MATIUS 24:35 - WUKE SUSI WATTI'U AL᷊AL᷊USASSA

³⁵ Langitta wuṛṛu runia sarun mawul᷊i, arawe wisara-U ma'oman sara mal᷊annu-l᷊annu.”

MATIUS 24:35 Iomraidhean Croise

DARALO 102:26

dorone I'o nandiaddi runia; langitta lai lanna'u lima-Nu.

DARALO 119:89

Mawu, ṛengetan-Nu matohassa saran mal᷊annu-l᷊annu, tawe panguddusanne su surga.

DARALO 19:7

I Tou mammal᷊intaddu langitta wuassu pentakke saran pondole; taweddu naatal᷊angnga wuassu sal᷊ihamme.

DARALO 89:34

Arawe i Ya'u sidutu marangngu si Daud, wuṛṛu tawe mabbasangkallu apapia-U.

AMSAL 30:5

Ruata nanipussu suapan paaire-Ne. I tou naal᷊ihidda allungnga su sarangkanambone apan uatillumma si Tou.

YESAYA 34:4

Matannallo, wul᷊anna wuṛṛu manga anumpitanna sarun maṛṛimunsa'a. Langitta sarun lul᷊unanna ere lul᷊unnu suratta. Manga anumpitanna sarun manawo ere manga rongnga apan natontongnga wuassu alune.

YESAYA 40:8

Wal᷊abbukka nabbal᷊i mamara wuṛṛu bunga tinumolangnga, arawe ṛengetannu Ruatan kite mattatana'a saran mal᷊annu-l᷊annu.”

YESAYA 51:6

Pa'ellege langitta wuṛṛu panailete runia; langitta sarun mawul᷊i ere timbulla wuṛṛu runia sarun matabbe ere laṛṛeme, anambon tumanangnge sarun mate ere namu'a. Arawe asasal᷊amatta apan Ta'u nionggolla sidutu sarangkal᷊o'enge, wuṛṛu auntungang-Ku tawe panguddusanne.

YESAYA 54:10

Salaiwe manga wowone manga wuidda umio'a, i Ya'u tawe illol᷊one tumal᷊antummu. Pa'airen paddarame-U sidutu Ta'u aggasanna,” wisara Mawu apan mandangngu si'o.

YESAYA 55:11

Aroddi lai wisara apan niwisara-U tawe mabbelengnga ringang-Ku ringannu tawe gunane, arawe mahessi maola'a apa apan ipa'apulu-U, wuṛṛu manuungngu al᷊awo'u pandumang-Ku.

DANIEL 4:28

Sarangkanambone udde sarun mariaddi su watangangku, Ratu Nebukadnezar.

REENGANNA 23:19

Ruata tawe ere taumata apan hampa sumassilla wuṛṛu apulune mangngawusu. Amungkangngu Ruata maddiandi i Tou sarun mangatonna! Napawe i Tou mabbisara, udde sarun matipussa!

MATIUS 5:18

Naunge! Tantal᷊anna langitta wuṛṛu runia ta'e indi, sambau woṛṛetta ara'e titi'a apan addio'anne lai sulal᷊ummu al᷊aṛṛa'a udde, tawe pappasanna amungkangngu sarangkanambone udde taambe natipussa!

MARKUS 13:31

Langitta wuṛṛu runia sarun mawul᷊i, arawe wisara-U sidutu ma'oman sara mal᷊annu-l᷊annu.”

LUKAS 21:33

Langitta wuṛṛu runia sarun mawul᷊i, arawe manga wisara-U sidutu ma'oman sara mal᷊annu-l᷊annu.”

TITUS 1:2

Al᷊aṛṛa'a udde pinangiananne wuassu antimma manungku i ite sarun manengkamma wiakka tutune wuṛṛu mal᷊annu-l᷊annu. Ruata suete na'iren wiakka udde ro'en panattaṛṛannu runia indi – wuṛṛu tawe mariaddi Ruata mangawusu.

1 PETRUS 1:25

arawe ṛengetannu Ruata siddutu sarangkal᷊oengnge.” Ṛengetanna udde Watti'u Al᷊al᷊uassa apan suete niapaasingkata si yamiu.

SONDAPPA 20:11

Napawe wua'udde i ya'u naasilo sambau adderan araratuanna mawira apan bahewalla wuṛṛu i Tou apan ua'ianna su wowone. Langitta wuṛṛu runia nawul᷊i wuassu saruan-Ne na'oman sara tate lai iasilo.

SONDAPPA 3:14

“Su mala'ekattu jamaatta su Laodikia, woṛṛetta'a arendi: Ete indi tanata wuassu Awantuhanne Amin, Mattatiala apan matammuda wuṛṛu naṛṛino, punnu al᷊awo'u sarannapa apan niola'u Ruata.

SONDAPPA 6:14

Langitta nawul᷊i naal᷊ihidda ere suratta nilul᷊unna, wuṛṛu anambon bowone wuṛṛu manga taṛṛanusa niingkata wuassu tampane.