MATIUS 23:16 - WUKE SUSI WATTI'U AL᷊AL᷊USASSA

¹⁶ Nasilakate i yamiu manga piaṛṛangnge apan buta! I yamiu mangngaṛṛa'a ereindi, ‘Amungkangngu taumata massalu ringannu arannu Wal᷊e Mawu, taumata udde tawe aiitannu sasalune; arawe amungkangngu i tou nassalu ringannu arannu wul᷊awanna sulal᷊ummu Wal᷊e Mawu, i tou aiitannu sasalune udde.’

MATIUS 23:16 Iomraidhean Croise

YESAYA 9:16

Walahanna udde nassina'adde wuṛṛu nal᷊al᷊eote wuṛṛu anambon wisara mangitou lal᷊eo. Ana waugu udde suwallattu manga umbasanna tawe saran sangkatou apan niapaal᷊iu Mawu. I tou tawe niumakkannu wawine wal᷊u wuṛṛu asisitimpal᷊ussa. Arawe Mawu ta'e massa'u wuṛṛu ta'e makkuumanna.

MATIUS 15:14

Ariete maddaringikka manga taumatan Farisi udde. I mangitou udde mangngehetta taumata wuta; wuṛṛu amungkangngu taumata wuta mangehetta taumata wuta, itarua sarun manawo sulal᷊ummu loṛṛangnga.”

MATIUS 23:13

“Nasilakate i yamiu manga hurun agama wuṛṛu manga taumatan Farisi! Yamiu taṛṛa lilangkamal᷊e'a. I yamiu mannal᷊awa'a taumata ma'apulu maola'a lal᷊oṛṛon araratuannu Ruata. I yamiu sassane madiri maola'a lal᷊oṛṛon araratuannu Ruata, wuṛṛu taumata waine apan maapulu, sassal᷊awaanni yamiu. [

MATIUS 23:17

I yamiu manga taumata woddo apan buta! Suapa ahunanne: Wul᷊awanna, ara'e Wal᷊e Mawu apan na'ola'a wul᷊awanna udde na'ukkassa?

MATIUS 23:19

Tumanitem buta i yamiu! Suapa ahunanne? Sasamba ara'e tampan sasamba apan na'ola'a sasamba udde na'ukkassa?

MATIUS 23:24

I yamiu manga piaṛṛangnge apan buta! Lango sulal᷊ummu ua'enu, ia'atapissi yamiu, wutte'e unta aallupanni yamiu!

MATIUS 23:26

Farisi wuta! Ukkassa asuene pa'awaresi lal᷊ummu manga mangko wuṛṛu manga lamangngu, tadea'u liudde mawaresi lai!

GALATIA 5:3

Paassa lai ya'u mappaanaungnga su taumata apan ma'isunatta, manungku i tou ṛinone mappaamattu anambon titan agama!

YAKOBUS 5:12

Apan apianne eteudde: Arie massalu, mawae ringannu arannu langitta, ara'e arannu runia, ara'e ringannu manga apa lai. Wal᷊oa'e “Ore” amungkangu pandumannu ore, wuṛṛu “Tawe” amungkangu pandumannu tawe; tadea'u i yamiu tawe maasomba ṛuumannu Ruata.