MATIUS 24:3 - WUKE SUSI WATTI'U AL᷊AL᷊USASSA

³ Wua'udde Mawu Yesus inaite watukku Wuiddu Zaitun, wuṛṛu tantal᷊anna i Tou ua'ianna, mallal᷊aṛṛenggen-Ne nirumanta maggahatton Tou sassane. “Wal᷊oa'e si yami tingngera sarangkanambone udde sarun mariaddi,” unni mangitou si Tou. “Manga tanda apa apan mamasingkattu darantan Iamangnga wuṛṛu pangudusannu runia indi?”

MATIUS 24:3 Iomraidhean Croise

MATIUS 13:36

Wua'udde Mawu Yesus nanantangken taumata nambo udde. See sinumutta su wal᷊e. Mallal᷊aṛṛenggen-Ne nirumanta wuṛṛu nabbisara, “Tal᷊aa'o si yami sasumandingngu akke su wallattu gandumma udde.”

MATIUS 13:49

Ete aroddi olangnge su Allong Kiamatta, manga mala'ekatta sarun inai maṛṛae manga taumata lal᷊eo wuassu manga taumata apan tuttuṛṛutta apulun Ruata.

MATIUS 15:12

See manga mallal᷊aṛṛenggennu Mawu Yesus nirumanta wuṛṛu naiwal᷊o si Tou, “Iamangnga masingkatta manungku manga taumatan Farisi nasa'u su tempo naaringikka Iamangnga nabbisara aroddi?”

MATIUS 16:27

Tate mal᷊annu lai Ana'u Taumata, su sampunna ringannu manga mala'ekanNe, sarun dumanta ringannu taṛṛinon IamangNge. Su tempo udde i Tou sarun mabbal᷊issa manga taumata tumuṛṛuttu inolaannu sangkatou-sangkatou.

MATIUS 16:28

Asingkatawe! Wuassu wallatti yamiu isindi piaddu tawe mate, tantal᷊anna taambe naasilo Ana'u Taumata rumanta mamarenta ere sangkatou Ratu.”

MATIUS 17:19

Wua'udde manga mallal᷊aṛṛenggennu Mawu Yesus nirumanta ringanni Tou sassane wuṛṛu naiwal᷊o si Tou, “Iamangnga, ana waugu apa i yami tawe maal᷊imbuakka ghaṛṛaho lal᷊eo udde?”

MATIUS 21:1

Su tempo maraniten Yerusalem, i mangitou na'omate su Betfage su Wuiddu Zaitun. Isudde Mawu Yesus nandolokku ruang katou mallal᷊aṛṛenggen-Ne niapal᷊iu ṛoro.

MATIUS 24:27

ana waugu rarantan Ana'u Taumata semakke ere sawallo ma'ilatta wuassu punnu ra'i, wuṛṛu semakke na'oman sara punnu waṛṛatta.

MATIUS 24:30

Wua'udde tandan Ana'u Taumata sarun iasilo su langitta. Su tempo udde manga walahanna su runia sarun lumuai. I mangitou sarun maasilo Ana'u Taumata rumanta wuassu winabbawa ringannu taṛṛino wuṛṛu awawantuga apan bahewa.

MATIUS 24:37

Napawe Ana'u Taumata rumanta olangnge naal᷊ihidda ere su tempo i Nuh dorone.

MATIUS 24:39

Su tempo manawangnga udde nangelekki mangitou sarangkanambone, wakkute udde i mangitou naatutukka su ola'u apa apan tantal᷊anna nariaddi udde. Aroddi lai olangnge sarun mariaddi amungkangngu Ana'u Taumata rumanta.

MATIUS 24:43

Paanaunge indi! Unnu wisara tatahuannu wal᷊e masingkatta puulla sangkura su tempo ṛabbi manana'o rumanta, i tou tawe matiilla, tadea'u manana'o tawe maasutta sulal᷊ummu wal᷊ene.

MATIUS 28:20

Aṛṛa'ete i mangitou tuttuṛṛutta anambon parenta apan suete niparenta-U si yamiu. Wuṛṛu paanaunge, i Ya'u sarun maṛṛundinganna si yamiu saran panginsueannu runia indi.”

LUKAS 21:7

I mangitou naiwal᷊o Mawu Yesus, “Iamangnga Huru, angngerate olangnge udde sarun mariaddi? Wuṛṛu apa tatialane manungku nia'omante tempone olangnge udde sarun mariaddi?”

WATTI'U MANGA RASUL 1:7

Mawu Yesus sinumimbakka, “Iamangku sassane manantunnu allone wuṛṛu tempone. Udde tawe wotongnge asingkatanni yamiu, ana waugu udde apulun Iamangnga.

IBRANI 9:26

Ana waugu amungkangu aroddi, udde atappasanne i Tou masokkate matataṛṛanga ro'en runia indi niriaddi. Arawe wutte'e, orassa indi su tempo apan panginsueanne indi, i Tou nirumanta tumba'u paassa mamappasa rosa ringannu nanantillu wadang-Nge sassane.