MATIUS 23:35 - WUKE SUSI WATTI'U AL᷊AL᷊USASSA

³⁵ Ana waugu udde, i yamiu sarun iṛṛuumanna ana waugu pamamate apan niola'a su manga taumata apan tawe sal᷊ane – nanatakka wuassu pamamate si Habel apan tawe sal᷊ane, na'oman sara pamamate si Zakharia ana'i Berekia apan nipateng kamiu su wallattu Wal᷊e Mawu wuṛṛu tampan sasamba.

MATIUS 23:35 Iomraidhean Croise

PANDARIADDI 4:8

Ana see unni i Kain si Habel, tuarine, “Wette iaddua inai su wailla.” Su tempo itarua na'omate isudde, i Kain namangalo wuṛṛu namate si Habel tuarine.

2 MARARATU 21:16

Wal᷊ine lai wuassu taumatan Yehuda na'ola'a rosa su Mawu ringannu massubba paal᷊uanna, i Manasye namate lai manambo taumata apan tawe sal᷊ane na'oman sara daṛṛa nangelekka su al᷊awo'u tampa su Yerusalem.

2 MARARATU 24:4

nangillembo lai ana waugu anambon pamamate apan niolangnge su saruannu manga taumata apan tawe sal᷊ane. Mawu maddiri mangampunga si Manasye ana waugu inolaane udde.

YESAYA 14:21

Pallaṛṛata malihakke itattakka! Manga parinsinu sarun mate ana waugu rosan al᷊amonan mangitou. Tawe saran sangkatou wuassi mangitou apan mamarenta su runia ara'e mapararisikku manga soa.”

YESAYA 26:21

Mawu sarun sumossokka wuassu atatanaan-Ne su surga makkuumannu tumana'u runia ana waugu rosan mangitou. Pamamate apan a'olaanni mangitou apan iwabbuni sarun matualaga. Leta'a tate lai manaappa manga taumata apan nate nipate.

YEREMIA 2:30

Tawe gunane I yamiu Ta'u iṛṛuumanna, ana waugu i yamiu maddiri maddaringikka tataggu. Ere singa apan tantal᷊anna tuttambo, etearoddi lai i yamiu mamate manga nabinu.

YEREMIA 2:34

Laungngu pia luhuddu daṛṛan taumata asiangnga wuṛṛu taumata apan tawe sal᷊ane, wal᷊ine ana waugu daṛṛan manana'o apan niasametta. Arawe ana waugu udde,

YEREMIA 26:15

Arawe naunge, amungkangngu i yamiu mamate si ya'u, i yamiu wuṛṛu tumana'u soa indi sarun mamasanna pasasal᷊a su pamamate taumata apan tawe sal᷊ane. Ana waugu, ete Mawu apan nandolo'u mamasingkattu tataggu udde si yamiu.”

YEREMIA 26:23

Ana see i mangitou nangapiddi tou mabbelengna ringanni Ratu Yoyakim. Wua'udde ratu nandolokka niapapate si tou, wuṛṛu winal᷊unanne niramme su labbingngu awadaalla.

YEREMIA 26:8

Tawe nal᷊annu napawe i ya'u buatte namasingkattu anambon tanata Mawu ere buatte niparenta Mawu, i mangitou nanametta si ya'u lapiddu mangngintul᷊i, “I'o ṛinone nate!

ZAKARIA 1:1

Su wul᷊anna aual᷊une sulal᷊ummu tonna aruane sutempo i Ratu Darius uaparenta Persia, Mawu namasingkattu tanata indi si ya'u, Nabi Zakaria ana'i Berekhya wuṛṛu pulunni Ido.

REENGANNA 35:33

Amungkangngu inolaanni yamiu aroddi, yamiu mandal᷊eo leta'a apan wawanuanni yamiu. Pamamate maal᷊al᷊eo wanua; nariaddi tawe dal᷊anne waine ipamaresi wanua udde tumba'u ringannu manawutta niawan taṛṛa pate udde.

LUKAS 11:51

nanattakka wuassu pamamate si Habel na'oman sara pamamate si Zakharia, apan nariaddi su wallattu pangadoannu sasamba wuṛṛu Wal᷊e Mawu. Pangimante: Manga taumata orassa indi sarun iṛṛuumanna ana waugu sarangkanambone udde.

WATTI'U MANGA RASUL 5:28

I tou nabbisara, “I yami suete naningaddi yamiu tadea'u ariete pangaṛṛa'u arannu taumata udde. Arawe orassa indi pa'ellege apa inolaanni yamiu! I yamiu mannal᷊iawukku al᷊aṛṛa'i yamiu su ahewallu Yerusalem, wuṛṛu i yamiu mangngansilla manungku ete i yami nipandansilanannu papaten taumata udde.”

IBRANI 11:4

Ana waugu mangngimanna, ne i Habel nangonggolu sasamba apan apianne su Ruata wuassu aonggoli Kain. Ana waugu pangangimanne udde, Habel tinarimmatu Ruata naola'a sangkatou taumata apan mapia, ana waugu nilumiatta'e manungku Ruata nanengkamma aonggole. I Habel natete, arawe ana waugu pangangimanne udde, ne i tou ta'e uahahatto sara orassa indi.

IBRANI 12:24

I yamiu nirumanta sumaruanna Mawu Yesus, Uatangnga pa'aire apan wakku udde; i yamiu sumaruanna ṛaṛṛa wawokka apan wotongnge maola'a tatubbusu inolaanna apan lembon apianne wuassu apan nitubbusanu ṛaṛṛan Habel.

SONDAPPA 18:24

Babel niṛṛuumanna ana waugu sulal᷊ummu soa udde suete niasombanganna ṛaṛṛa manga nabi, ṛaṛṛa manga al᷊aṛṛana'u Ruata – aunne ṛaṛṛan anambon taumata apan suete nipate su wowon runia indi.