MATIUS 23:39 - WUKE SUSI WATTI'U AL᷊AL᷊USASSA

³⁹ Paasingkate: Manattakka wuassu orassa indi, i'o tate lai maasilo si Ya'u ma'oman sara i'o mabbisara, ‘Nial᷊amatanna i Tou apan nirumanta ringannu arannu Mawu.’ ”

MATIUS 23:39 Iomraidhean Croise

DARALO 118:26

Nial᷊amatante i tou apan nirumanta ringannu arannu Mawu, i yami mangal᷊amatta si yamiu wuassu Wal᷊en Mawu.

HOSEA 3:4

Etearoddi olangnge ringannu walahannu Israel; mal᷊annu atonna i mangitou mbbiakka ringannu tawe ratu ara'e piaṛṛa'a, tawe sasamba ara'e manga pale sassubbanna, tawe manga monganna ara'e manga laṛṛopa apan mamasingkattu addapingngu allo addantane.

ZAKARIA 12:10

Wua'udde papapulunni Daud see tumana'u Yerusalem sarun Ta'u onggol᷊annu naungnga masingkatta umakkanna wuṛṛu mappulu umal᷊iomanna. I mangitou sarun ma'ellega si tou apan buatte niusu'i mangitou wuṛṛu lumallu ere taumata lulluain anangnge man sambau. I mangitou sarun lumallu ringannu sussangitta, naal᷊ihidda ere taumata apan niawul᷊iannu ana'a pahul᷊u.

MATIUS 21:9

Taumata nambo apan u'amatta rorone, wuṛṛu su liuddu Mawu Yesus u'ui, “Awawantuga su Ana'i Daud! Nial᷊amatanna i Tou apan nirumanta ringannu arannu Mawu! Padalote Ruata apan Atanggaṛṛanne!”

LUKAS 17:22

Wua'udde Mawu Yesus nabbisara su manga mallal᷊aṛṛenggen-Ne, “Sarun dumanta tempone i yamiu ma'apulu ma'ellega sambau allo wuassu manga allon Ana'u Taumata, arawe i yamiu tawe maasilo allo udde.

YOHANES 14:19

Tate mal᷊annu runia maasilo si Ya'u. Arawe i yamiu sarun maasilo si Ya'u. Wuṛṛu ana waugu i Ya'u wiakka, i yamiu lai sarun mabbiakka.

YOHANES 14:9

Arawe Mawu Yesus sinumimbakka, “Mal᷊annute i Ya'u su sambau ringanni yamiu, i yamiu taambe lai naaillal᷊a si Ya'u, Filipus? Taumata apan naasilote si Ya'u, naasilote lai Iamangnga. Ereapa i'o wotongnge mabbisara, ‘Ta'ea'a Iamangnga si yami’?

YOHANES 8:21

Mawu Yesus nabbisara apia si mangitou, “I Ya'u inaite, wuṛṛu i yamiu sarun maddea'a si Ya'u, arawe i yamiu sarun mate sulal᷊ummu rosanu. Su tampa Ta'u rantanna, i yamiu tawe maaranta.”

YOHANES 8:24

Ana waugu udde i Ya'u mabbisara si yamiu, manungku i yamiu sarun mate sulal᷊ummu manga rosanu. Wuṛṛu atonna i yamiu sarun mate sulal᷊ummu manga rosanu, amungkangngu i yamiu tawe mangngimanna manungku, ‘ete i Ya'u i Tou apan isassago I YA'U INDI’. ”

YOHANES 8:56

Iamangngu Abraham lembon lulluassa, manungku i tou sarun maasilo allo-U. I tou naasilote wuṛṛu i tou mangke lulluassa!”

ROMA 11:25

Manga tuṛṛangnga! I ya'u mangantimma yamiu arie mamendamma manungku yamiu masingkaten sarangkanambone. Ana waugu pia sambau apan ipaapulun Duata, arawe taambe niasingkatannu taumata. Wuṛṛu i ya'u maapulu i yamiu maasingkata; eteudde indi: Sangkawageanganna wuassu taumatan Yahudi apan mal᷊awangnga, arawe pallal᷊agu mangitou udde tumba'u ma'oma su tempone, napawe anambon taumata apan wal᷊ine Yahudi apan rudanta ringannu Ruata udde natimute.