MATIUS 24:14 - WUKE SUSI WATTI'U AL᷊AL᷊USASSA

¹⁴ Wuṛṛu Watti'u Al᷊al᷊uassa su ola'u ereapa Ruata mamarenta sarun iapasingkatta su ahewallu runia, tadea'u anambo n taumata maddaringikka. Wua'udde rumantate kiamatta.”

MATIUS 24:14 Iomraidhean Croise

YEHEZKIEL 7:10

Allon asasilaka su walahannu Israel nia'omante. Lal᷊aṛṛaga aatambanna. Awawunga ete nipangillembo.

MATIUS 10:7

Wal᷊oa'e si mangitou manungku Ruata mal᷊ihakke lai mamarenta ere sangkatou Ratu.

MATIUS 18:19

Wuṛṛu asingkatawe lai: Amungkangngu su wallatti yamiu su runia indi pia duang katou ua'ire al᷊awo'u inolaanna, wuṛṛu iaal᷊iomanna, aal᷊iomanna udde sarun sengkamannu Iamangku su surga.

MATIUS 24:3

Wua'udde Mawu Yesus inaite watukku Wuiddu Zaitun, wuṛṛu tantal᷊anna i Tou ua'ianna, mallal᷊aṛṛenggen-Ne nirumanta maggahatton Tou sassane. “Wal᷊oa'e si yami tingngera sarangkanambone udde sarun mariaddi,” unni mangitou si Tou. “Manga tanda apa apan mamasingkattu darantan Iamangnga wuṛṛu pangudusannu runia indi?”

MATIUS 24:6

I yamiu sarun maaringikka manga tingikku pangalo wuṛṛu manga watti'u pasaseetta, arawe arie i yamiu mata'utta. Ana waugu sarangkanambone udde sarun mariaddi, arawe udde tawe wawal᷊o manungku tempong kiamatta nia'omante.

MATIUS 4:23

Su Galilea, Mawu Yesus namal᷊iwutte ahewallu wanua wuṛṛu mangngaṛṛa'a su anambon bal᷊em pattataṛṛamawuanna. I Tou mabbatti'u Watti'u Al᷊al᷊uassa manungku Ruata sarun mamarenta. Wuṛṛu i Tou lai mapaapian manga taumata apan maradda'a wuṛṛu pia sangkulle.

MATIUS 9:35

Aroddiwe Mawu Yesus inaite namal᷊iwutta wuassu soa sambau watukku soa waine wuṛṛu wuassu wanua sambau watukku wanua waine. I Tou mangngaṛṛa'a su manga wal᷊em pattataṛṛamawuanna, wuṛṛu mammasingkattu Watti'u Al᷊al᷊uassa su ola'u ereapa Ruata mamarenta ere sangkatou Ratu. I Tou mapaapian manga taumata apan uapendamma al᷊awo'u radda'a wuṛṛu sangkullu wadangnga.

MARKUS 13:10

Watti'u Al᷊al᷊uassa wuassu Ruata udde sarun iapasingkatta su anambon walahanna.

LUKAS 2:1

Su tempo udde i Kaisar Agustus namarenta tadea'u anambon tumana'u Araratuannu Roma maiwoṛṛettu aranne ana see ireengnga.

LUKAS 24:47

Wuṛṛu lai manungku ringannu arannu Ratum Punnu Sal᷊amatta udde ṛinone iwatti'a su anambon walahanna manungku ṛinone taumata mawal᷊u wuassu rosane, wuṛṛu manungku Ruata mangampungnga rosa mangitou. Wuṛṛu watti'a udde ṛinone iapasingkatta manattakka wuassu Yerusalem.

LUKAS 4:5

See Setanna nangapiddu Mawu Yesus su tampa apan matanggakka wuṛṛu tumba'u sangkaṛṛondapa Setanna namasilo si Tou anambon araratuanna su runia.

WATTI'U MANGA RASUL 1:2

na'oman sara allone i Tou nasengkengnga su surga. Tantal᷊anna i Tou taambe nasengkengnga su surga, ringannu taṛṛinon Ghaṛṛahon Ruata i Tou mannantiro manga rasul apan sueten pinile.

WATTI'U MANGA RASUL 11:28

Su wallatti mangitou pia sangkatou aranne i Agabus. Wuassu piaṛṛa'u Ghaṛṛahon Ruata i tou nabbati'a manungku su ahewallu runia sarun mariaddi tempon al᷊aṛṛutumma apan bahewalla. (Wuṛṛu olangnge udde natipusse su tempo i Klaudius uaparenta.)

WATTI'U MANGA RASUL 17:31

Ana waugu i Tou suete nanantunnu sambau tempo ipamarikissa ahewallu runia indi ringannu atatul᷊idda. Manara udde sarun olaannu sangkatou apan suete nipilen Ruata su ipa'ola'a manara udde. Wuṛṛu tadea'u anambon taumata ma'asunna olangnge udde, Ruata suete napaawiakku taumata apia udde wuassu papate!”

WATTI'U MANGA RASUL 17:6

Arawe su tempo i mangitou tawe naasomba si Paulus wuṛṛu si Silas, i mangitou namol᷊engnga si Yason wuṛṛu manga pira taumata mangngimanna waine, sinumaruanna manga tembonanne apan uaparenta su soa udde. I mangitou u'ui, “Manga taumata indi mangngal᷊iba'ukka su al᷊awo'u tampa! Orassa indi soang kite lai nirantanni mangitou,

WATTI'U MANGA RASUL 19:27

Ma'ata'utta manungku manarang kite indi sarun maasomba aranna lal᷊eo. Wuṛṛu wal᷊ine tumba'u udde, ewe'e wal᷊en Monganni Artemis lai sarun tawe saileanna see al᷊aṛṛangnge mangke laṛṛindanna; sumbal᷊i i tou monganna apan sassubbannu anambon taumata su leta'u Asia wuṛṛu su ahewallu runia!”

WATTI'U MANGA RASUL 20:25

I ya'u suete nattembo manga tuṛṛangnga sarangkanambone wuṛṛu suete namasingkatta lai su ola'u ereapa Ruata mamarenta ere sangkatou Ratu. Orassa indi ya'u mammendamma tate lai massomba manga tuṛṛangnga.

ROMA 10:18

Arawe i ya'u maiwal᷊o: Atonnawe i mangitou taambe naaringikka watti'a udde? Atonna buatte! Ana waugu sulal᷊ummu Wuke Susi uawoṛṛetta arendi, “Tingikki mangitou niaringiṛṛante su ahewallu runia, manga wisaran mangitou na'omate sara petakku runia.”

KOLOSE 1:23

Arawe i yamiu ṛinone sidutu matuṛṛutta mangngimanna wuṛṛu matohassa uarisikka su pangangimannu. Imbaṛṛanga i yamiu mamallosu antimma apan suete nionggolla si yamiu su tempo i yamiu nanengkamma Watti'u Al᷊al᷊uassa wuassu Ruata. Watti'a udde suete niapaasingkata su anambon taumata su ahewallu runia. Wuṛṛu ana waugu udde lai ya'u, Paulus, naola'e darol᷊oṛṛan-Ne.

KOLOSE 1:6

Watti'a wuassu Ruata udde nassal᷊iawukke su ahewallu runia, wuṛṛu wiakku taumata sidutu aal᷊amatannu watti'a udde, ere lai wiakku nial᷊amatanna ro'en su tempo i yamiu naaringikka ola'u darangngun Duata wuṛṛu atonna-tonna nusippa sulal᷊ummu naungngu.

IBRANI 1:6

Arawe su tempo Ruata nandolokku Anang-Nge pahul᷊u watukku runia indi, Ruata nabbisara arendi, “Anambon mala'ekattu Ruata ṛinone massuba Ana'a udde.”

IBRANI 2:5

Manga mala'ekatta tawe naasomba taṛṛino wuassu Ruata ipamarenta runia wakku apan sarun dumanta, eteudde runia apan tantal᷊anna ipagahatong kite indi.

SONDAPPA 14:6

See i ya'u naasilo sangkatou mala'ekatta waine apan tuttalla'a matanggaka su langitta. Mala'ekatta udde uaapiddu watti'a su ola'u Watti'u Al᷊al᷊uassa apan awasa iapaasingkatta su taumatan runia eteudde su anambon walahanna, ṛuanganna, wahasa wuṛṛu araratuanna.

SONDAPPA 16:14

I mangitou eteudde manga ghaṛṛaho lal᷊eo apan ma'ola'a manga al᷊aṛṛindu'a. Tatallu ghaṛṛaho udde inaite su anambon manga ratu su ahewallu runia wuṛṛu nangammule mangitou mapapangalo su Allo apan wahewalla, eteudde Allo wuassu Ruata Lembon Taṛṛino.

SONDAPPA 3:10

Ana waugu i yamiu suete tinumuṛṛuta parenta-U tadea'u mangngimanna, i Ya'u lai sarun manillumma si yamiu wuassu tempon asasusa apan sarun mariaddi su ahewallu runia. Olangnge udde sarun mariaddi ipamono'a anambon taumata su runia.