MATIUS 23:27 - WUKE SUSI WATTI'U AL᷊AL᷊USASSA

²⁷ Nasilakate i yamiu manga hurun agama wuṛṛu manga taumatan Farisi! I yamiu taṛṛa lilangkamal᷊e'a! I yamiu naal᷊ihidda ere manga holangnga apan niwuṛṛannu mawira; su liudde ellehanna maṛṛansangnga, arawe sulal᷊umme napenen duṛṛi wuṛṛu sarangkanambone apan mawuku'a.

MATIUS 23:27 Iomraidhean Croise

AMSAL 26:23

Naal᷊ihidda urinna leta'a nioosannu sal᷊a'a, aroddi lai taumata matemangnga su moṛṛongnge arawe naungnge lal᷊eo.

REENGANNA 19:16

Suapan taumata apan naeṛṛetannu asuangngu taumata mate pateanna, ara'e nate sassane su wailla, mabbal᷊i ma'arantinna al᷊annune pitu allo. Aroddi lai taumata apan nangeṛṛetta labbingnga ara'e duṛṛi taumata nate.

MATIUS 23:28

Aroddi lai yamiu. Wuassu liudde i yamiu ellehanna taumata mapia; arawe sulal᷊umme, i yamiu napenen awusu wuṛṛu al᷊awo'u lal᷊awangnga.”

LUKAS 11:44

Nasilakate i yamiu! I yamiu ere lal᷊abinganna tawe aranne, apan raṛṛindannu taumata awagananna.”

WATTI'U MANGA RASUL 23:3

Ne i Paulus nabbisara imam bahewa udde, “Ruata sarun mamero si'o, taumata lilangkamal᷊e'a apan ma'iellega na'ukkassa! I'o uaianna isudde mammarikissa si ya'u tumuṛṛuttu Tita Musa, wutte'e i'o sassane nilumawangnga Tita udde ringannu nandolokku taumata niapapero si ya'u!”

GALATIA 6:12

Manga taumata apan maapulu mapaatolon batanganne ringannu inolaannu runia, ete i mangitou apan mappandumma mamata'i yamiu tumuṛṛutta atorannu sunatta. Arawe i mangitou na'ola'a udde tumba'u tadea'u i mangitou tawe sansarannu taumatan Yahudi ana waugu arussa Mawu Yesus.