MATIUS 24:13 - WUKE SUSI WATTI'U AL᷊AL᷊USASSA

¹³ Arawe taumata apan matataṛṛangnga saran pangudusanne, sarun masal᷊amatta.

MATIUS 24:13 Iomraidhean Croise

MATIUS 10:22

I yamiu sarun ia'arantinnu anambon taumata ana waugu i yamiu mallal᷊aṛṛenggeng-Ku. Arawe taumata apan matataṛṛangnga ma'oman sara panginsueanne sarun iapaaralukka.

MATIUS 24:12

Al᷊al᷊eo sarun ṛumite aroddi ahewalle ma'oman sara manambo taumata tate lai maddarangngu.

MATIUS 24:6

I yamiu sarun maaringikka manga tingikku pangalo wuṛṛu manga watti'u pasaseetta, arawe arie i yamiu mata'utta. Ana waugu sarangkanambone udde sarun mariaddi, arawe udde tawe wawal᷊o manungku tempong kiamatta nia'omante.

MARKUS 13:13

I yamiu sarun iarintinnu anambon taumata ana waugu yamiu mallal᷊aṛṛenggeng-Ku. Arawe taumata apan matataṛṛangnga ma'oman sara panginsueanne sarun masal᷊amatta.”

LUKAS 21:19

Amungkangngu i yamiu mataṛṛangnga wuṛṛu masabare i yamiu masal᷊amatta.”

LUKAS 8:15

Wualanna nanawo su leta'a masuwukka isassumandingnga su taumata madaringikka watti'a udde, see sinahipunna sulal᷊ummu naungnge apan baresi wuṛṛu matul᷊ida. I mangitou natataṛṛangnga na'oman sara nabua.”

ROMA 2:7

Ruata mangonggolu wiakka tutune wuṛṛu saran mal᷊annu-l᷊annu si mangitou apan sidutu ma'ola'a apapia tadea'u maasomba apan awantuhanne, wuṛṛu apan aaddatanna wuṛṛu apan sarun uatialu.

1 KORINTUS 1:8

Kristus sassane sarun mandiaga si yamiu ma'oman sara pangudusanne; tadea'u su tempo i Tou rumanta apia, i yamiu aratinganna tawe sangkule.

IBRANI 10:39

I ite indi wal᷊inewe walahanna apan sussoṛṛota wuṛṛu u'al᷊iwu. Arawe i ite uddewe walahanna apan mangngimanna Ruata wuṛṛu apan iapaasal᷊amatta.

IBRANI 3:14

I ite sarangkanambone uddewe sanggaweanna sulal᷊ummu manara ringanni Kristus, sawal᷊iate saran pangudusanne i ite uaaggasa pangangimanna apan tatahuananni ite ro'en paarorone.

IBRANI 3:6

Arawe i Kristus matuṛṛuta ere sangkatou Ana'a apan uariaga Wal᷊en Ruata. Wuṛṛu ete i ite indi Wal᷊en Ruata, amungkangu i ite sidutu maṛṛimadda wuṛṛu sidutu mangngimanna maasomba apa apan aantimanni ite.

SONDAPPA 2:10

Arie matta'uttu asasusa apan tate mal᷊annu lai apendamanni yamiu. Paanaunge, Setanna sarun mantaṛṛon sangkawageanganna wuassi yamiu sulal᷊ummu tuttupanna, ana waugu ipamono'a si yamiu. I yamiu sarun matataṛṛanga mapul᷊o allo al᷊annune. Ṛinone i yamiu matuṛṛuta si Ya'u ma'oman sara mate, ne i Ya'u sarun mangonggola si yamiu wiakka tutune wuṛṛu saran mal᷊annu-l᷊annu apan maola'a sambau lal᷊antaku naauntunga.