MATIUS 22:13 - WUKE SUSI WATTI'U AL᷊AL᷊USASSA

¹³ See ratu udde nabbisara su manga ralol᷊oṛṛanne, ‘Ṛapussa leddane wuṛṛu liman taumata indi, wuṛṛu rammea'a i tou su liudde su tampa apan marandumma. Poiaroddi pia lal᷊uai wuṛṛu asasusa.’ ”

MATIUS 22:13 Iomraidhean Croise

DARALO 112:10

Taumata lal᷊eo maasilo si tou wuṛṛu nabbal᷊i massa'u; i mangitou mangngasan isi ana waugu maddantinna. Ana see i mangitou nate; antimmi mangitou nawul᷊i saran mal᷊annu-l᷊annu.

DARALO 37:12

Taumata lal᷊eo manggol᷊agu al᷊al᷊eo su taumata mapia, wuṛṛu ma'ellega ringannu ararantinna.

YESAYA 52:1

Pabbangunte, ei Yerusalem, pabbangunte! Tohasse naungngu! Luṛṛea'e laubbu awawantugu! Ei Yerusalem, soa apan susi, taumata marosa tate lai maasutta sumabbi su ngaranu.

DANIEL 3:20

Wua'udde i tou nandolokku manga pira taumata apan atohasanne wuassu tantarane iapaṛṛapussa si Sadrakh, Mesakh wuṛṛu Abednego, see iapatuntungngi mangitou sulal᷊ummu pandu'a apan lukkenggamma udde.

MATIUS 12:29

Ereapa taumata wotongnge maasutta sulal᷊ummu wal᷊en sangkatou apan matohassa wuṛṛu mangaṛṛo darotongnge, amungkangngu i tou tawe maṛṛapussa dorone taumata matohassa udde? Wua'udde i tou wotongngete mangaṛṛo darotongnge.

MATIUS 13:30

Wala'e akke udde tumuwo su sampunna ma'oman sara orassu pangangitingnga. Paṛṛado i ya'u mabbisara su manga taumata apan mangitingnga: Ammul᷊a'a rorone manga akke udde, wa'issa see tutungnga. Wua'udde ammul᷊a'a gandumma, see sahipunna sulal᷊ummu wal᷊ingkakka.’ ”

MATIUS 13:42

I mangitou sarangkanambone sarun iramme sulal᷊ummu sunggilla pia putungnge apan luṛṛenggamma, isudde i mangitou sarun lumuai wuṛṛu matataṛṛangnga.

MATIUS 13:50

Wua'udde manga taumata lal᷊eo udde iramme sulal᷊ummu sunggilla pia putungnge. Isuddewe i mangitou sarun lumuai wuṛṛu matataṛṛangnga.”

MATIUS 24:51

Ne mangangimbe udde sarun puul᷊annu mawune wuṛṛu iramme su tampa manga taumata lilangkamal᷊e'a. I mangitou sarun lumuai wuṛṛu matataṛṛangnga poiaroddi.”

MATIUS 25:30

Wuṛṛu mangangimbe apan tawe gunane udde, rammea'e sulal᷊ummu ararandumma su liudde. Poiaroddi i tou sarun lumuai wuṛṛu matataṛṛangnga asasusa!’ ”

MATIUS 8:12

Arawe manga taumata apan ṛinone maola'a al᷊aṛṛana'u Ruata sarun iramme su ararandumma su liudde. Isudde i mangitou sarun lumuai wuṛṛu matataṛṛangngu asasusa.”

LUKAS 13:28

Su tempo i yamiu naasilo si Abraham, si Ishak wuṛṛu si Yakub wuṛṛu anambon manga nabi lulluassa sulal᷊ummu Runia Wakku Ruata, i yamiu sarun lumuai wuṛṛu matataṛṛangnga susa ana waugu i yamiu sassane nillimbuaṛṛanna watukku liudde!

YOHANES 21:18

Mangke atonna wisara-U indi: Su tempo i'o ta'e dario'a, i'o sassane mamma'issa lawannu, wuṛṛu u'amatta su al᷊awo'u tampa ipaapulunu. Arawe amungkangngu i'o timmaddete, i'o mangngul᷊ukku limanu, wuṛṛu taumata waine mamma'issa si'o wuṛṛu mangapidda su tampa apan ipaadirinu.”

WATTI'U MANGA RASUL 21:11

I tou nirumanta ringanni yami ana see nanganu papeṛṛetti Paulus. Ringannu papeṛṛetta udde i tou nama'issa ledda wuṛṛu limane sassane ana see nabbisara, “Ete indi apan niapaasingkattu Ghaṛṛahon Ruata: Tatahuannu papeṛṛetta indi sarun ṛapusannu manga taumatan Yahudi ereindi su Yerusalem, wuṛṛu itantilla su manga taumata wal᷊ine Yahudi.”

WATTI'U MANGA RASUL 7:54

Aroddi manga ammul᷊annu Mallaṛṛuungngu Agama udde naaringikka sarangkanambone apan niwisaran i Stefanus, i mangitou nannaungnga lal᷊eo wuṛṛu nasa'u atonna si tou.

2 TESALONIKA 1:9

Manga taumata udde sarun manengkamma ṛuumanna papate sarangkal᷊o'engnge, iramme su liudde wuassu ammul᷊annu taumata Mawu wuṛṛu wuassu taṛṛino-Ne apan mawantuga;

2 PETRUS 2:17

Manga huru awusu udde nal᷊ihida ere al᷊imatan kua'e apan namara wuṛṛu naal᷊ihida ere rallamma nitiuppu anginna al᷊isusu. Ruata suete nanaddia tampane, sambau tampa apan tumaniten maranduma.

2 PETRUS 2:4

Manga mala'ekatta apan marosa lai tawe iwalan Duata mal᷊iu wuassu ṛuumanna, ewe'e iramme sulal᷊ummu naraka. I mangitou iwontola sulal᷊ummu rampissa apan maranduma wuṛṛu taṛṛanganna poiaroddi madatingngu Allo Pamarikisanna.

YUDAS 1:13

Ere lai lua'a mal᷊aragga su tahal᷊oangnga lullupa, aroddi lai i mangitou lullupa manga inolaanna apan maasili. I mangitou ere lai manga anumpitanna apan lullallele apan suete nisaddian Duata tampane sulal᷊ummu araranduma apan masaddatta ma'oman sara mal᷊annu-l᷊annu.

YUDAS 1:6

Paanaunge lai manga mala'ekatta apan nalliu passarannu taṛṛino mangitou, naoman sara nanantangu tampa atatanaanni mangitou. Ruata namantungu manga mala'ekatta udde ringannu ṛate apan tawe mawu'a, sulal᷊ummu tampa apan marandumma su al᷊ungngu runia. Poiaroddi i mangitou siddutu tataṛṛanganna ma'oman sara i mangitou iṛṛu'umanna su Allo apan wahewalla udde.

SONDAPPA 21:27

Arawe taumata apan inolaanne ma'arantina, ara'e taumata taṛṛa wahia – aunne al᷊awo'u alal᷊eo, tawe maasutta sulal᷊umme. Apan botongnge maasutta tumba'u taumata apan aranne uawoṛṛetta sulal᷊ummu Wuken Taumata Wiakka, Wuken Ana'u Domba udde.