MATIUS 21:5 - WUKE SUSI WATTI'U AL᷊AL᷊USASSA

⁵ “Wal᷊oa'a su Sion, Ratunu tantal᷊anna rudanta ringanni yamiu I tou masaṛṛionto'a wuṛṛu uasa'e sambau keledai, sambau ana'u keledai saṛṛen tumuwo.”

MATIUS 21:5 Iomraidhean Croise

PANDARIADDI 49:10

I Yehuda sarun mangagassa ta'innu araratuanna, papapalunne sarun mamarenta saran mal᷊annu-l᷊annu. Manga walahanna sarun mangapiddu aonggolla, wuṛṛu umal᷊intudda ringannu uasuṛṛubbawa su saruanne.

2 SAMUEL 16:2

I Daud naiwal᷊o si tou, “Ipa'ura sarangkanambone indi?” I Ziba sinumimbakka, “Manga keledai indi ipaatta maola'a winatangnga sasa'eannu amonanni Tuangnga, roti wuṛṛu manga wuan kaal᷊uanna indi ionggolla su mangangimben Tuangnga, wuṛṛu ua'e anggore ionggolla si mangitou apan nasahadde su wadda'a.”

1 MARARATU 1:33

ratu nabbisarate si mangitou, “Waggoite manga tembonnanu araratuangku wuṛṛu roote suadio'a ringanni mangitou inai ringanni Salomo parinsi'u. Lurana'e i tou su bagal pussaa'u sassane, wuṛṛu apira'e i tou watukku al᷊imatan ua'en Gihon.

1 MARARATU 10:26

I Salomo na'ola'a tantaran pangalo apan anambone 1.400 keretan pangalo wuṛṛu 12.000 tantara uasa'e awal᷊o. Sambageanganna niaddone su Yerusalem wuṛṛu lambene su al᷊awo'u soa waine.

DARALO 9:14

Pa'ellege, seetta mannansara si ya'u; akkanaawe i ya'u, oh Mawu, liuaawe i ya'u wuassu papate,

YESAYA 12:6

Paggiote ei manga tumana'u Sion, pangantarite ringannu lulluassa. Ruata na'ukassu Israel mangke mawantuga, i Tou uatana'a su pattangnganni yamiu.”

YESAYA 40:9

Saate su wowone apan matanggakka, wuṛṛu al᷊iata'e watti'u al᷊al᷊uassa su Yerusalem! Pangintul᷊ite ringannu tingikka matelengnga, wuṛṛu al᷊iata'e watti'u al᷊al᷊uassa su Sion! Wal᷊oa'e su manga soan Yehuda manungku Ruata mangitou sarun dumanta!

YESAYA 62:11

Mawu nangonggollu tanata indi su al᷊awo'u pentakku wanua, “Wal᷊oa'a su tumana'u Sion, ‘Pa'ellegge, Mawu Mananal᷊amannu nirumanta! I tou aopasannu manga taumata apan buatte nipallon-Ne’ ”

YEHEZKIEL 34:24

I Ya'u, Mawu, sarun maola'a Ruatan mangitou, wuṛṛu ratu apan ere allang-Ku Daud sarun maola'a tembonanni mangitou. I Ya'u Mawu buatte nabbisara.

YEHEZKIEL 37:24

I mangitou sarun i'aukka su al᷊ungngu sangkatou ratu ere i Ratu Daud apan sarun mamarenta saran mal᷊annu-l᷊annu. Ringannu satia i mangitou sarun tumuṛṛutta manga tita-U. Wuṛṛu saran mal᷊annu-l᷊annu i mangitou see papapulunni mangitou sarun mamanua su leta'a udde, leta'a apan Ta'u nionggolla si Yakub wuṛṛu niwanuannu iupungngu al᷊amona mangitou.

HOSEA 1:7

Arawe walahannu Yehuda sarun Ta'u rangnguanna. I Ya'u Mawu, Ruatan mangitou, sarun manal᷊amatta si mangitou, arawe wal᷊ine ringannu pangalo, wuṛṛu lai wal᷊ine ringannu hal᷊ele ara'e anaanna ara'e awal᷊o wuṛṛu sumasa'ene.”

MIKHA 5:2

Nariaddi, Mawu sarun mamalan uman-Ne tataṛṛinoannu manga seetti mangitou ma'oman sara wawine apan tinantunna mabbal᷊i inangngu piaṛṛa'a apan manungkangngi Tou. Wua'udde manga taumata sambalahanne apan poi su pamamuanganna sarun iammulla apia ringannu walahanni mangitou.

REENGANNA 24:19

Wuassi Yakub sarun dumanta sangkatou tembonanne, apan sarun mamate manga seenne.”

MATIUS 11:29

Tuṛṛutte parenta-U wuṛṛu pattannote pallal᷊agu-U. Ana waugu i Ya'u indi masaṛṛionto'a wuṛṛu mawawo naungnge, ne i yamiu sarun maapendamma asasunge atatahul᷊andimma.

MATIUS 2:2

I mangitou ma'iwal᷊o su al᷊awo'u tampa, “Suapanete Ana'a udde, apan nasungkangnga maola'a ratun taumatan Yahudi? I yami naasilo anumpitanna nasabangnga wuassu samba'an ra'i, wuṛṛu i yami nirumanta massubba si Tou.”

MATIUS 2:6

‘I'o Betlehem, su wanua Yehuda, i'o atonna-tonna wal᷊inewe addio'anne su wallattu al᷊awo'u soa ahunanne su Yehuda. Ana waugu inasabanganne wuassi'o sarun dumanta sangkatou piaṛṛangnge, apan sarun mangehetta al᷊aṛṛana-U Israel.’ ”

MATIUS 21:6

Wua'udde ruang katou mallal᷊aṛṛenggen-Ne udde inaite wuṛṛu na'ola'e su ereapa nitanata Mawu Yesus sitarua.

LUKAS 24:27

Wua'udde Mawu Yesus nanal᷊aate si mangitou apa apan uawoṛṛetta sulal᷊ummu Wuke Susi su ola'u wadang-Nge, manattakka wuassu wuke Musa wuṛṛu wuke manga nabi.

YOHANES 1:49

“Iamangnga Huru,” unni Natanael, “Iamangnga eteudde Ana'u Ruata! Ete Iamangnga Ratum walahannu Israel!”

2 KORINTUS 10:1

Orassa indi ya'u, Paulus, maapulu mabbal᷊on sambau hatto si yamiu. I ya'u indi, unnu taumata, masaṛṛionto'a amungkangngu uasasaruanna ringanni yamiu, arawe waṛṛani amungkangngu mararau. Ne ana waugu asasaṛṛionto'a wuṛṛu apapia naungngi Kristus,

TAHIUL᷊E 17:16

Ratu tawe wotongnge manahuanna awal᷊o manambo ionggola su tantarane wuṛṛu tawe wotongnge mandolokku walahanna indi mabelengnga watukku Mesir huna mamalli awal᷊o, ana waugu Mawu buatte nabbisara manungku alaṛṛanang-Nge tawe wotongnge mabelengnga watukku wanua udde.

MAL᷊AṚṚUUNGNGA 12:14

Anangnge esakka appatu pul᷊o su atoune, wuṛṛu manga pulunne esakka tallun pul᷊o su atoune. I mangitou sambau-sambau uatahuanna keledai sasa'eanna. Ual᷊u tonna al᷊annune walahannu Israel nipiaṛa'i Abdon.

MAL᷊AṚṚUUNGNGA 5:10

Ore i yamiu apan uasa'e keledai mawira, i yamiu apan ua'ianna su permadani, wuṛṛu i yamiu sarangkanambone apan u'amattu ledda, wattia'e watti'u auntunganna indi!