MATIUS 21:44 - WUKE SUSI WATTI'U AL᷊AL᷊USASSA

⁴⁴ Taumata apan nema'a su watu udde, sarun mapussa'a; wuṛṛu taumata apan niaemaannu watu udde, sarun atal᷊inggianne maola'a awu.]”

MATIUS 21:44 Iomraidhean Croise

DARALO 2:12

al᷊intuddate susaruan-Ne ringannu mangngindo, arie ma'oman sara Mawu mabbal᷊i masa'u wuṛṛu i yamiu pateanna ringannu mal᷊ihakka, ana waugu asasa'u-Ne ṛumenggamma ringannu sangkaṛṛondappa. Lal᷊umanna'a su taumata apan uatullindumma su Mawu!

DARALO 2:9

I mangitou sarun ta'u paddianna ringannu ta'inna atta'a wuṛṛu Ta'u pesanganna ere urinna leta'a.’ ”

YESAYA 28:13

Ana waugu udde Mawu mangngaṛṛa'a si yamiu huruppa ringannu huruppa, wisara ringannu wisara wuṛṛu hatto ringannu hatto. Wuṛṛu sutempo umamatta i yamiu nanawo uataro'o na'oman sara nal᷊essa, niasongnganna wuṛṛu niatawanna.

YESAYA 60:12

Walahanna wuṛṛu araratuanna apan maddiri tumuṛṛutta si'o, sarun mate wuṛṛu mawul᷊i tawe baddi'a.

ZAKARIA 12:3

Arawe amungkangngu allo udde nia'omante, i Ya'u sarun ma'ola'a Yerusalem ere watu apan mawakkatta; al᷊awo'u walahanna apan maannamma mamengketta sarun maasomba silaka. Anambon balahanna su runia sarun maamulla mamangalo Yerusalem.

MATIUS 21:43

“Nariaddi paanaunge,” unnu Mawu Yesus, “anambon taṛṛino su al᷊aṛṛana'u Ruata sarun ul᷊eanna wuassi yamiu wuṛṛu ionggolla su walahanna apan mapaamattu manga parenta Ruata. [

MATIUS 21:45

Su tempo manga imam tembonanne wuṛṛu manga taumatan Farisi naaringikka sasumandingngu Mawu Yesus udde, i mangitou naasingkatta manungku Mawu Yesus mabbatti'i mangitou.

MATIUS 26:24

Atonna Ana'u Taumata sarun mate ere uawoṛṛetta sulal᷊ummu Wuke Susi. Arawe nasilakate taumata apan mandal᷊eo Ana'u Taumata! Mappianne taumata udde tawe niasungkangnga!”

MATIUS 27:25

Awada'alla udde sinumimbakka, “Ore, wala'e si yami wuṛṛu manga al᷊aṛṛana'i yami mamasanna ṛuumanna wuassu papate-Ne!”

LUKAS 2:34

I Simeon nangal᷊amatta si mangitou wuṛṛu nabbisara si Maria, inangngu ana'a udde, “Ana'a indi suete nipilen Ruata sarun mamate wuṛṛu manal᷊amatta anambon taumatan Israel. I Tou sarun maola'a tatiala wuassu Ruata, apan sarun ipaseettu taumata nambo,

LUKAS 20:18

Anambon taumata apan manawo su watu udde sarun maṛṛimunsa'a; wuṛṛu isai apan aemaannu watu udde sarun atal᷊inggianne mabal᷊i awu.”

YOHANES 19:11

Mawu Yesus sinumimbakka, “Amungkangngu Ruata tawe mangonggolu taṛṛino udde si'o, i'o atonna-tonna tawe taṛṛino su riri-U. Ana waugu udde taumata apan nanantillu riri-U si'o, magewal᷊anna rosane wuassu rosanu.”

ROMA 9:33

Su ola'u watu udde sulal᷊ummu Wuke Susi uawoṛṛetta arendi, “Paanaunge indi: Su Sion buatte Ta'u niaddo sambau watu apan sarun atarannu taumata; eteudde sambau watu wahewa apan sarun mangema'u taumata. Arawe taumata apan mangngimanna si Tou tawe sumassilla.”

1 TESALONIKA 2:16

Ewe'e i mangitou lai mammal᷊aatta si yami mabatti'a su manga walahanna wal᷊ine Yahudi watti'a apan wotongnge maasal᷊amatta manga walahanna udde. Ringannu aroddi manga taumatan Yahudi udde siddutu mannamba rosan mangitou na'oman sara reenganne masuungnga. Wuṛṛu orassa indi i mangitou panginsueanne niarantannu asasa'un Duata!

1 PETRUS 2:8

wuṛṛu “Eteudde watu apan maatara taumata, watu apan naaema'a si mangitou.” I mangitou natara ana waugu i mangitou tawe mangngimanna wisaran Duata. Ete aroddi suete tinantunu Ruata su ola'i mangitou.