsiwe.

LUKAS 21:12

Arawe tantal᷊anna sarangkanambone udde taambe nariaddi, i yamiu sarun sametanna wuṛṛu sansaranna. I yamiu sarun parikisanna su manga wal᷊e pattataṛṛamawuanna wuṛṛu itaṛṛo su tuttupanna. Wuṛṛu i yamiu sarun iapidda su saruannu mararatu wuṛṛu manga tembonanne, ana waugu i yamiu mallal᷊aṛṛenggeng-Ku.

TAHIUL᷊E 28:59

Mawu sarun mandanta si yamiu wuṛṛu papapulunnu manga radda'a apan tawe mapia wuṛṛu manga riwutta apan masahadda pangundamanne.

1 TESALONIKA 5:3

Amungkangu taumata mabbisara, “Sarangkanambone mal᷊annabba wuṛṛu matammudda,” ne ete su tempo udde inaṛṛombanganne i mangitou sarun aṛṛiaannu papate wuṛṛu tawe saran sangkatou apan wotongnge maatal᷊angnga. Olangnge udde sarun mariaddi sangkaṛṛondapa, ere taddu'u sangkatou wawine apan sarun mangunsiwe.

YAKOBUS 5:1

Manga tuṛṛangnga, manga taumata ala! Padaringikka tatantiro'u. Ṛinone i yamiu lumuai wuṛṛu lumallu ana waugu i yamiu sarun matataṛṛanga asasusa!